Орхон аймгийн Гэр бүлийн ордон энэ оноос гэр бүлийн гишүүн бүр рүү чиглэсэн үйл ажиллагаа явуулах шинэ менежментээр ажиллаж байна. Энэ ажлын хүрээнд гэр бүлийг өргөмжлөх, тэдний үнэ цэнийг нэмэгдүүлэх, нийгэмд зөв үлгэр дуурайлал үзүүлэх зорилгоор “Тэнгэрлэг гэр бүл”-ийг шалгаруулах ёслол өнөөдөр боллоо. Эрдэнэт үйлдвэрийн Эмэгтэйчүүдийн байгууллага, аймгийн нийт багуудаас “Тэнгэрлэг гэр бүл” шалгаруулах ажлын хэсэгт нийт 183 гэр бүлийн нэрс ирсэн байна. Эндээс сонгон шалгаруулалтаар 18 гэр бүл шилдгээр шалгарчээ. “Тэнгэрлэг гэр бүл”-ээр Монгол Улсын Хөдөлмөрийн баатар Ж.Чойжилсүрэн, “Эрдэнэт үйлдвэр” ТӨҮГ-ын ахмад ажилтан Д.Галбаатар, Г.Дэмбэрэлдаш, С.Ганбаатар, Эрдэнэт хотын Нэгдсэн эмнэлгийн их эмч Д.Хэнчбиш, АТЦ-ийн жолооч Д.Наранбаатар, Ленда ХХК-ийн захирал Д.Батбаяр нарын гэр бүл шалгарлаа. Энэ хотод 20-р зууны сүүлчийн манлайлагчид, шинэ зууны хөгжлийн түүчээнд явсан ахмад буурлууд, илгээлтийн эзэд, хөдөлмөрчид, залуус ажиллаж амьдардаг. Эдгээр хүмүүсийг алдаршуулах зорилгоор анх удаа “Тэнгэрлэг гэр бүл”-үүдийг шалгаруулсан нь онцлог байв. Орхон аймагт 28 мянган гэр бүл ажиллаж амьдардаг бөгөөд Эрдэнэт үйлдвэр нь улсын эдийн засгийн томоохон төв цэг. Тус үйлдвэрт ажиллаж асан олон мянган уурхайчдын нөр их хөдөлмөрийн үр шим Монгол орны өнцөг булан бүрийн хөгжилд хамаардаг. Энэ утгаараа Эрдэнэт үйлдвэрт ажиллаж байгаад өндөр настны тэтгэвэрт гарсан Хөдөлмөрийн баатар, гавьяатын энтэй ахмадууд “Тэнгэрлэг гэр бүл”-ээр ийнхүү шалгарлаа.
Нар минутад мандаж минутад жаргана.
Үс засуулвал: 
Суудал: 
