“Эрдэнэт үйлдвэр” ТӨҮГ-ын Үйлдвэрлэлийн хэлтсийн дарга Т.Түмэн-Өлзийгөөс өвлийн бэлтгэл ажлын төлөвлөгөөний биелэлтийн талаар тодрууллаа. Үйлдвэрийн газрын бүтцийн нэгжүүдийн намар, өвлийн бэлтгэл ажлын төлөвлөгөөг боловсруулан Ерөнхий инженерээр батлуулсан. Улмаар үйлдвэрийн газрын Ерөнхий захирлын А/510 тоот тушаалын дагуу хэрэгжилтийг ханган ажиллаж байна. Улирлын бэлтгэл ажлын төлөвлөгөө дөрвөн үндсэн чиглэлтэй.
Тодруулбал:
-Үндсэн технологийн тоног төхөөрөмжийг бэлтгэхэд 73 ажил хийх ёстой.
-Эрчим хүчний тоног төхөөрөмж болон системүүдийг бэлтгэх 104 ажил байгаа.
-Аж ахуй, нийгмийн барилга байгууламжийн бэлтгэлийг хангах 106 ажил бий.
-Түүхий эд, материал бэлтгэхэд 15 ажил хийхээр төлөвлөсөн. Үйлдвэрийн газрын хэмжээнд 26 бүтцийн нэгжийг хамарсан 298 ажил хийхээр төлөвлөснөөс одоогийн байдлаар 284 ажил 100 хувь биелсэн. Үүний 12 ажил нь гүйцэтгэх хугацаанаас хамааран 98 хувьтай явж байна. Нийт 22 бүтцийн нэгжийн төлөвлөсөн ажил 100 хувь биелсэн байгаа.
Ингэснээр үйлдвэрийн газрын хэмжээнд өвлийн бэлтгэл ажлын гүйцэтгэл 96.8 хувьтай явна. Гүйцэтгэсэн томоохон ажлаас дурдвал: Баяжуулах үйлдвэрийн Хаягдлын аж ахуйд 16-р даланг шинээр барьж байгуулах, булинга тээвэрлэх түрэлтийн болон шугамын 1400 мм -ийн 29 км урт хоолойг засварлах, Дулааны цахилгаан станцын 6 дугаар зуухны хэсэгчилсэн засвар, Цахилгаан цехийн Р-63 МВА трансформаторын их засварын ажлыг хийгээд байна.
-Энэ оны үйлдвэрлэлийн төлөвлөгөөний биелэлт хэр явж байна вэ?
-2023 оны хүлээгдэж буй гүйцэтгэлээр уулын цул гаргалт 29.08 сая шоо метр, хөрс хуулалт 13.86 сая шоо метр, хүдэр олборлолт 39.4 сая тонн, хүдэр боловсруулалт 36.9 сая тонн буюу төлөвлөгөө 100.5 хувиар тус тус биелэхээр байна. Мөн зэсийн баяжмал үйлдвэрлэл 600.3 мян.тн буюу 100.7 хувь, молибдены баяжмал үйлдвэрлэл 5.74 мян.тн буюу 103.5 хувиар биелэх тооцоо гарсан. Зэсийн металл авалт 87.70 буюу төлөвлөгөөнөөс 0.4 абсолют хувиар, молибдены металл авалт 53.0 буюу төлөвлөгөөнөөс 3.0 хувиар тус тус давж биелэхээр байна.
-Баярлалаа.
Нар минутад мандаж минутад жаргана.
Үс засуулвал: 
Суудал: 
