Bloomberg-ийн цуглуулсан мэдээлэлд, өнөөдрийн байдлаар дэлхийн 92 оронд 209 сая гаруй тун вакцин хийгджээ. Сүүлийн дүнгээр нэг өдөрт дунджаар 6.24 сая тун хийгдэж байна.
АНУ-д вакцинжуулалтыг 12 сарын 14-ний өдөр эрүүл мэндийн ажилтнуудтай хамтран эхлүүлсэн бөгөөд мужуудаас гаргасан тооллого, Өвчний хяналт, урьдчилан сэргийлэх төвөөс авсан мэдээллээр одоогоор 64.2 сая тун хийгдээд байна. Энэ нь 100 хүн тутамд 19.3 тун хийгдсэн гэсэн үг бөгөөд муж улсуудад түгээгдсэн тунгаас 78% нь тарилгаар хийгдсэн тоон үзүүлэлттэй байна.
АНУ-д вакцинжуулалтын хамгийн сүүлийн үеийн мэдээгээр өдөрт дунджаар 1 365 820 тун хийгдэж байна. Энэ тоо хэмжээгээр хүн амын 75 хувийг хоёр тунтай вакцинаар хангахад ойролцоогоор 10 сар шаардагдахаар байна.
Халдвар ихээр тархсаны дараа вакцинжуулалтыг түргэсгэх зорилгоор АНУ-ын засгийн газар 01 сарын 12-нд муж улсуудыг бүх 65 ба түүнээс дээш насныхан, мөн өвчтэй 16 ба түүнээс дээш насны оршин суугчдаас дархлаажуулж эхлэхийг уриалж эхлэв. Энэхүү заавар нь АНУ-ын хүн амын гуравны нэгээс илүү хувийг вакцинжуулалтад хамруулах төлөвлөгөө бөгөөд энэ нь одоогийн вакцины нийлүүлэлтээс өндөр тоо юм.
Холбооны засгийн газар Pfizer ба BioNTech-ийн вакцин, мөн Moderna-гийн тарилгын тунг муж улсуудад түгээх ажлыг удирдан зохион байгуулж байна. Уг хоёр вакцинд хоёроос хэдэн долоо хоногийн зайтай хоёр тун хийлгэх шаардлагатай байдаг. Хамгийн багадаа 44.1 сая хүн вакцины эхний тунг хийлгээд байгаа бол 19.4 сая хүн вакцинжуулалтын хоёр дахь тунгаа хийлгэжээ.
Эх сурвалж: Bloomberg
Орчуулж, бэлтгэсэн: У.Нармандах
Нар минутад мандаж минутад жаргана.
Үс засуулвал: 
Суудал: 
