Олон улсын стандартаар сургах “Гагнуурын сургалтын төв”-ийн нээлт боллоо

     ХБНГУ-ын Эдийн засгийн хамтын ажиллагаа, хөгжлийн яамны Төр, хувийн хэвшлийн түншлэл хөтөлбөрийн санхүүгийн болон техникийн дэмжлэгтэйгээр Германы олон улсын хамтын ажиллагааны нийгэмлэг, Шахтбау Нордхаузен ХХК болон Хасу Мегаватт ХХК-ийн хамтарсан “Гагнуурын салбар дахь стратегийн түншлэл” төсөл Монгол улсад хэрэгжиж байна. Уг төслийн хүрээнд “Эрдэнэт цогцолбор” дээд сургууль дээр байгуулсан Олон улсын стандартын “Гагнуурын сургалтын төв”-ийн нээлт өнөөдөр боллоо. 

     Нээлтийн үйл ажиллагаанд ХБНГУ-ын Элчин сайдын яамны Байнгын төлөөлөгч Регина Рутенберг, “Эрдэнэт үйлдвэр” ТӨҮГ-ын Ерөнхий захирлын Санхүү, эдийн засаг хариуцсан орлогч Д.Үүрийнтуяа, Орхон аймгийн Боловсрол, шинжлэх ухааны газрын дарга О.Ариунгэрэлт, Германы олон улсын хамтын ажиллагааны нийгэмлэгийн Ази хариуцсан менежер Мартина Агрел, “Түншлэлд суурилсан техникийн болон мэргэжлийн боловсрол сургалт” төслийн менежер Беате Диппмар, ХНХ-ын яамны боловсрол, судалгаа, мэдээлэл, арга зүйн төвийн дарга Ц.Батдорж, Шахтбау Нордхаузен ХХК-ийн Олон улсын уул уурхайн хэлтсийн дарга Олаф Шмидт, Хасу Мегаватт ХХК-ийн гүйцэтгэх захирал Т.Оргил, “Эрдэнэтийн ДЦС” ТӨХК-ийн захирал Б.Бат-Эрдэнэ, “Эрдэнэт ус, дулаан түгээх сүлжээ” ОНӨХК-ийн дарга Д.Бүүвэйбаатар, Ора металл ХХК-ийн захирал С.Бат-Эрдэнэ, “Эрдмин” ХХК-ийн үйлдвэрлэл эрхэлсэн дэд захирал Ц.Энхбаяр болон баялаг бүтээгч уурхайчдын төлөөлөл оролцлоо. 

     “Гагнуурын сургалтын төв”-ийг нээж “Эрдэнэт үйлдвэр” ТӨҮГ-ын Ерөнхий захирлын Санхүү, эдийн засаг хариуцсан орлогч Д.Үүрийнтуяа хэлсэн үгэндээ, “Эрдэнэт үйлдвэр 2019 оноос Төрийн өмчит үйлдвэрийн газрын статустай ажиллаж байгаа. Монгол Улсын Засгийн газар 224 дүгээр тогтоолоор Эрдэнэт үйлдвэрийг 2031 он хүртэл хөгжүүлэх үндсэн чиглэлийг баталж өгсөн. Энэ үндсэн чиглэлд тусгагдсан нэг чухал заалт бол “Эрдэнэт цогцолбор” дээд сургуулийн хөгжлийн асуудал юм. Иймээс уул уурхайн салбарын мэргэжлийн ажилтнуудыг бэлтгэх бодлого, хамтын ажиллагааны хүрээнд энэ төсөл хэрэгжиж, “Гагнуурын төв”-ийг нээж байна. Энэ нь Эрдэнэт үйлдвэрт төдийгүй Орхон аймгийн аж үйлдвэрийн салбарт, цаашлаад манай улсын уул уурхайн салбарт мэргэжлийн чадавхтай, мэргэшсэн боловсон хүчин бэлтгэхэд томоохон хувь нэмэр оруулах төсөл хэрэгжиж байгаад төслийн оролцогч талууд Германы элчин сайдын яамны хамт олонд ажлын өндөр амжилт хүсэн ерөөе” гэв. 

     Уг төсөл Герман Монголын хамтарсан МСҮТ болон “Эрдэнэт цогцолбор” дээд сургууль дээр хэрэгжиж байгаа аж. Одоогийн байдлаар тус төв 10 шинэ тоног төхөөрөмж хүлээн авч суурилуулжээ. Мөн зориулалтын агааржуулалтын систем тавьсан 16 өрөө тасалгаатай болж, үйл ажиллагаа явуулах хүчин чадал нэмэгджээ. 

     Ийнхүү “Гагнуурын салбар дахь стратегийн түншлэл” төсөл амжилттай хэрэгжсэнээр дэлхийн стандартыг Монголчууд эзэмших нөхцөл бүрдэж байгаа юм. Энэ талаар “Эрдэнэт цогцолбор” дээд сургуулийн захирал Д.Зоригтхүү: “Энэ төслийн нээлт 2019 оны 12 сард Улаанбаатар хотод анх болж байлаа. Германаас багш нар ирж суралцагчдад хичээл орсон. Гэвч дэлхий нийтийг хамарсан цар тахлын дэгдэлтээс шалтгаалан хүмүүсийг Германд сургах үйл явц хойшилсон. Манай сургууль жилд 3-4 удаа гагнуурчны элсэлт авдаг. Харин зэрэг нэмэх сургалт цех, нэгжүүдийн захиалгаар тогтмол явагддаг. Гагнуурын сургалтууд уламжлалт стандартаараа явна. Гагнуурын төвийн шинэ тоног төхөөрөмжүүд ашиглалтад орж байна. Ирэх долоо хоногоос манай багш нар Герман-Монголын хамтарсан Мэргэжил сургалт үйлдвэрлэлийн төвд урьдчилсан сургалтад хамрагдана. Герман багш нар хичээл орно. Дараагийн шатанд Герман улсад сургалтад хамрагдана. Олон улсын эрхтэй гагнуурчин бэлтгэхийн тулд багш нар нь олон улсын эрх авах ёстой. Иймээс манай багш нарт олон улсын эрх олгож, гэрчилгээжүүлнэ. Олон улсын гагнуурын сургалтын эрх олгох үйл ажиллагаа багш нар гэрчилгээ авснаар эхэлнэ. Сургалтын хөтөлбөрүүдийг ISO 9606 Олон улсын стандартын дагуу Герман хэлнээс орчуулах ажил хийгдэж байна” хэмээн онцлов. 


 

Б.Баттөгс
Зурагчин
Энэ мэдээ танд ямар санагдав?
Хайр татам байна
0
Таалагдаж байна
0
Гайхалтай байна
0
Гунигтай байна
0
Уур минь хүрч байна
0

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

ӨНӨӨДРИЙН ЗУРХАЙ

wave
|
Нар минутад мандаж минутад жаргана.


Үс засуулвал:
Суудал:


Ярилцлага

wave
Ц.БАТБОЛД: Молибдены даралтат шүүлтүүр суурилуулснаар Эрдэнэт үйлдвэрийн төлөвлөгөөт зорилтыг ханган биелүүлэхэд чухал үүрэг гүйцэтгэнэ
Р.ЭНХБОЛД: Үерийн усны сувгуудад үзлэг шалгалт хийж, далан шуудууг засварлан цэвэрлэж байна
Г.БАТМӨНХ: Хүний амь настай дүйцэхүйц чандмань эрдэнэ усаа дээдлэн хайрлаж амьдарцгаая
Б.БАТЖАРГАЛ: Бэлтгэлийн цүнхээ үүрээд зааландаа очиход л ажлын ядаргаа арилчихдаг
С.УУГАНБАЯР: Манайх аваарын бригад болохоор илүү хариуцлагатай, чадвартай байхыг шаарддаг
Г.ГАНБОЛД: Шинэ үйлдвэржилтийн байнгын хороо нь хүнд, хөнгөн, жижиг, дунд үйлдвэрийн бодлогыг тодорхойлно
Л.МӨНХБААТАР: Эрдэнэт үйлдвэрийн ажилтнуудын нийгэм, эдийн засаг, хууль эрх зүйн баталгааг хангахад УИХ онцгой анхаарч ажиллана
П.ОЮУНСҮРЭН: Би Эрдэнэт үйлдвэртэй хувь заяагаа холбосон азтай хүн
Д.ҮҮРИЙНТУЯА: Хэмнэлтийн 105 тэрбум төгрөгийг хөрөнгө оруулалтын үйл ажиллагаанд зарцуулна
С.НАРАНЧИМЭГ: “MNS 70142023” стандарт нэвтэрснээр эмч, сувилагч, ажилчдын тусламж, үйлчилгээний чанар сайжирна

Хайлт хийх ...

ESC дарж буцах боломжтой.

Цаг агаар
Эрдэнэт хот
Өнөөдөр
2023-12-31
-6°C
Багавтар үүлтэй
Салхи: 6м/сек
-13°C
Багавтар үүлтэй
Салхи: 5м/сек
2024-01-01
-6°C
Үүл багаснa
Салхи: 7м/сек
-16°C
Үүлшинэ
Салхи: 6м/сек
2024-01-02
-8°C
Багавтар үүлтэй
Салхи: 7м/сек
-18°C
Багавтар үүлтэй
Салхи: 6м/сек
2024-01-03
-6°C
Цас
Салхи: 5м/сек
-13°C
Үүлшинэ
Салхи: 5м/сек
2024-01-04
-10°C
Үүлшинэ
Салхи: 6м/сек
-17°C
Цас
Салхи: 5м/сек
Валютын ханш
Монголбанк
Валют Ханш
USD 3409.39 -0.0004 %
EUR 3731.58 -0.0161 %
GBP 4332.82 -0.0091 %
RUB 37.42 -0.0067 %
CNY 476.27 -0.0079 %
KRW 2.59 -0.0232 %
CAD 2548.89 -0.0144 %
NZD 2125.75 -0.0195 %
AUD 2285.66 -0.0225 %
JPY 23.61 -0.0258 %
HKD 436.62 +0.0004 %
SGD 2562.2 -0.0112 %
CHF 4010.58 -0.0131 %
SEK 331.69 -0.0360 %
TRY 114.24 -0.0140 %
THB 97.51 -0.0251 %