Эрдэнэт үйлдвэрийн Соёл, урлагийн цогцолбор “Дархлаажуулалтын 4-р тун” аяны хүрээнд “Авьяастны уурхай” хөтөлбөр амжилттай хэрэгжүүлж байна. Эрдэнэт үйлдвэрийн ажилчдын нэгэн бүтэн үе шинэчлэгдэж, хөдөлмөрийн нийт хамт олны 60 гаруй хувийг залуус эзлэх болсон энэ үед шинэ залуу ажилтнуудын урлагийн авьяасыг илрүүлэх зорилгоор энэхүү хөтөлбөр хэрэгжиж байгаа юм. Үйлдвэрийн газрын бүтцийн нэгжүүд сонгодог урлаг, ардын язгуур урлаг, орчин үеийн урлаг, гэрэл зургийн үзэсгэлэн, соёлын өв төрлөөс 3-5 үзүүлбэр бэлтгэж хөтөлбөрт хамрагдаж байгаа бөгөөд шилдэг үзүүлбэрүүдээс бүрдсэн Гала тоглолт уурхайчдын баяраар болно, гэж тус цогцолборын Соёл, чөлөөт цагийн секторын эрхлэгч Х.Өлзийхишиг ярилаа. Мөн Соёл, урлагийн цогцолборын уран бүтээлчид тус аяны хүрээнд “Хайрын бэлэг” бахархал, талархлын үйл ажиллагаа зохион байгуулж, бүтцийн нэгжүүдэд соёлын тухай ойлголтыг түгээх өглөөлөг хийж байна. Түүнээс гадна урлагийн дугуйлангууд танхимын 50 хувийн дүүргэлттэй хичээллэж эхэлжээ.
М.Одгэрэл
Нар минутад мандаж минутад жаргана.
Үс засуулвал: 
Суудал: 
