Ирээдүйн удирдагчдаа бэлдэж буй Эрдэнэт үйлдвэр#2
Захиргаа, хүний нөөцийн бодлогын газраас 2020 онд хүний хөгжлийн дөрвөн цогц хөтөлбөрөө хэрэгжүүлж эхэлсэн юм. Үйлдвэрийн хөгжлийн бодлоготой уялдуулан боловсруулсан эдгээрийн хөтөлбөрүүдийн хоёр нь “Залуу ажилтныг дэмжих хөтөлбөр”, “100 анхан шатны удирдагчийн манлайлал, авьяас чадварын хөтөлбөр” юм. Дээрх хөтөлбөрт хамрагдаж, оролцооны үнэлгээгээр шалгаран “Harvard Manage Mentor” удирдагчийн эрдэм ухаанд үйлдвэрийнхээ тэтгэлэгээр суралцаж буй түлхүүр ажилтнууд сэтгэгдлээ хуваалцлаа.
А.Түвшинжаргал: Өөрийгөө удирдах, бусдыг удирдах, бизнесээ удирдах гурван чухал ухаанд суралцан, мэдлэг нэмж байна
Миний бие Эрдэнэт цогцолбор дээд сургуульд элетроникийн багшаар 2013 оноос хойш 8 дахь жилдээ ажиллаж байна. Захиргаа, хүний нөөцийн бодлогын газраас хэрэгжүүлж буй “Залуу ажилтныг дэмжих хөтөлбөр”-т цехээ төлөөлж оролцохоор шалгарсан. Энэ хөтөлбөр нь залуучуудын манлайлал, ур чадварыг хөгжүүлж дээшлүүлэх боломж гэж харсан учраас өөрийн идэвх санаачилгаа дайчлан оролцохоор зорьсон. Цехүүдийн төлөөлөл болсон залуус нэг баг болоод хувь хүний харилцаа хандлагаа үнэлүүлэх боломж нээгдэж, тэр үнэлэмжээ түшиглэн өөрийгөө аль чиглэлээр хөгжүүлэх вэ гэдгээ мэдэж авсан. Энэ үр дүнгээр өөрсдийн карьер хөгжлөө тодорхойлж, бүтэн нэг жилийн турш бие биенээсээ суралцаж ирлээ. Хөтөлбөрийн явцын үнэлгээгээр сайн хамрагдсан залуу ажилтнуудаа “Harvard Manage Mentor” тэтгэлэгт хөтөлбөрт сургаж буйд их баяртай байна. Энэ хөтөлбөрт суралцсанаар өөрийгөө удирдах, бусдыг удирдах, бизнесээ удирдах гэсэн гурван чухал зүйлийг ойлгож, мэдлэг нэмж байгаа маань хамгийн том үр дүн юм.
М.Балжинням
Фото Б.Баттөгс
Нар минутад мандаж минутад жаргана.
Үс засуулвал: 
Суудал: 
