Барилга засварын цехийнхэн энэ оны төлөвлөгөөт хөрөнгө оруулалт, урсгал засварын зардлаар хийх барилга угсралт засварын ажлаа төлөвлөгөөний дагуу гүйцэтгэж байна. Энэ ажлын хүрээнд Баяжуулах үйлдвэрийн Өөрөө нунтаглах хэсгийн тоног төхөөрөмжийн шинэчлэл, ММС тээрмийн хөдөлгүүр, эргэлт удирдах өндөр хүчдэлийн давтамж хувиргагч ПЧВС-ийн суурилуулалт, ЛК-72-75-р конвейерын галерейн их засвар, гадна кабелийн лоткины таг болон шугам хоолойн дулаалгын ажил хийв. Түүнчлэн Засвар механикийн заводын Автын шалган нэвтрүүлэх хоёрдугаар постын дэргэдэх автомашины зогсоолын талбай шинээр байгуулах, үерийн усны далан засварлах, ажилчдын халуун усны байруудын их засвар, Дулааны цахилгаан станцын үерийн усны суваг хийх, бетон талбайг засварлах, Ус хангамжийн цехийн барилгын зориулалтыг өөрчлөх, үйлдвэрийн Ерөнхий захиргааны нэгдүгээр байрны таван давхарт ажлын өрөө болон хурлын заал гарган засварлах ажлыг бүрэн хийгээд байна. Мөн Барилга засварын цехийн материалын агуулах барих, Ерөнхий захиргааны нэгдүгээр байрны өрөөнүүдийн засвар, орон сууцны хэсгийн фондын байрны засвар, “Эрдэнэт цогцолбор” дээд сургуулийн оюутны байрны өрөөнүүд, коридор, гал тогооны өрөөний засварын ажил хийгдэж байна. Нийгмийн цехүүдийн их засварын ажлын хүрээнд Орос сургуулийн анги танхим, коридорын засвар, Спорт цогцолборын байт харвааны байр барих, худгуудын байрны засварыг төлөвлөгөөний дагуу хийжээ.
Төлөвлөгөөт урсгал засварын ажил хийлээ
-
Т.Батчулуун
- Мэдээ
- 07/12/2022
- 1994
- 0
Б.Баттөгс
Зурагчин
Энэ мэдээ танд ямар санагдав?
0
0
0
0
0
Т.Батчулуун
None
Сэтгэгдэл үлдээх
Нар минутад мандаж минутад жаргана.
Үс засуулвал: 
Суудал: Өнөөгийн Эрдэнэт Сонин
Ярилцлага
