Хуучин оноо амжилт бүтээлийн арвин “хур”-тай үдэж буй Эрдэнэт үйлдвэрийн хамт олон шагналын “хур”-тай байна. Өнгөрч буй 2021 онд хамт олноо манлайлан ажилласан цех нэгжийн тэргүүний ажилтнуудад үйлдвэрийн Ерөнхий захирал Х.Бадамсүрэн, орлогч нарынхаа хамт Засгийн газрын шагнал гардуулж, баяр хүргэлээ.
Уул уурхай, хүнд үйлдвэрийн салбарт олон жил үр бүтээлтэй ажиллаж, үйлдвэрийнхээ хөгжил дэвшилд үнэтэй хувь нэмэр оруулсныг нь үнэлж, ХОТМХ-ийн Худалдан авах ажиллагаа хариуцсан мэргэжилтэн Н.Хосбаяр, “Сэлэнгэ” амралт, аялал жуулчлалын цогцолборын Зочид буудлын нярав Д.Алтанцэцэг нарыг Уул уурхай, хүнд үйлдвэрийн яамны “Тэргүүний уурхайчин” цол тэмдэг, Мэдээллийн технологийн хэлтсийн Системийн шинжилгээ, хяналтын товчооны дарга П.Дагвыг Мэдээлэл, харилцаа холбооны “Тэргүүний ажилтан” цол,тэмдгээр шагналаа. Мөн “Нийгмийн салбарын тэргүүний ажилтан” цол тэмдгээр Нийгмийн харилцааны хэлтсийн социологч Т.Даваажаргал, “Нягтлан бодох бүртгэлийн тэргүүний ажилтан” цол, тэмдгээр Санхүү, нягтлан бодох бүртгэлийн хэлтсийн нягтлан бодогч Б.Март, Х.Энхбаяр, Н.Болорсүх, Ж.Шинэцэцэг, У.Үүрцайх, Ч.Чулуунчимэг, Б.Болор-Эрдэнэ нар шагнагдсан бол Санхүү, банкны тэргүүний ажилтан хүндэт тэмдгээр Эдийн засгийн хэлтсийн эдийн засагч Б.Тамир, Ил уурхайн эдийн засагч Д.Тунгалагболор, хөдөлмөрийн эдийн засагч П.Шүрэнцэцэг нар шагнуулав. Уул уурхай, хүнд үйлдвэр, Сангийн яам, Эрүүл мэндийн яам болон Мэдээлэл, харилцаа холбооны Жуух бичгээр ХОХААБГ-ын эдийн засагч Г.Энхмаа, Худалдан авах хангамжийн мэргэжилтэн Э.Энхмэнд, Баяжуулах үйлдвэрийн эдийн засагч Д.Сэлэнгэ, Мэдээллийн технологийн хэлтсийн Системийн аюулгүй байдлын шинжээч А.Ууганжаргал нарын нийт 14 ажилтныг шагнаж, урамшууллаа. Түүнчлэн энэ үеэр Авто тээврийн цехийн Авто тээвэр, шуурхай үйлчилгээний хэсгийн дарга С.Батбаяр нарын 3 ажилтан Төрийн өмчийн бодлого, зохицуулалтын газрын өргөмжлөл, Судалгааны шинжилгээний хүрээлэнгийн захирал Ц.Цэнд-Аюуш нарын 3 ажилтан оюуны өмчийн итгэмжлэгдсэн төлөөлөгчөөр ажиллах эрх Оюун өмчийн газрын “Тусгай зөвшөөрөл”-өө тус тус гардаж авлаа.
Хэдхэн хоногийн өмнө Монгол Улсын Ерөнхийлөгчийн зарлигаар Монгол Улсын “Аж үйлдвэрийн Гавьяат ажилтан” цол хүртсэн, Эрдэнэт үйлдвэрийн анхдагч, Ахмадын зөвлөлийн дарга Д.Байгал үйлдвэрийн захиргаанд “Ахмадад ээлтэй байгууллага” өргөмжлөлийг гардуулсан. Монголын Ахмадын холбоо, Орхон аймгийн Ахмадын хорооны удирдлагуудын гарын үсэг бүхий эл өргөмжлөлд үе үеийн ахмадууд, өндөр настнуудад хүндэтгэлтэй хандаж, Ахмадын тухай хууь тогтоомжийг хэрэгжүүлэн ажиллаж буйд гүн талархая хэмээн тодотгожээ.
Шилдгүүдэд шагнал гардуулах ёслолын төгсгөлд Ерөнхий захирал Х.Бадамсүрэн шагнал хүртсэн ажилтнууд болон нийт хамт олондоо шинэ оны мэнд хүргэж, ирж буй 2022 оныг их бүтээн байгуулалтын жил болгон зарлаж байгааг онцлон тэмдэглэлээ.
М.Балжинням
Фото Ш.Лхамсүрэн
Нар минутад мандаж минутад жаргана.
Үс засуулвал: 
Суудал: 
