Тээвэр ложистикийн төвийн хамт олон 2020 онд нийт 674 сайн санал гаргаж, ажлын бүтээмж идэвх оролцоогоороо үйлдвэрийн хэмжээнд гуравдугаар байранд жагсчээ. Тус цехийн Эрчим хүч механикийн хэсгийн У.Батхөлөг ахлагчтай “Эрчим”, Нефть баазын хэсгийн Б.Алтансүх ахлагчтай “Оргил” бүтээмж чанарын дугуйлангууд Эрдэнэт үйлдвэрийн шилдэг дугуйлангаар шалгарсан бол ЗААДТХБХ-ийн А.Уртнасан ахлагчтай “Хос жиргээ” дугуйлангийн төсөл шилдэг төслийн шалгаруулалтад тэргүүлж, урамшуулал хүртсэн байна. “Хос жиргээ” дугуйлангийн санаачлан хэрэгжүүлсэн “14-р замыг 12.5 метрээр сунгах” шилдэг төсөлт ажил нь аюул эрсдлийг бууруулан, ажлын бүтээмж, цаг ашиглалтыг сайжруулахын зэрэгцээ 23 сая төгрөгийн үр ашиг өгөх боломж бүрдүүлсэн байна.
Ажилтнуудаас чанартай, хамгийн олон санал гаргасан ачаа вагон хүлээлцэгч Ч.Лхагвадулам, гаргасан саналаа хэрэгжүүлэгч замчин Т.Пүрэвсамбуу нар манлайлж, цехийн хүндэт самбарт нэр нь бичигдэх болов. Мөн ажилтан А.Ариунболд, Б.Баатарзоригт, О.Сувд-Эрдэнэ, О.Минжүүр, А.Загдсүрэн, Э.Нэргүй, С.Нямдорж, А.Ширчин нар хамт олноо хошуучлан, идэвх санаачлагатай оролцон цехийн ҮЭ-ийн нэрэмжит шагнал хүртжээ. Тус цехийн бүтээмж чанарын дугуйлангууд өнгөрсөн онд нийт 13 төсөл хэрэгжүүлж, 54 сая төгрөгийн хэмнэлттэй ажилласан байна.
М.Балжинням
Фото Б.Баттөгс
Нар минутад мандаж минутад жаргана.
Үс засуулвал: 
Суудал: 
