КОВИД-19-ийн вакцины мөрөөр ...
Энэхүү танилцуулга мэдээлэлд АНУ-д төвтэй Bloomberg компанийн өдөр тутамд шинэчилж буй
судалгаа мэдээлэл, бусад эх сурвалжаас авсан мэдээллийг багтаалаа.
Хятадын CanSino Biologics компани нь тус улсын Цэргийн анагаахын шинжлэх ухааны академийн дэргэдэх Биологийн хүрээлэнтэй хамтран Convidecia-г боловсруулсан. Нэг удаагийн вакциныг Ad5 нэртэй аденовирус дээр үндэслэсэн. Өнгөрсөн оны 05 сард судлаачид Конведекия дахь аюулгүй байдлын 1-р шатны туршилтын үр дүнгийн талаарх тайлангаа нийтэлж, 07 сард хийсэн 2-р шатны туршилтаар вакцин хүчтэй дархлааны хариу урвал үзүүлснийг харуулсан гэж мэдээлэв. Хятадын арми 6-р сарын 25-ны өдөр вакциныг "тусгайлан шаардлагатай эм" болгон баталсан нь урьд өмнө нь тохиолдож байгаагүй зүйл юм. 11 сарын 28-нд CanSino Biologics-ийн гүйцэтгэх захирал 40-50 мянган хүн Convidecia хийлгэсэн гэж ярилцлага өгөхдөө хэлж байжээ.
2020 оны 08 сараас эхлэн CanSino нь 3-р шатны туршилтыг Пакистан, Орос, Мексик, Чили зэрэг олон оронд явуулж эхэлсэн. 2021 оны 02 сарын 25-нд Хятад улс CanSino вакциныг ерөнхий хэрэглээнд хамруулах зөвшөөрлийг олгосноо зарлав. Тус компани нэг удаагийн вакцинаа бүх талын шинж тэмдэгтэй Covid-19 өвчнөөс урьдчилан сэргийлэхэд 65.28 хувийн үр дүнтэй байгааг мэдэгдэв. Харин туршилтын дэлгэрэнгүй мэдээлэл хараахан хэвлэгдээгүй байна.
Эх сурвалж: The New York Times
Орчуулж, бэлтгэсэн: У.Нармандах
Нар минутад мандаж минутад жаргана.
Үс засуулвал: 
Суудал: 
