“Эрдэнэт үйлдвэр” ТӨҮГ-ын хэмжээнд өрнөсөн “Дархлаажуулалтын 4-р тун” аян хоёр сар орчим хугацаанд үргэлжилж өнөөдөр өндөрлөлөө. Ерөнхий захирлын Хамтын ажиллагаа, нийгмийн асуудал хариуцсан орлогч Ц.Бат-Энхийн санаачилгаар, Нийгмийн харилцааны хэлтсээс зохион байгуулсан энэхүү аяны хаалт “Алхам бүрийн амт-2” уурхайчдын нэгдсэн алхалтаар өндөрлөсөн нь учиртай. Дасгал хөдөлгөөн, соёл урлаг, эрүүл хооллолт, зөв амралт, хариуцлага ёс зүй, уурхайчдадаа хайр түгээе зэрэг долоон төрлийн үйл ажиллагаагаар ажилчдынхаа бие, сэтгэлийн дархлааг дэмжсэн уг аяны хүрээнд олон хэлбэрийн тэмцээн, уралдаан, челленж, контентуудыг ажилчид өөрсдийн санаачилгаар зохион байгуулсан юм. Энэхүү алхалтад ч уурхайчид хамт олноороо, хүсэл зоригоороо нэгдсэнээ илэрхийлж байлаа. Хотын төвөөс болон үйлдвэрийн бүсээс угталцан гарсан алхалтын багт нийт 1800 орчим уурхайчин нэгджээ.
Энэ үеэр Эрдэнэт үйлдвэрийн Ерөнхий захирлын Хамтын ажиллагаа, нийгмийн асуудал хариуцсан орлогч Ц.Бат-Энх “Дархлаажуулалтын 4-р тун” аяныг ажилчид нэг ч төгрөгийн зарлагагүй, захиргаадалтгүй өөрсдийн хүслээр идэвхжүүлэн зохион байгуулж, бие биеэ уриалан урамшуулж, дархлаагаа дэмжиж, сэтгэлээ сэргээж болдгийг өнгөрсөн хоёр сарын хугацаанд харууллаа. Ижил төстэй уул уурхайн компаниуд “Дархлаажуулалтын 4-р тун” аяныг хэрхэн зохион байгуулах талаар биднээс зөвлөгөө авч байна. Өнөөдөр “Ард” санхүүгийн нэгдэл 3000 орчим ажилчдынхаа дунд энэ аяныг челленж хэлбэрээр эхлүүлэхээ мэдэгдлээ. Энэ бол Эрдэнэтийн уурхайчид та бидний нэгдлийн хүч амжилт юм” хэмээн онцлов.
“Эрүүл мэндийн зам”-ын дунд өртөөнд болсон “Дархлаажуулалтын 4-р тун” аяны хаалтын ёслолын үеэр шилдгүүдийг тодруулж, шагнал гардуулсан юм. Шилдэг хамт олноор М.Отгон даргатай Баяжуулах үйлдвэр, Н.Мэргэнбаатар даргатай Чанарын хяналтын хэлтэс шалгарч, батламж, 500 мянган төгрөгийн шагнал хүртэв. Спорт цогцолбороос дасгал хөдөлгөөнөөр дархлаагаа дэмжье уриан дор зохион байгуулсан тэмцээний сагсан бөмбөгийн торгуулийн шидэлтийн төрөлд удирдах ажилтнаас Цахилгааны цехийн инженер П.Гансэлэм, эрэгтэй ажилчдаас Барилга байгууламж, хяналт төлөвлөлтийн хэлтсийн инженер М.Амарболд, эмэгтэй ажилчдаас Засвар механикийн заводын Соёл, спортын арга зүйч Л.Даваасүрэн нар тодорсон. Байт харвааны төрөлд 29 оноогоор Ил уурхайн тэсрэх материалын ачигч Э.Энхсайхан мэргэн харваач боллоо. Харин Соёл, урлагийн цогцолбороос зохион байгуулсан “Авьяастны уурхай” хөтөлбөрийн Шилдэг уран бүтээлчээр Баяжуулах үйлдвэрийн засварчин, бурхан урлаач Н.Эрдэнэбаяр шалгарч, Шилдэг ардын урлаг номинацийн эздээр Цахилгааны цехийн “Торгууд бүжиг”-ийн хамтлаг тодорсон байна. “Уурхайчдадаа хайр түгээе!” уриан дор зохион байгуулсан “ОPEN MIC” үйл ажиллагааны шилдэг оролцогчоор одоогоор цахим сүлжээнд 123 мянган хандалт аваад буй Авто тээврийн цехийн хүнд машин механизмын засварчин Ц.Эрдэнэсүх тодорч шагналаа гардлаа. Харин шилдэг арга зүйчээр Баяжуулах үйлдвэрийн Соёл, олон түмний ажлын арга зүйч С.Должинсүрэн. Засвар механикийн заводын арга зүйч Л.Даваасүрэн нар шалгарсан юм.
М.ОДГЭРЭЛ
Б.БАТТӨГС
Нар минутад мандаж минутад жаргана.
Үс засуулвал: 
Суудал: 
