“Эрдэнэт үйлдвэр” ТӨҮГ-аас зохион байгуулж буй “Шинэ сэргэлтийн бодлогыг аж үйлдвэрийн салбарт эрчимжүүлэх нь” форум өнөөдөр эхэллээ. Тус форумаар “Эрдэнэт үйлдвэр” ТӨҮГ-ын ирээдүйн хөгжилд чиглэсэн төсөл, хөтөлбөр, бүтээн байгуулалт, хөрөнгө оруулалт, худалдан авах ажиллагаа болон төр, хувийн хэвшлийн хамтын ажиллагааг сайжруулах гарцын талаар хэлэлцэх юм. Форумд Уул уурхай, хүнд үйлдвэрийн яам, Сангийн яам, Эдийн засаг хөгжлийн яам, Хууль зүй, дотоод хэргийн яам, Зам тээврийн хөгжлийн яам, Төрийн өмчийн бодлого зохицуулалтын газар, Төрийн худалдан авах ажиллагааны газар, Авлигатай тэмцэх газар, Мэргэжлийн хяналтын ерөнхий газар болон орон нутгийн төр захиргааны байгууллагын 260-аад төлөөлөл оролцож байна.
Форумын эхний хэсэгт “Шинэ сэргэлтийн бодлого аж үйлдвэрийн салбарт хэрэгжих нь ”, “Шинэ сэргэлтийн бодлогтой уялдуулах хууль, эрх зүйн шинэчлэл”, “Шинэ сэргэлтийн бодогыг хэрэгжүүлэхэд төрийн өмчит компаниудын үүрэг, оролцоо”, “Цар тахлын үед үүссэн тээвэр, ложистик, хил, гаалийн нөхцөл байдал ба боомтын сэргэлт”, “Эрдэнэт үйлдвэрийн өчигдөр-өнөөдөр-маргааш”, “Эрдэнэт үйлдвэрийн худалдан авах ажиллагаа” зэрэг сэдвийн хүрээнд илтгэл танилцуулах юм.
Түүнчлэн их бүтээн байгуулалт, хөрөнгө оруулалт, худалдан авах ажиллагаа дэд сэдвийн хүрээнд “Шинэ сэргэлтийн бодлогыг аж үйлдвэрийн салбарт хэрэгжүүлэхэд худалдан авах ажиллагаа, хууль эрх зүйн орчны өөрчлөлтүүд”, “Эрдэнэт үйлдвэрийн худалдан авах ажиллагаа” болон “Их бүтээн байгуулалт, томоохон төслүүдийг хэрэгжүүлэхэд үүссэн сорилтууд, цар тахлын нөлөө”, “Томоохон төслүүдийн үр өгөөж, нийгэм, эдийнзасагт үзүүлэх нөлөө” зэрэг сэдвээр хэлэлцүүлэг өрнүүлж, шинэ сэргэлтийн бодлогыг аж үйлдвэрийн салбарт хэрэгжүүлэх чиг баримжаагаа тодорхойлж, уриалга гаргана.
М.ОДГЭРЭЛ
Б.БАТТӨГС
Нар минутад мандаж минутад жаргана.
Үс засуулвал: 
Суудал: 
