Өнөөдөр 07 дугаар сарын 22

Мэдүүштэй...

1. Өнөөдөр жилийн 203 дахь өдөр. Он дуусахад 162хоног үлдлээ.                

2. Эрдэнэт хотод агаарын хэм өдөртөө +31 градус, шөнөдөө +17градус дулаан, үүлшинэ, салхины хурд 5-7 м/сек байна.

3. Аргын тооллын 7 дугаар сарын 22.Буд гараг. Билгийн тооллын шинийн 2.Улаан бар өдөр. Өдрийн наран 5цаг 17 минутад мандан, 20цаг 41 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр байшингийн суурь тавихад сайн. Золиг гаргах, сэтгэлдд сэвтэй газар очиход муу. Өдрийн сайн цаг нь хулгана (23:40-01:40),үхэр (01:40-03:40), луу (07:40-09:40), могой (09:40-11:40), хонь (13:40-15:40), нохой (19:40-21:40)болой.Хол газар явагсад хойд зүгт мөрөө гаргавал зохистой.Үс шинээр үргээлгэх буюу засуулахад тохиромжгүй.  

4. Монгол банкны энэ өдрийн нэрлэсэн ханшаар АНУ-ын доллар 2841, евро 3250, БНХАУ-ын юань 406, ОХУ-ын рубль 40, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn)

5.Дэлхийн зах зээл дээр нэг тонн зэс 6513ам.долларын ханштай байна. (Эх сурвалж: www.lme.com)

Эрдэнэт үйлдвэрийн түүхэнд энэ сард...

1978 оны 07 дугаар сар

• “Эрдэнэт үйлдвэрийн Хүдрийн ил уурхай, Баяжуулах фабрик, Засвар механикийн заводын ажилчдын тарифт цалин батлах, зарим ажилчдад үзүүлэх хөнгөлөлтийн тухай” БНМАУ-ын Сайд нарын Зөвлөлийн 180 дугаар тогтоол гарчээ.
• БНМАУ-ын АИХ-ын Тэргүүлэгчдийн 172 дугаар зарлигаар Эрдэнэтийн барилга байгууламжид үр бүтээлтэй ажилласныг нь тэмдэглэж, Эрдэнэт хот дахь Зөвлөлтийн барилгын удирдах Ерөнхий газрын намын хорооны орлогч нарийн бичгийн дарга П.Г.Юшинг “Найрамдал” медалиар шагнажээ.
• Израйлын Коммунист намын Төв хорооны Ерөнхий нарийн бичгийн дарга И.Вильнер тэргүүтэй төлөөлөгчид Эрдэнэт хотод зочилжээ.
• МАХН-ын Төв хорооны Ерөнхий нарийн бичгийн дарга, БНМАУ-ын АИХ-ын Тэргүүлэгчдийн дарга Ю.Цэдэнбал Эрдэнэтэд ирж, бүтээн байгуулалтын явцтай танилцав.