Мэдүүштэй...
-
Өнөөдөр жилийн 257 дахь өдөр. Он дуусахад 108 хоног үлдлээ.
-
Эрдэнэт хотод агаарын хэм өдөртөө +9 градус, шөнөдөө +1 градус дулаан, бага зэргийн бороотой, салхины хурд 6-7 м/сек байна. (Эх сурвалж: www.tsag-agaar.gov.mn )
-
Аргын тооллын 9 дүгээр сарын 14. Сумъяа гараг. Билгийн тооллын 27. Цагаан бич өдөр. Өдрийн наран 6 цаг 28 минутад мандан, 19 цаг 07 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана (23:40-01:40), үхэр (01:40-03:40), луу (05:40-07:40), могой (09:40-11:40), хонь (13:40-15:40), нохой (17:40-19:40) болой. Хол газар явагсад зүүн зүгт мөрөө гаргавал зохистой. Үс шинээр үргээлгэх буюу засуулбал өлзийтэй сайн.
-
Монгол банкны энэ өдрийн нэрлэсэн ханшаар АНУ-ын доллар 2854, евро 3373, БНХАУ-ын юань 417, ОХУ-ын рубль 37, Японы иен 26, БНСУ-ын вон 2.4 төгрөгтэй тэнцэж байна. (Эх сурвалж: www.gogo.mn)
-
Дэлхийн зах зээл дээр нэг тонн зэс 6757 ам.долларын ханштай байна. (Эх сурвалж: www.lme.com)
Эрдэнэт үйлдвэрийн түүхэнд энэ сард...
1985 оны 09 дүгээр сар
- “Эрдэнэт” үйлдвэрийн хүдэр олборлох, боловсруулах хүчин чадлыг жилд 20 сая тоннд хүргэх техникийн зургийг батлах тухай БНМАУ-ын Төлөвлөгөөний комисс, Гадаадтай эдийн засгийн талаар хамтран ажиллах улсын хорооны хамтарсан тогтоол гарав.
1986 оны 09 дүгээр сар
- Монгол-Зөвлөлтийн хамтарсан уул уурхайн баяжуулах “Эрдэнэт” үйлдвэрийн Зөвлөлийн XVI хуралдаан Улаанбаатар хотод болов.