Хязгаарлагдмал орчинд аюулгүй ажиллах сургалт явагдаж байна

М.Одгэрэл
Сэтгүүлч
Хязгаарлагдмал орчинд аюулгүй ажиллах сургалт явагдаж байна

Хязгаарлагдмал орчин буюу битүү, харанхуй, агааргүй, суваг шуудуунд давтамжтай ажилладаг мэргэжилтнүүдэд аюулгүй ажиллах сургалт явагдаж байна. ШУТИС-ийн харьяа “Эрдэнэт” цогцолбор дээд сургуулиас гурван жил тутам явуулдаг ээлжит сургалтад Эрдэнэт үйлдвэрийн 18 бүтцийн нэгжийн 78 ажилтан хамрагдаж, хязгаарлагдмал орчны аюул ослын тухай, ийм орчинд ажиллах зөвшөөрөл, бичиг баримт бүрдүүлэх, эрх авах журам, хяналтын арга хэмжээ, багийн гишүүдийн үүрэг хариуцлага зэрэг сэдвээр номын дуу сонслоо. Мөн үйлдвэрлэлийн том оврын тоног төхөөрөмжийн давчуу зайд болон бункер, зумп, танкуудад орж, голлон засвар үйлчилгээ хийдэг механикийн ажилчид, засварчид, сантехникчид хязгаарлагдмал орчинд нэвтрэн ажиллах дадлага хийсэн юм. Түүнээс гадна хязгаарлагдмал орчинд ажиллах эрсдэлийн үнэлгээ, аюулыг таньж мэдэх, хянах, холбоо харилцаа тогтоох, аваар ослын үед авах арга хэмжээ, аврах төлөвлөгөөгөөний талаар ч багаар ажиллан хэлэлцэв.  

Сэтгэгдэл бичих

Уншигчдын бичсэн сэтгэгдэлд erdenettoday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.