Эрүүл мэндийн байгууллагын тусламж, үйлчилгээний чанар, аюулгүй байдлыг тасралтгүй сайжруулах, үйлчлүүлэгч төвтэй тусламж үйлчилгээний соёлыг төлөвшүүлэх зорилгоор “Эрдэнэт” сувиллын цогцолбор “Чанарыг эрхэмлэе-2026” аян өрнүүлж байна. Энэ хүрээнд Ахмадын баяр, дэлхийн зүрх судасны өдрийг тохиолдуулан Эрүүл мэндийн сургалт, өдөрлөгийг өнөөдөр зохион байгууллаа.
Өндөр настан, ахмад ажилтнуудын дунд зүрх судасны өвчлөл зонхилж буй энэ үед уг өвчнөөс урьдчилан сэргийлэх, эрүүл мэндийн мэдлэг мэдээллийг цэгцтэй олгох, эрүүл зөв, идэвхтэй амьдралын хэв маягийг дэмжихэд чиглэсэн үйл ажиллагаа чухал байгааг тус цогцолборын Эрдэнэт клиникийн тасгийн эрхлэгч Б.Бурмаа энэ үеэр онцолсон юм.
Эрүүл мэндийн сургалт, өдөрлөгт Эрдэнэт үйлдвэрийн 60 гаруй ахмад хамрагдаж, артерийн даралт бууруулах цэгэн иллэг, дасгал хөдөлгөөн сурч, гарын доорх материалаар эрүүл хоол хийх, давсны хэрэглээг бууруулах талаар мэдээлэл авсан ач холбогдолтой үйл ажиллагаа болов. Мөн өлөн үеийн цусан дахь сахрыг үнэ төлбөргүй үзэж, ахмадуудын дунд “Инээвэл залуужна” хөгжөөнт тоглоом зохион байгуулж, шалгарсан хоёр настанд өдөрлөгийн ивээн тэтгэгч “Берлин хими” компанийн эрүүл мэндийн бүтээгдэхүүн бэлэглэлээ.
“Эрдэнэт” сувиллын цогцолбор он гарсаар Хамтын гэрээний дагуу 800 орчим ахмадад эмчилгээ сувилгаа хийж, амбулаторийн тусламж үйлчилгээ үзүүлж, эрүүл мэндийн урьдчилан сэргийлэх үзлэгт хамруулан ажиллаж байна.
Нар минутад мандаж минутад жаргана.
Үс засуулвал: 
Суудал: 
