-Олон улсын стандартчиллын байгууллагаас зарлан тунхагласан “Чанар-тогтвортой хөгжил” уриан дор тэмдэглэн өнгөрүүлж буй “Дэлхийн чанарын өдөр”, “Үндэсний чанарын долоо хоног”-ийг тохиолдуулан “Монгол Улсын зууны манлай бүтээн байгуулалт”, Улсын баатар “Эрдэнэт үйлдвэр” ТӨҮГ-ын баялаг бүтээгч нийт ажиллагсад, уурхайчид Та бүхэндээ Чанарын хяналтын хэлтсийн хамт олны өмнөөс болон хувиасаа баяр хүргэж чин сэтгэлийн халуун мэндчилгээг дэвшүүлье.
Манай хамт олон “Эрдэнэт үйлдвэр” ТӨҮГ-ын эдийн засгийн үр ашгийг нэмэгдүүлэх, экспортын бүтээгдэхүүний өрсөлдөх чадварыг дээшлүүлэх, хэрэглэгчийн шаардлага хангасан чанартай бүтээгдэхүүн үйлдвэрлэх, импорт орлох бүтээгдэхүүний төрөл, тоо хэмжээг нэмэгдүүлэхэд дэмжлэг үзүүлэхийн тулд үндсэн цехүүдийн үйлдвэрлэлийн шат дамжлага, технологийн горим, экспортод ачигдаж байгаа зэс, молибдены баяжмал, гаднын нийлүүлэлтийн хяналтын ажлыг гүйцэтгэж байна.
“Эрдэнэт үйлдвэр” ТӨҮГ-ын Ерөнхий захирлын 2021 оны 06 дугаар сарын 11-ний өдрийн А/268 тоот тушаалаар Чанарын хяналтын хэлтсийн шинээр байгуулагдсан Стандарт, чанарын алба нь үйлдвэрийн газрын хэмжээнд Чанарын болон бусад менежментийн тогтолцоонууд, лабораториудын итгэмжлэл, чанар, стандарт, Хэмжлийн нэгдмэл байдлын талаарх асуудлыг хариуцаж, Ерөнхий захирлын шууд удирдлагад ажиллах “Стандарт, чанарын зөвлөл”-ийн дүрмийг албажуулан баталгаажуулж, “Эрдэнэт үйлдвэр” ТӨҮГ-ын Чанарын хөтөлбөр, СХЗГ-тай байгуулсан санамж бичиг, Стандарт чанарын зөвлөлийн дүрмийн хүрээнд үйл ажиллагаагаа явуулж байна.
Монгол Улсын бүхий л салбарт өнөө цаг үед ус, агаар мэт хэрэгтэй байгаа хөгжлийн түлхүүр болсон стандартыг хэрэгжүүлэн ажиллахад “Эрдэнэт үйлдвэр” ТӨҮГ-ын баялаг бүтээгч хамт олон та бүхэн оюун ухаан, мэдлэг чадвар, нөр их хөдөлмөрөө зориулан ажиллаж, жинтэй хувь нэмэр оруулсныг зүй ёсоор тэмдэглэн хэлэхэд таатай байна.
Чанарыг эрхэмлэгч, дэмжигч үйлдвэрийн газрын бүтцийн нэгжүүд болон хамтран ажилладаг аж ахуйн нэгж байгууллагууд та бүхэндээ олон улсын стандартчиллын байгууллагаас зарлан тунхагласан “Чанар-тогтвортой хөгжил” уриан дор үндэсний бүтээгдэхүүн, үйлдвэрлэл, үйлчилгээний чанараа дээшлүүлэхийг уриалж, Дэлхийн чанарын өдөр, Монгол Улсын үндэсний чанарын долоо хоногийг тохиолдуулан эрүүл энх, сайн сайхан бүхнийг хүсэн ерөөе.
“ЭРДЭНЭТ ҮЙЛДВЭР” ТӨҮГ-ЫН
ЧАНАРЫН ХЯНАЛТЫН ХЭЛТСИЙН ДАРГА Н.МЭРГЭНБААТАР
Нар минутад мандаж минутад жаргана.
Үс засуулвал: 
Суудал: 
