Эрдэнэт үйлдвэрийн Ерөнхий захирал Х.Бадамсүрэн бусад удирдлагуудын хамт өнөөдөр тус үйлдвэрийн тэргүүний ажилтан, уурхайчдын төлөөлөлд Монгол Улсын Засгийн газрын шагнал гардууллаа. Тэрээр уурхайчдынхаа шагналыг ажлын байранд нь гардуулан, баяр хүргэхийн зэрэгцээ цар тахлын хүнд цаг үед Эрдэнэт үйлдвэрийнхэн идэвх зүтгэл, санаачилгатай ажиллаж, үйлдвэрлэлийн төлөвлөгөөт үзүүлэлтээ амжилттай биелүүлж буйд баяр хүргэж, талархал илэрхийлэв. Энэ үеэр Эрдэнэт үйлдвэрт олон жил үр бүтээлтэй ажилласан Оёдлын цехийн ахмад ажилтан Д.Бямбажаргал төрийн дээд шагнал Хөдөлмөрийн Гавьяаны улаан тугийн одон хүртсэн бол Баяжуулах үйлдвэрийн Шүүн хатаах хэсгийн гүүрэн кранчин Б.Алтанцэцэг, Нунтаглан баяжуулах хэсгийн тоног төхөөрөмжийн засварчин С.Эрдэнэ-Учрал, Геологи маркшейдрийн хэлтсийн Тэргүүлэх маркшейдэр Ч.Батбаяр, Ил уурхайн Зам овоолгын хэсгийн тоног төхөөрөмжийн засварчин, бутлуурчин М.Мөнхболд, Геологи хайгуулын экспедицийн Өрөмдлөгийн хэсгийн цооног өрөмдөгч Н.Цэгмид нарын 15 ажилтан Уул уурхай, хүнд үйлдвэрийн яамны “Тэргүүний уурхайчин”, “Үйлдвэрийн тэргүүний ажилтан” цол, хүндэт тэмдэгтэн боллоо.
Мөн Эрчим хүчний яамны “Эрчим хүчний тэргүүний ажилтан” хүндэт тэмдэгээр Авто тээврийн цехийн Цахилгаан тоног төхөөрөмжийн засварчин С.Батболд, Дулааны цахилгаан станцын Түлш дамжуулах хэсгийн ээлжийн мастер Ж.Батсайхан нарын 7 ажилтан, Зам тээврийн хөгжлийн яамны “Автотээврийн тэргүүний ажилтан” хүндэт тэмдгээр Авто тээврийн цехийн уурхайн технологийн зориулалтын хүнд даацын авто машины засварчин С.Энхболд нарын 3 ажилтан тус тус шагнагдав. Ковид-19 цар тахлын онцгой цаг үед ажил үүргээ хариуцлагатай биелүүлж, өндөр ачаалалтай ажиллаж буй Эрдэнэт сувиллын цогцолборын Сэргээн засах эмчилгээний тасгийн бага эмч Т.Цэрэнханд, ээлжийн сувилагч П.Хажидмаа, ХАБЭА-н хэлтсийн Хөдөлмөрийн нөхцөлийн инженер С.Алтанхуяг нар Эрүүл мэндийн яамны “Эрүүлийг хамгаалахын тэргүүний ажилтан” хүндэт тэмдгээр шагнагдсаныг үйлдвэрийн удирдлагууд гардуулж, баяр хүргэлээ.
М.Балжинням
Фото Б.Баттөгс
Нар минутад мандаж минутад жаргана.
Үс засуулвал: 
Суудал: 
