“Эрдэнэт үйлдвэр” ТӨҮГ-ын Ерөнхий захирал Г.Ёндон үйлдвэрийн үндсэн цехүүдийн ажил байдалтай өнөөдөр танилцлаа. Тэрээр Ил уурхай, Автотээврийн цех, Баяжуулах үйлдвэрийн технологийн үйл ажиллагаатай танилцсан юм. Нэр дурдсан үндсэн цехийн удирдлагууд үйлдвэрлэл, үр ашиг, техник технологийн шинэчлэл, өртөг, зардал, тоног төхөөрөмж, бараа материалын нийлүүлэлт, төсөл хөтөлбөрүүдийн явцын талаар Ерөнхий захиралд танилцуулж, дэлгэрэнгүй мэдээлэл хийв.
Мөн тухайн цехэд тулгамдаж буй асуудлын талаар харилцан ярилцаж, санал бодлоо солилцлоо. Ерөнхий захирал Г.Ёндон Ил уурхайн диспетчерийн ажлын байр, Автотээврийн цехийн Технологийн тээврийн автомашины засварын хэсэг, Баяжуулах үйлдвэрийн Өөрөө нунтаглах хэсгийн өргөтгөл, Шүүн хатаах хэсгийн ажил байдалтай танилцаж, үйлдвэрлэлийн үндсэн цех, нэгжүүд өөр хоорондоо нягт уялдаа холбоотой ажиллахыг үүрэг болгов.
Нар минутад мандаж минутад жаргана.
Үс засуулвал: 
Суудал: 
