“Эрдэнэт” сувиллын цогцолборынхон эрүүл мэндийн даатгалын сангаас авдаг эрүүл мэндийн тусламж, үйлчилгээний нэр төрлийг нэмэгдүүлж, уламжлалт, сэргээн засах эмчилгээг даатгалд хамруулж эхэллээ. Өөрөөр хэлбэл, өмнө даатгалаас санхүүждэггүй байсан уламжлалт болон сэргээн засах эмчилгээг үйлчлүүлэгчид даатгалын хөнгөлөлтөөр хийлгэх болсон байна. Сүүлийн жилүүдэд ажилтнуудын дунд нуруу, үе мөчний өвчлөл нэмэгдэж буйгаас үүдэн уламжлалт, сэргээн засах эмчилгээний тасгийн ачаалал ихэссэн, гэж “Эрдэнэт” сувиллын цогцолборын Сэргээн засах эмчилгээний тасгийн эрхлэгч Д.Оюунбат онцлов. Иймд өвчтөнүүдэд эрүүл мэндийн даатгалаар эмчилгээ авах боломж олгохын зэрэгцээ мэргэжлийн сэргээн засалч эмчтэй болжээ.
“Эрдэнэт” сувиллын цогцолборт мэргэжлээс шалтгаалах өвчний улмаас хувь тогтоолгосон иргэд харьяалал харгалзахгүй 100 хувь, Эрдэнэт үйлдвэрийн ажилтны ар гэр “Хамтын гэрээ”-ний заалтын дагуу 40 хувийн хөнгөлөлттэй нөхцөлөөр хэвтэн сувилуулах боломжтой. Мөн ажилтнуудын ар гэрийнхэн эрүүл мэндийн даатгалын сангаас давхар хөнгөлөлт эдлэн, 7 хоног хүртэл хугацаагаар эмчлүүлэх боломж бүрджээ. Өнөөдрийн байдлаар, “Эрдэнэт” сувилал 100 ортойгоор сэргээн засах болон, уламжлалтын тусламж үйлчилгээ үзүүлж байна.
Нар минутад мандаж минутад жаргана.
Үс засуулвал: 
Суудал: 
