Өнөөдөр 08 дугаар сарын 19

Мэдүүштэй...

1. Өнөөдөр жилийн 231 дэх өдөр. Он дуусахад 134 хоног үлдлээ.

2. Эрдэнэт хотод агаарын хэм өдөртөө +23 градус, шөнөдөө +11 градус дулаан, хүчтэй аадар бороотой, салхины хурд 11.1 м/сек байна. (Эх сурвалж: www.tsag-agaar.gov.mn)

3. Аргын тооллын 8 сарын 19. Лхагва (Буд) гараг. Билгийн тооллын шинийн 30, хөх морь өдөр, их морь-9 одтой, төмөр суудалтай, 7 улаан мэнгэтэй, үхэхийн барилдлагатай, Лусын буулттай өдөр. Өглөө нар 05:52 цагт мандаж, орой 19:57 цагт жаргана. Өдрийн сайн цаг: морь (11:40-13:40), бич (15:40-17:40), хулгана (23:40-01:40), үхэр (01:40-03:40) болой. Үс засуулбал эрлэг лугаа учрах муу тул цээрлэвэл зохилтой. Хол замд явах хүмүүс баруун зүгт мөрөө гаргавал зохистой. Энэ өдөр бар, нохой, гахай жилтнээ аливаа үйлийг хийхэд эерэг сайн. Харин хулгана, могой, морь жилтнээ сөрөг муу. Хөрөнгө оруулах, эд юм бүтээх, бичиг зурхай зурах, ураг садан болох, худалдаа хийх, сүмийн тахил тахилга засах, өөрийн амьдралд тустай ажил хийх, нууц зөвлөгөөн хийх, бурханд залбирах, нөхрийг эрэх, хаад ноёд, ихэс дээдэст тангараг, амлалт гаргах, мал адгуус муулах үйлд сайн. Харин байр сууц тохижуулах, гэр барих, засах, морь худалдах, уралдуулах, улаан идээ авах, хатуу үйл ажил хийх, лам болох, ном сонсох, гадагш өгөх, хөрөнгө исгэх, үр цацах, бэрийн үйл, үхэгсдийн үйлд муу.

4. Монгол банкны энэ өдрийн нэрлэсэн ханшаар АНУ-ын доллар 2849, евро 3376, БНХАУ-ын юань 410, ОХУ-ын рубль 39, Японы иен 26, БНСУ-ын вон 2.4 төгрөгтэй тэнцэж байна. (Эх сурвалж: www.gogo.mn)

5.Дэлхийн зах зээл дээр нэг тонн зэс 6492.50 ам.долларын ханштай байна. (Эх сурвалж: www.lme.com)

Эрдэнэт үйлдвэрийн түүхэнд энэ сард...

1965 оны 8 сарын 16.

• Монгол, Чехословакийн геологийн анги “Эрдэнэтийн-Овоо”-ны орд газарт явуулсан эрэл, үнэлгээний ажлаа тайлагнав.

1974 оны 8 сарын 24.

-МХЗЭ-ийн анхны илгээлтийн эзэд Эрдэнэтийг зорив.

1975 оны 8 сарын 25.

• БЕЛАЗ-ын жолоочийн курст суралцах анхны хүмүүсийг ЗХУ руу илгээв.

1978 оны 8 сарын 1.

• Цахилгаан цех байгуулагдав.

1978 оны 8 сарын 12.

• Анхны зэсийн баяжмалыг гарган авав.

2001 оны 8 сар.

• Баяжуулах фабрикийн хүчин чадлыг 2 сая тонноор нэмэгдүүлэв.

2013 оны 8 сарын 17.

• Үйлдвэрийн 35 жилийн ойг тохиолдуулан, Монгол Улсын Ерөнхийлөгчийн зарлигаар Эрдэнэт үйлдвэрийг “Хөдөлмөрийн гавьяаны улаан тугийн одон”-гоор шагнав.