Эрдэнэт үйлдвэрийн Спорт цогцолборын Чанар, бүтээмжийн мэргэжилтэн Ч.Бадамгараваас Бүтээмж чанарын дугуйлангуудынх нь үйл ажиллагааны талаар тодрууллаа.
Үйлдвэрийн газрын цех, нэгжүүд бүтээмжийн мэргэжилтэнтэй болсон цагаас манай цогцолборт Бүтээмжийн дугуйлан хичээллэж эхэлсэн. Одоогийн байдлаар Спорт цогцолбор 111 ажилтантай үйл ажиллагаагаа явуулдаг. Мөн долоон бүтээмж чанарын дугуйлан ажилладаг. Усан сангийн “Хилэм”, нийтийн биеийн тамирын “Эрч хүч”, байгалийн чийрэгжүүлэлтийн ”Сархиа”, шигшээ багийн “Үргэлжлэл”, эмнэлэг, лабораторийн “Манлайлал”, техникийн хэсгийн “Далд фронт”, үйлчилгээний албаны “Хангарди” зэрэг Бүтээн чанарын дугуйлан хичээллэдэг. Эдгээр дугуйлангууд оны эхний хагас жилд нэг жижиг сайжруулалтын ажил хийх, нэг төсөл хэрэгжүүлэх зорилготой. Сүүлийн хагас жил бас нэг төсөл, нэг жижиг сайжруулалтын ажил хийх төлөвлөгөөтэй байгаа. Энэ оны эхний хагас жилд манай долоон Бүтээн чанарын дугуйлан 12 төсөл 11 жижиг сайжруулалтын ажил хийлээ. Өөрөөр хэлбэл 12 төсөл, 11 жижиг сайжруулалтын ажил бүгд хэрэгжсэн. “Нуруугаа хайрлая” төсөл амжилттай хэрэгжиж байна. Авто тээврийн байгууллагын жолооч нар болон бусад ажилчдыг энэ төсөлд хамруулсан. Эдгээр хүмүүсийг иогоор хичээллүүлсэн. Эхний гурван удаагийн сургалтын дараа Белазын жолооч нараас ээлжид гарахад нуруу өвдөж чилэхгүй, сайн унтаж амарснаар ажлын бүтээмж дээшилж байна гэсэн талархлын үг сонссон. Энэ нь төсөл амжилттай хэрэгжиж байгаагийн үр дүн юм. Уг төслийг арга зүйч, иогийн багш Ариунжаргал хариуцан ажиллаж байна. Одоо Авто тээврийн цехийн бусад хэсгүүдэд энэ төслийн аян хэрэгжээд явна.
-Өөр ямар төсөл хөтөлбөр хэрэгжүүлэх вэ?
-Хорнхол гэж шинэ спортын төрлийг нэвтрүүлэх төсөл хэрэгжиж байна. Нийтийн биеийн тамир, үйлчилгээ, аж ахуйн бүтээмж чанарын дугуйлангууд энэ спортын хэрэглэл материалыг нь хийж сургалт явуулан, тэмцээн зохион байгуулж байгаа. Хорнхол нь тавцан дээгүүр эрдэнэ шишийн будаатай дэр шидэж оруулдаг спортын нэг шинэ төрөл. Энэ төсөл хэрэгжсэнээр олон хүн нэг баг болж уг спортоор хичээллэх болсон.
-Цаашид хэрэгжүүлэхээр ямар ажил төлөвлөөд байна вэ?
-Есөн сарынхаа ажлын төлөвлөгөөг батлуулна. Эхний ээлжинд хөл бөмбөгийн талбайн тохижилтын ажил хийгдэнэ. Талбайн орчин тойронд мод тарьж цэцэрлэгжүүлнэ. Мөн талбайн хашааг сэргээн засварлаж, спортоор хичээллэгсэд амрах сүүдрэвчийг дотоод нөөц боломжоо ашиглан барьж байна.
-Манай үйлдвэрийн хэмжээнд ISO 9001 чанарын менежментийн тогтолцооны стандарт хэрэгждэг. Танайх үйл ажиллагаандаа ямар стандарт мөрдөн ажиллах вэ?
-Бид чанарын бодлогын хүрээнд чанарын зорилтоо тодорхойлсон. Үүний дагуу MNS-ын таван стандарт мөрдөн ажиллаж байна. Тухайлбал:
-MNS6186:2010 Усан бассейн, чийрэгжүүлэлтийн усан санд тавигдах ерөнхий шаардлага,
-MNS5164:2010 Саун. Ерөнхий шаардлага,
-MNS6000:2009 Цанын бааз, мөсөн гулгуурын үйлчилгээ. Ерөнхий шаардлага,
-MNS5538:2005 Эрүүлийг хамгаалах технологи-Чийрэгжүүлэх, бялдаржуулах үйлчилгээ. Нийтлэг шаардлага,
-MNS5163:2002 Халуун усны үйлчилгээ. Ерөнхий шаардлага стандарт гэх мэт.
Мөн жижиг сайжруулалтын ажлын хүрээнд яаралтай үед Спорт цогцолборын сан, цахилгааныг аюулгүй ажиллуулах нөхцөлийг бүрдүүлсэн. Жижүүр харуулуудад зориулсан гарын авлага гаргаж тараалаа. ISO 9001:2015 Чанарын менежментийн стандартын хүрээнд чанарын зорилтуудаа тодорхойлж, стандартуудын тохирлын гэрчилгээ аваад байна.
-Баярлалаа.
Нар минутад мандаж минутад жаргана.
Үс засуулвал: 
Суудал: 
