Дэлхий нийтээр жил бүрийн 3 дугаар сарын 22-ны өдрийг “Усны өдөр” болгон тэмдэглэдэг. 1993 онд НҮБ-аас эл өдрийг “Усны өдөр” болгон зарласан бол манай улсад 2005 оноос анх тэмдэглэж эхэлжээ. Дэлхийн “Усны өдөр”, жил бүр өөр өөр уриалгын дор болдог бөгөөд энэ удаа “Усны үнэ цэнэ, үнэлэмж” уриа дэвшүүлжээ. Уг өдрөөр усны үйл ажиллагаа явуулж буй байгууллага, салбар нэгжүүд өөр өөрийн чиглэлээр усаа хайрлах, хамгаалах аяныг өрнүүлж, амьдрал тэтгэгч усны ач холбогдол, үнэ цэнийг таниулах, соён гэгээрүүлэх ажлыг зохион байгуулдаг. Энэ жилийн тухайд, “Эрдэнэт үйлдвэр” ТӨҮГ-аас ковид-19 цар тахлын хорио цээр, дэглэмтэй уялдуулан олон нийтийг хамарсан арга хэмжээнээс түдгэлзэж, цахим хэлбэрээр “Усны өдөр”-ийг тэмдэглэж буйг Ус хангамжийн цехийн Ерөнхий инженер Б.Баянбат онцоллоо. Энэ хүрээнд усны үнэ цэнэ, үнэлэмжийг ард иргэдэд таниулан сурталчилж, усны талаарх шинэ мэдлэг, мэдээллийг түгээж байна. Мөн ус нь амьд байгаль, хүний амьдралд ямар үнэ цэнэтэй болохыг ойлгож, түүнийг ариг гамтай ашиглаж, хайрлан хамгаалахад хүн бүрийн хүчин зүтгэл чухал гэдгийг уриалж буй аж.
М.Балжинням
Фото Б.Баттөгс
Нар минутад мандаж минутад жаргана.
Үс засуулвал: 
Суудал: 
