Орчны бохирдлыг бууруулах Үндэсний хороо, “Бөмбөрцгийн Сүмбэ” хүүхдийн байгууллагатай хамтран “Аюулыг авдарлая-1” уриан дор тамхины иш түүх уралдааныг улсын хэмжээнд зарласан. Хавдар, харшил зэрэг олон өвчний суурь шалтгаан болдог, байгальд уусаж шингэдэггүй янжуурын иш түүх энэхүү аянд Эрдэнэт үйлдвэрийн баялаг бүтээгчид нэгдлээ. Есдүгээр сарын 05-наас эхэлсэн энэ үйл ажиллагаанд Эрдэнэт үйлдвэрийн бүтцийн 21 нэгжийн хамт олон өөрийн цехийн ойролцоох зам, талбайд хаягдсан тамхины ишийг түүж орчноо цэвэрлэж байгаа бөгөөд одоогоор усны 100 гаруй сав тамхины иш цуглажээ.
Пластик ундааны соруул болон гялгар уут нь байгаль орчинд хамгийн сөрөг нөлөөтэй хог хаягдал гэдгийг олон улсын судалгааны байгууллагууд нэгэнт нотолсон. Тэгвэл сүүлийн жилүүдэд Дэлхийн эрүүл мэндийн байгууллага анхаарлын гадна байсан тамхины иш тэдгээрээс дутахгүй хор хөнөөлтэй хаягдал болохыг илрүүлсэн юм. Тамхины иш бүхий шүүлтүүрээс никотин, арсеник, хар тугалга гэх мэт бодис байгальд ялгардаг байна. Эрдэнэт үйлдвэрийн цех, нэгж, хэсэг бүрт бүрэн тохижуулсан тамхины цэг байдаг бөгөөд цэвэрлэгээ үйлчилгээ ч сайн явагддаг. Гэсэн хэдий ч уурхайчин хамт олон байгаль эх дэлхийгээ хамгаалах аянд сэтгэлээсээ нэгдэж, ойролцоох гудамж талбайн хог хаягдлыг цэвэрлэж байна.
Тамхины иш түүх аянд Эрдэнэт үйлдвэр нэгдлээ
-
М.Одгэрэл
- Мэдээ мэдээлэл
- 13/09/2022
- 775
- 0
Энэ мэдээ танд ямар санагдав?
0
0
0
0
0
М.Одгэрэл
None
Сэтгэгдэл үлдээх
Нар минутад мандаж минутад жаргана.
Үс засуулвал: 
Суудал: Өнөөгийн Эрдэнэт Сонин
Ярилцлага
