Холбоо, мэдээллийн технологи, автоматжуулалтын цехийн 40 жилийн ой энэ онд тохиож буй. Түүхт ойгоо угтан тус цех "Автоматжуулалт, мэдээлэл технологийн хөгжил” сэдэвт илтгэлийн уралдаан зарлан дүгнэжээ. Залуу ажилтнуудынхаа мэдлэг, ур чадварыг нээх, хөгжүүлэх зорилготой уг уралдааны тэргүүн байрт Релей хэсгийн С.Эрдэнэбүрэн, Ж.Галбадрах нарын “Amdel-MEP 330 маркийн цацраг идэвхит анализаторын автомат угаалгын систем” илтгэл шалгарлаа. Баяжуулах үйлдвэрийн технологийн автоматжуулалтын хэсгийн ажилтан Н.Дашмягмарын “Үйлдвэрлэлийн технологийн сүлжээнд мониторинг хийх нь”, Уулын тээврийн ажлын технологийн автоматжуулалтын хэсгийн ажилтан Ц.Тунгалагийн “Уулын цул өргөх жигнэсэн дундаж өндрийн тооцооллыг боловсронгуй болгох нь”, БҮТАХ-ийн М.Азжаргал, Б.Ганцоож нарын “Автоматжуулалт бидний ирээдүйн амьдралд” илтгэлүүд удаах байруудыг эзлэв. Уг уралдаанд 12 ажилтан, найман илтгэлээр оюун ухаан, ур чадвараа сорьсон. Тус цехийнхэн түүхт ойдоо зориулан Эрдэнэт үйлдвэр технологийн автоматжуулалт, мэдээлэл холбооны цогц системийг хэрхэн цогцлоон бүтээсэн тухай баримтат кино, сэтгүүл гаргажээ. Түүнчлэн залуу ажилтнуудынхаа авьяас, чадварыг нээн илрүүлсэн урлагийн бага наадам зэрэг 15 бүтээлч, сонирхолтой ажил зохион байгуулсан юм.
2023-12-03
Билгийн тооллын 21
Нар 08:22 минутад мандаж 17:01 минутад жаргана.
Үс засуулвал: Өвчин ирнэ
Суудал: Огторгуй
