КОВИД-19-ийн вакцины мөрөөр ...
Энэхүү танилцуулга мэдээлэлд АНУ-д төвтэй Bloomberg компанийн өдөр тутамд шинэчилж буй
судалгаа мэдээлэл, бусад эх сурвалжаас авсан мэдээллийг багтаалаа.
Сүүлийн зуун жилд тохиолдоогүй цар тахал өвчнөөс ангижрахыг хүссэн улс орнууд вакцины хүртээмжийг хангах гэрээ хэлэлцээр байгуулсаар байна. Одоогоор 9.60 тэрбум тунг нөөцөлчихсөн гэсэн тооцоо бий.
Тарилгыг жигд түгээвэл дэлхийн хүн амын талаас илүү хувь нь вакцинаар хангагдана (ихэнх вакцин хоёр тун хэрэглэдэг). Гэсэн хэдий ч ийм зүйл болоогүй л байна. Чинээлэг орнууд нийлүүлэлт хийлгэх өргөн цар хүрээтэй хэлэлцээрүүдийг байгуулаад байгаа бөгөөд хэт хүйтэнд хадгалах шаардлага зарим вакциныг алс холын газруудад тээвэрлэхэд хүндрэл учруулж байна. Зарим улс орнууд 2022 он хүртэл ч хүлээх хэрэгтэй байж магадгүй юм.
AstraZeneca Plc-ийн хоёр тунтай тарилга нь 1.5 тэрбум хүнийг хамруулсан урьдчилсан худалдан авах гэрээнүүдийг байгуулсан тэргүүлэгч байр суурьтай байгаа бөгөөд энэ нь вакцины бусад нэр дэвшигчдээс хоёр дахин илүү тоо юм. Блумберг энэ тал дээр нийтдээ 130 гаруй гэрээ хэлэлцээр байгааг олж тодорхойлсон.
Вакциныг аль компани үйлдвэрлэх, хэдэн тунгаар хийх, аль улс оронд хийлгэх магадлалтай гэсэн мэдээлэл байгаа тохиолдолд л хэлэлцээрийг Bloomberg-ийн дүн шинжилгээнд хамруулж байгаа. Ийм гэрээнээс гадуур олон тэрбум вакцин үйлдвэрлэх магадлалтай. Харин 2.2 тэрбум тун үйлдвэрлэх гэрээтэй Энэтхэг улс бүс нутгийнхаа бусад улс оронд вакцин илгээхээр төлөвлөж байна.
Орос, Хятад хоёр нэг ижил төрлийн хэлэлцээр байгуулахгүй байна. Үүний оронд тэд дотооддоо үйлдвэрлэсэн вакцинд найдаж байна. Жишээлбэл, Москвад байрладаг Гамалея төвийн хийсэн Sputnik V тарилга эсвэл Хятадын төрийн өмчит эмийн аварга том компани болох Синофармын хийсэн вакцинууд тэдэнд бий. Хятад улс засгийн газраас дотоодын үйлдвэрлэгчдээс хэчнээн хэмжээний эм захиалга авахаа мэдэгдэхгүй байгаа ч эдгээр компаниуд хүн амынхаа хэрэгцээнд тохирсон хэмжээгээр хангаж өгнө гэж таамаглаж байна. Харин Канад улс хүн амаа тарихад шаардагдах хэмжээнээс дөрөв дахин илүү тунг нөөцөлжээ.
Эх сурвалж: Bloomberg
Орчуулж, бэлтгэсэн: У.Нармандах
Нар минутад мандаж минутад жаргана.
Үс засуулвал: 
Суудал: 
