II хэсэг
Байгалийн баялаг шавхагдах, хүдэр дэх металлын агуулгын хэмжээ буурах, улмаар эдийн засгийн үр ашиг багасах эрсдэл уул уурхайн үйл ажиллагаа эрхлэх төр, хувийн хэвшилд тулгардаг бодит эрсдэл. Эрт, орой хэзээ нэгэн цагт тохиох зүйл. “Эрдэнэт үйлдвэр” шиг 45 жил тасралтгүй ажилласан уурхайд ч мөн адил энэ сорилт, бэрхшээл хол биш. Тийм учраас нөөцийг нэмэгдүүлэх, уурхайн насжилтыг уртасгах, үйлдвэрлэлийн үр ашгийг тогтвортой хадгалах нь нэн тэргүүний асуудал.
Тэгвэл Эрдэнэтийн-Овоо орд газрын геологи хайгуулын ажилд 2017-2021 онд 30 гаруй сая ам.доллар зарцуулсны үр дүнд хүдрийн нөөцийг шинэчлэн тогтоогоод байна. Тодруулбал, олон улсын Жорк стандартаар 2.9 тэрбум тонн хүдрийн нөөцийг УУХҮЯ-ны дэргэдэх Эрдэс баялгийн мэргэжлийн зөвлөлөөр хэлэлцүүлж, баталгаажуулжээ. Батлагдсан нөөцөөр үйлдвэр цаашид өнөөдрийн хүчин чадлаар 60-70 жил ажиллах боломж бүрдсэн байна.
Үүнээс гадна Засгийн газар “Эрдэнэт үйлдвэр”-т ашигт малтмал хайх зургаан тусгай зөвшөөрөл олгосон нь Эрдэнэтийн-Овоо ордын ойр орчимд хүдрийн нөөцийг өсгөх, Оюут зэрэг ордын нарийвчилсан хайгуулыг эхлүүлж, шинээр орд нээх эхлэлийг тавьжээ. Оюут ордын нарийвчилсан хайгуулын ажлыг гурван жил хийхээр төлөвлөсөн байна. Тус ордод 1981-1985 онд эрэл үнэлгээ хийгдэж, 1986-1990 онд Монгол, Оросын геологичдын хамтарсан баг урьдчилсан хайгуулын ажил хийж байжээ. Нарийвчилсан хайгуул нь орд газрыг ашиглаж, олборлох бэлтгэл үе шат юм.
Б.Баяртогтох Itoim.mn сайт, сэтгүүлч
Эдийн засгийн сэтгүүлчдийн клубын Ерөнхий зохицуулагч,
Нар минутад мандаж минутад жаргана.
Үс засуулвал: 
Суудал: 
