Эрдэнэт үйлдвэрийн Санхүү, нягтлан бодох бүртгэлийн хэлтсийн хамт олон Олон улсын ахмадын өдрийг тохиолдуулан анхдагч, ахмадуудаа ажлын байрандаа өнөөдөр хүлээн авч хүндэтгэл үзүүллээ. Ахмадуудтайгаа уулзах үеэр Санхүү, нягтлан бодох бүртгэлийн хэлтсийн дарга, Ерөнхий нягтлан бодогч Т.Очирхүү хэлсэн үгэндээ, Эрдэнэт үйлдвэр 48 жилийн түүхэн замналыг туулж, өнөөгийн хөгжил дэвшилд хүрэхэд үе үеийн ахмад ажилтнуудын маань мэдлэг, хөдөлмөр, зүтгэл үнэлж баршгүй хувь нэмэр оруулсныг цохон тэмдэглээд, өнөөдрийн бидний түшиг тулгуур болсон та бүхний хөдөлмөрийн мөр, бүтээлийн түүх энэ байгууллагын салшгүй нэгэн хэсэг болохыг онцолсон.
Түүнчлэн, байгууллагынхаа түүхийг тоогоор хадгалж, үнэ цэнийг баримтаар баталгаажуулж ирсэн ахмад үеийнхэндээ мэргэжлийн ёс зүй, ур чадвар, ажиллах арга барилыг хойч үедээ өвлүүлэн үлдээсэнд чин сэтгэлийн талархал илэрхийлэв.
Тэд ахмадуудаа морин хуурын аялгуугаар хүндэтгэлтэй угтаж, тэдний ажиллаж байсан үеийн дурсамж, бүтээлийн түүхийг өгүүлсэн гэрэл зургийн цомгийг дэлгэцээр толилуулсан юм. Мөн ая дууны мэндчилгээ, гарын бэлэг, дурсамж яриагаар үргэлжилж, үе үеийн ажилтнуудын халуун дотно уулзалтаар чин сэтгэлийн яриа өрнөлөө.
Ийнхүү Санхүү, нягтлан бодох бүртгэлийн хэлтсийн хамт олон байгууллагынхаа хөгжилд үнэтэй хувь нэмэр оруулсан ахмад буурлуудаа хүндэтгэн, тэдний хөдөлмөр, бүтээлийг дурссан намрын налгар өдрийн дулаахан уулзалтыг зохион байгууллаа.
Нар минутад мандаж минутад жаргана.
Үс засуулвал: 
Суудал: 
