Эрдэнэт үйлдвэрийн Засвар механикийн завод импорт орлох бүтээгдэхүүний нэр, төрөл болон үйлдвэрлэлийн хэмжээг өсгөх, бүтээгдэхүүний өөрийн өртгийг бууруулах, борлуулалтын орлогыг нэмэгдүүлэх, өрсөлдөх чадвараа дээшлүүлэх зорилгоор өргөтгөл шинэчлэлийн ажлыг үе шаттай хэрэгжүүлсээр байна. Монголын зах зээлд төмөрлөг болон түүгээр хийсэн бүтээгдэхүүний орон зай, эрэлт хэрэгцээ их байгаа нь хөгжилд давуу тал болохыг тус заводын Ерөнхий инженер ярьсан.
“Эрдэнэт үйлдвэр” ТӨҮГ-ын Засвар, механикийн завод 2031 оны эцэс гэхэд цутгамал бүтээгдэхүүнийг 15300 тонн, стандартын бус тоног төхөөрөмжийн үйлдвэрлэлийг 4000 тонн, резинэн эдлэлийг 400 тонн, механик боловсруулалттай эд анги үйлдвэрлэлийг 5000 тонн хүртэл нэмэгдүүлэхээр зорьж, Цутгуурын болон Механик цехэд өргөтгөл шинэчлэл хийж, Шинэ цутгуурын цехийн төсөл хэрэгжүүлэхээр төлөвлөжээ. Үүний эхлэл болох Цутгуурын цехийн Илчийн боловсруулалтын тасгийн өргөтгөлийн газар шорооны хөрс хуулалт, баганын бетон цутгах ажил явагдаж байна. Энэхүү өргөтгөлийг 2023 оны 11-р сарын 1-нд ашиглалтад оруулахаар, ерөнхий гүйцэтгэгчээр “Аглут” компани ажиллаж байна. Илчийн боловсруулалтын тасаг өргөтгөл хийснээр Цутгуурын цехийн бүтээгдэхүүн үйлдвэрлэлийн хэмжээ 1800 тонноор нэмэгдэж, жилд 7000 тонн бүтээгдэхүүн үйлдвэрлэх боломж бүрдэх юм.
Засгийн газрын 2020-2024 оны үйл ажиллагааны хөтөлбөрт тусгагдсан “Эрдэнэт үйлдвэр” ТӨҮГ-ын Ил уурхай, Баяжуулах үйлдвэр, Засвар, механикийн заводыг өргөтгөн шинэчилж үр өгөөжийг дээшлүүлэх ажил ийнхүү эрчтэй өрнөж байна.
Нар минутад мандаж минутад жаргана.
Үс засуулвал: 
Суудал: 
