Эрдэнэт үйлдвэрийн хэмжээнд ариутгал, халдваргүйтгэл, мэргэчгүйтэлийг улирал тутам хийдэг бөгөөд гурван компанитай гэрээгээр хамтран ажилладаг байна. Хөдөлмөрийн аюулгүй байдал эрүүл ахуйн хэлтэс, аймгийн Мэргэжлийн хяналтын газартай хамтран үйлдвэрийн дүүрэгт үйл ажиллагаа явуулдаг хоол үйлдвэрлэлийн ахуйн байр болон ойр орчмын хөрсөнд ариутгал хийх сарын аян зарлалаа. Энэ ажлын хүрээнд хоол үйлдвэрлэлийн чиглэлээр үйл ажиллагаа явуулж буй Сэлэнгэ катеринг компанийн ажлын байран дээр мэргэжлийн хяналтын газрын улсын байцаагч зөвлөгөө өгөв.Түүнчлэн үйлдвэрийн ахуйн байрууд болон гадна талбайд хөрсний халдваргүйжүүлэлт хийх ажээ. Энэ талаар ХАБЭА-н хэлтсийн дарга Д.Мөнхболд: Өнгөрсөн 7 хоногийн амралтын өдөр оготнотой холбоотой мэдээлэл цахим орчинд гарсан. Уг мэдээллийн мөрөөр хамтран ажиллах зорилготой мэргэжлийн хяналтын албан хаагчаас газар дээр нь зөвлөгөө авлаа.Эрүүл ахуй талаас өндөр шаардлага тавигдаж байна. Нэг сарын аяны хугацаанд бүтцийн нэгжийн удирдлагууд, эрүүл ахуйчид, ариутгал хийдэг гэрээт компанийн төлөөлөл хамтран ажиллана. Бид үйлдвэрийн дүүрэгт ямар нэгэн мэрэгч, шавжгүй байх зорилго тавьж байна. Зөвхөн хоолны заал бус ойр орчмын хөрсийг халдваргүйжүүлэх ажил төлөвлөгөөний дагуу хийгдэнэ.
-Орхон аймгийн Мэргэжлийн хяналтын газрын Хөдөлмөрийн эрүүл ахуйн улсын байцаагч Г.Батцэцэг: Эрдэнэт үйлдвэр ариутгал, халдваргүйтгэл, мэргэчгүйтэлийн ажлыг улирал тутам хийж ирсэн. Бид байнга хяналт тавьж ажилладаг. Одоогоор хоол үйлдвэрлэлийн байранд ямар хэлбэрээр өлийн оготно орж ирсэн нь тодорхойгүй байна. Оготно үзэгдсэнээс хойш гэрээт компаниараа мэргэчгүйтгэл хийлгэсэн байна. Цаашид ажилчид хооллодог ахуй хангамжийн байр,бүх объектод мэргэчгүйтгэл хийхээр тохирлоо. Тэгэхээр ариутгал халдваргүйтгэлийн компаниудад хугацаа хэтрээгүй ариутгалын хор найруулж ашиглах зөвлөгөө өглөө. Мөн гадна талбай буюу уулын хэсэгт мэргэч амьтан явдаг. Энд хяналт тавьж, газар тариалангийн холбоотой хор цацаж ажиллахыг зөвлөлөө. Тав дахь өдөр тавьсан хорон дээр ямар нэгэн мэрэгч амьтан хордсон тохиолдол алга. Оготнын хорыг тодорхой хэмжээний мах, будаанд шингээн өгөөш хэлбэрээр тавьдаг учраас агаар дуслын замаар хүнд нөлөөлөхгүй. Харин тэр мэрэгч амьтан идсэнээр хоол боловсруулах зам нь хордоно. Иймээс тухайн ажлын байрны үйл ажиллагааг зогсоож хор тавих шаардлага байхгүй. Энэ хор шууд идсэний дараа үйлчлэхгүй. Тэгэхээр ажиглалт сайн хийх хэрэгтэй. Ариутгал, шавжгүйтгэл бол өөр. Шавжгүйтгэлийг тухайн ажлын байранд агаарт нь тавьдаг учраас хоол үйлдвэрлэлийг зогсоож хийх ёстой” гэв.
Нар минутад мандаж минутад жаргана.
Үс засуулвал: 
Суудал: 
