Соёл, урлагийн цогцолбороос Эрдэнэт үйлдвэрийн нийт ажилтнуудын дунд Урлагийн бага наадам зохион байгуулах гэж байна. Монгол Улсад Уул уурхайн салбар үүсэж, хөгжсөний 100 жилийн ойг тэмдэглэх ажлын хүрээнд “Зуун дамжсан уурхайчдын түүчээ” урлагийн Их наадмыг улсын хэмжээнд зохион байгуулах аж. Их наадамд оролцох авьяастнуудыг тодруулах бага наадмын бэлтгэл ажилд тус цогцолборынхон оржээ. “Зуун дамжсан уурхайчдын түүчээ” урлагийн Их наадамд Монгол улсад үйл ажиллагаа явуулж буй уул уурхайн бүхий л байгууллагууд оролцоно.
Соёл, урлагийн цогцолбор нь Эрдэнэт үйлдвэрийн ажиллагсад, Орхон аймгийн иргэдэд соёл, урлагийн цогц үйл ажиллагааг төлөвлөгөөний дагуу зохион байгуулдаг бөгөөд 2022 оны эхний улиралд, Булган аймгийн Хөгжимт жүжгийн театртай хамтран “Монголоо дуулъя” тоглолт, Хайрын баярт зориулсан “Чамдаа би хайртай” теле тоглолт, “Хайрын бэлэг” захиалгат хөтөлбөр, “Ээжүүддээ хайр түгээе” аян, хаалтын концерт, “Эх орноо хайрлая” караоке уралдаан, ГАЛА тоглолт, Эмэгтэйчүүдийн баярт зориулсан “Ижий минь та урт наслаарай” концерт зэрэг үйл ажиллагааг зохион байгуулсан юм. Түүнчлэн, “Эрдэнэтийн бал-2022” бүжгийн 26 дахь удаагийн наадмыг дөрөвдүгээр сарын 29-өөс тавдугаар сарын 16-ны өдрүүдэд зохион байгуулахаар бэлтгэл хангаж байна.
Нар минутад мандаж минутад жаргана.
Үс засуулвал: 
Суудал: 
