Мэдүүштэй...
- Өнөөдөр жилийн 261 дэх өдөр. Он дуусахад 104 хоног үлдлээ.
- Эрдэнэт хотод агаарын хэм өдөртөө +20 градус, шөнөдөө +5 градус дулаан, багавтар үүлтэй, салхины хурд 5-6 м/сек байна. (Эх сурвалж: www.tsag-agaar.gov.mn )
- Аргын тооллын 9 дүгээр сарын 18. Сугар гараг. Билгийн тооллын шинийн 1. Хөх хулгана өдөр. Өдрийн наран 6 цаг 34 минутад мандан, 18 цаг 59 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрэм номхотгох, гэмтнийг шийтгэх, мал адгуус номхруулах, лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана (23:40-01:40), үхэр (01:40-03:40), туулай (03:40-05:40), морь (11:40-13:40), бич (15:40-17:40), тахиа (15:40-17:40) болой. Хол замд явах хүмүүс зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Монгол банкны энэ өдрийн нэрлэсэн ханшаар АНУ-ын доллар 2854, евро 3385, БНХАУ-ын юань 422, ОХУ-ын рубль 38, Японы иен 27, БНСУ-ын вон 2.4 төгрөгтэй тэнцэж байна. (Эх сурвалж: www.gogo.mn)
- Дэлхийн зах зээл дээр нэг тонн зэс 6813 ам.долларын ханштай байна. (Эх сурвалж: www.lme.com)
Эрдэнэт үйлдвэрийн түүх энэ сард...
1988 оны 09 дүгээр сар
- Эрдэнэт үйлдвэрийн ашгийг хуваарилах болон бүтээгдэхүүний үнийн асуудлаар хоёр улсын Сангийн яамны төлөөлөгчид уулзалт, хэлэлцээр хийв.
1989 оны 09 дүгээр сар
- Эрдэнэт хот дахь хөнгөн үйлдвэрийн Техник мэргэжлийн сургууль анх 54 багш, ажилтантайгаар сургалт, хүмүүжлийн үйл ажиллагаагаа эхэлж, Архангай, Булган, Баян-Өлгий, Дорнод, Төв аймаг, Эрдэнэт, Дархан хотуудаас 540 сурагч элсүүлэн, хивс нэхэгч, ээрэгч, зөөлөн оёдол, зөөлөн эсгүүр, үслэг оёдол, эсгүүр зэрэг найман мэргэжлээр суралцуулав.