А.Ф.Тюряковын нэрэмжит шагналт, Эрдэнэт үйлдвэрийн Засвар механикийн заводын Тэргүүлэх механик М.Өлзийбаяртай уулзаж, сонирхсон цөөн асуултад хариулт авлаа.
-Нэг уламжлалт асуултаар ярилцлагаа эхэлье. Таны хүүхэд насны хүсэл мөрөөдөл юу вэ?
-Одоо эргэн санахад ажилчин болох хүртлээ тийм айхавтар хүсэл мөрөөдөл тээгээд явсан зүйлгүй. Залуу нас нисээд л өнгөрсөн дөө.
-Сэтгэлд хоногшин үлдсэн гэгээн дурсамжаасаа хуваалцана уу?
-Сэтгэлд хоногшин үлдсэн гоё сайхан дурсамжууд олон байгаа. Хамгийн сайхан дурсамжууд оюутан үеийн цаг хугацаа байдаг.
-Энэ жилийн сар шинийн баярыг Монголчууд цар тахлын улмаас хорио цээрийн дэглэм тогтоосноор ёс төдий тэмдэглэх шиг боллоо. Таны сэтгэлд үлдсэн цагаан сарын ямар баяр байна вэ?
- Ер нь малчны цагаан сар гэж нэрлэдэг байсан биз дээ. Залуухан байхдаа хөдөө малчны хотоор үеийн залуустай хамт морь унаж, золголт хийж байсан минь сэтгэлд илүү үлдсэн байдаг.
-Өнөөг хүртэл харьцаатай явдаг насан багын найз танд бий юу? Итгэж нөхөрлөсөн найзтайгаа элдвийг ярьж суух сайхан даа. Тийм үү?
-Багын найзууд байлгүй яах вэ. Тэд нартайгаа уулзаад хуучин дурсамжаа сэргээн, баясаж суух шиг сайхан юм хаана байна. Гэхдээ тэр болгон зорилго тавиад уулзаад явах нь ховор юм даа.
-Таны ажлын онцлог юу вэ?
-Хүн төрөлхтөн балар эртний үеэс багаж хэрэгсэл зохион бүтээж, ахуй амьдралдаа хэрэглэж эхэлснээр хүний сэтгэлгээ, амьдрал асар ихээр өөрчлөгдсөн, энэ их өөрчлөлтийг хийсэн хүмүүс чинь механик инженерүүд юм.
-Эрдэнэт үйлдвэрт олон жил ажиллахдаа та яг юу бүтээсэн гэж боддог вэ?
-Ер нь Эрдэнэт үйлдвэрт ажил хийж, хөдөлмөрийнхөө хөлсөнд цалин авч өөрийнхөө төлөө ажилласан. Энэ зорилгын доор улс эх орон, Эрдэнэт үйлдвэр , хамт олондоо хэрэгтэй зүйл ихийг хийж бүтээдэг юм билээ.
-Таны бодлоор нэг газар он удаан жил ажиллахаар давуу болон сул тал юу байх юм?
-Бүх ажил гарт ороод сайхан байдаг. Гэвч бусдын санал бодлыг төдийлөн сонсохгүй байх сул тал бас бий шүү.
-Манай уншигчдад гэр бүлээ танилцуулна уу?
-Эхнэр, хоёр хүүхдийн хамтаар амьдардаг.
-Хамт олны талаарх таны сэтгэгдэл юу вэ?
-Өдөр бүр ажилдаа урам зоригтой ирэх нь хамт олны эерэг уур амьсгалд ихээхэн нөлөөтэй байдаг. Иймээс хамт олон маань миний дотнын хүмүүс.
-Залууст хандан хэлэх таны үгийг сонсъё?
-Залуу насандаа биеэ зовоож, сайтар суралцаад, өтөлсөн хойноо мэдлэгийнхээ үр шимийг хүртэн жарган суух хэрэгтэй.
-Баярлалаа.
Т.Батчулуун
Фото: Б.Баттөгс
Нар минутад мандаж минутад жаргана.
Үс засуулвал: 
Суудал: 
