Ажилчид хөдөлмөрийн эрүүл мэнд, аюулгүй байдлын 33 видео хичээл бэлтгэжээ

М.Одгэрэл
Сэтгүүлч
Ажилчид хөдөлмөрийн эрүүл мэнд, аюулгүй байдлын 33 видео хичээл бэлтгэжээ

ХАБЭА-н хэлтэс ажилчдын дунд ажлын байрны гурван цагийн хичээлийг хөдөлмөрийн эрүүл мэнд, аюулгүй байдлын сургалтын видео хичээл болгох 45 хоногийн аян зохион байгууллаа. Аянд Баяжуулах үйлдвэрийн Нунтаглан баяжуулах хэсэг, Геологи хайгуулын экспедици, Засвар механикийн завод, Ил уурхай, Цахилгаан цех, Чанарын хяналтын хэлтэс, Автотээврийн цехийн ажилчид идэвхтэй оролцож, ажлын хувцас, хувийн хамгаалах хэрэгслийн төрлүүдийн зохистой хэрэглээ, зан үйлтэй холбоотой өвчлөл, түүнээс урьдчилан сэргийлэх, ажил эхлэхээс өмнө эрсдэлийн үнэлгээ хийх арга, дадал зэрэг сэдвээр 33 видео хичээл бэлтгэсэн байна. ХАБЭА-н хэлтэс уг бүтээлүүдийг өөрийн ажлын байрууд дээр жишээ авсан байдал, хичээлийн агуулгыг оновчтой шийдлээр ойлгомжтой гаргасан байдал зэрэг шалгуураар байр эзлүүлж шагнах юм.       

 Эдгээр хичээлийг ажлын байрны сургалтад зориулахаас гадна “Өглөөний ХАБ”, хөдөлмөрийн аюулгүй байдлын давтан зааварчилгаа өгөхөд ашиглана, гэж тус хэлтсийн Сайжруулалтын мэргэжилтэн, доктор Л.Батгэрэл мэдээллээ.

Сэтгэгдэл бичих

Уншигчдын бичсэн сэтгэгдэлд erdenettoday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.