Н.Саранцогт: Дэлхийн шилдгүүд цугласан тэмцээнээс медаль хүртсэндээ баяртай байна

Чөлөөт бөхийн “Мастерс” ангиллын 2023 оны дэлхийн аварга шалгаруулах тэмцээн Грек Улсын Лоутраки хотод 10-р сарын 18-25-нд болж, манай улсаас 16 тамирчин оролцжээ. Энэхүү тэмцээний 56-60 насны ангиллын 100 кг-ын жинд “Хангарьд” спорт клубийн тамирчин, чөлөөт бөхийн спортын мастер, “Хангарьд” спорт клубийн Үндэсний бөхийн дасгалжуулагч, Монгол Улсын харцага Нарангэрэлийн Саранцогт барилдаж, хүрэл медаль хүртжээ. Түүнтэй уулзаж тэмцээний талаар нь тодрууллаа. 
Юуны өмнө тэмцээнд амжилттай оролцож, хүрэл медаль хүртсэн танд баяр хүргэе
Баярлалаа. 
Та эхлээд уг тэмцээний талаар мэдээлэл өгнө үү?
Энэ нь Дэлхийн бөхийн холбооны календарчилсан төлөвлөгөөний дагуу Бөхийн чөлөөт барилдаан болон сонгомол бөхийн мастеруудын дэлхийн аварга шалгаруулах тэмцээн юм. Тус тэмцээнд ABCDE болон 35-40, 41-45, 46-50, 51-55, 56-60 гэсэн 5 насны ангиллаар ангилал тус бүрдээ 62, 70, 77, 88, 100, 120 кг-ийн жинд дэлхийн 55 орны 780 гаруй тамирчин хүч чадал авхаалж самбаагаа сорьж, хүчтэй өрсөлдөөн боллоо. Энэ тэмцээнд манай улсаас 16 тамирчин, Эрдэнэт хотоос гурван тамирчин оролцсон. Манай улсаас оролцсон тамирчдаас чөлөөт бөхийн төрөлд нэг мөнгө, таван хүрэл, нийт зургаан медаль авсан. Сонгомол бөхийн төрөлд 5 тамирчин оролцсоноос гурван хүрэл медаль хүртсэн.

 
Та аль улсын тамирчидтай таарч, хэрхэн барилдав?
Миний хувьд Е ангиллын болон 56-60 насны ангилалд 100 кг-ийн жинд оролцож, 12 улсын 12 тамирчинтай нэг жинд барилдлаа. Чөлөөт бөх өндөр хөгжсөн ОХУ, Казакстан, Турк, Иран, АНУ зэрэг улсаас нэг жинд 2 бөх оролцсон өрсөлдөөн ихтэй тэмцээн боллоо. Би нэгдүгээр тойрогтоо Румыны бөх Албутай барилдаж, 4:2 харьцаагаар яллаа. Хоёрдугаар тойрогтоо Туркийн бөх Баготой хүч үзэж, 6:1-ээр ялалт байгуулж, зооны аваргын төлөө Ираны бөх Хажабиранттай барилдан 3:0 харьцаагаар хожигдож, хүрэл медалийн төлөө АНУ-ын бөхтэй маш хүнд барилдаан хийж, 6:1 харьцаагаар ялж, хүрэл медалийн болзол хангалаа. 


Та мастерс ангиллын Дэлхийн аваргын тэмцээнд өмнө нь оролцож байв уу?
Үгүй ээ. Анх удаагаа оролцож байгаа болохоор туршлага жаахан дутлаа. Гэлээ ч дэлхийн шилдгүүд цугласан тэмцээнээс медаль хүртсэндээ баяртай байна. 
Та бэлтгэлээ хэрхэн базаасан бэ?
Манай Орхон аймгийн “Ирээдүйн одод” клубийн дасгалжуулагч Б.Идэрсайхан багш, энэ тэмцээний 2016 оны Дэлхийн аварга Г.Баатарсүрэн нараар барилдааны туршлага арга техникээ заалгаж, зарим үедээ “Хангарьд” спорт клубийн чөлөөт бөхийн дэвжээн дээр бэлтгэл хийсэн. Мөн Улаанбаатар хотын Спортын төв ордны нэгдсэн бэлтгэлд гарч, бэлтгэл хийж тэмцээнд оролцлоо. 
Та Мастерс ангиллын Улсын гурван удаагийн аварга байхаа? 
Тиймээ. Бас нэг удаа мөнгө, нэг удаа хүрэл медаль хүртсэн, Спортын мастер цолтой. Энэ удаа Дэлхийн аваргын тэмцээнээс медаль авснаар Олон улсын хэмжээний мастерын болзол хангаж байгаа. 
Тэмцээний зардлыг улсаас гаргасан уу?
Энэ тэмцээнд манай улсын тамирчид хувийн зардлаараа явсан. Мандат олгох такс 510 швейцарь франк буюу хоёр сая төгрөг, замын зардал хоол унд гээд л зардал ихтэй. Үүнд Орхон аймгийн ЗДТГ тодорхой хэмжээний мөнгө гаргасан. Орхон аймаг дахь Сэлэнгэ аймгийн нутгийн зөвлөлийн тэргүүлэгчид, найз нөхөд, хувь хүмүүс намайг дэмжиж тусаллаа. Энэ тэмцээнийг зохион байгуулахад оролцсон Монголын чөлөөт бөхийн мастеруудын холбоо Шенгиний виз гаргуулж, нэгдсэн журмаар бэлтгэл сургуулилт хийлгэж, сайхан зохион байгууллаа. Эдгээр хүмүүстээ баярлалаа. 
Ярилцсанд баярлалаа.

Б.Баттөгс
Зурагчин
Энэ мэдээ танд ямар санагдав?
Хайр татам байна
2
Таалагдаж байна
0
Гайхалтай байна
0
Гунигтай байна
0
Уур минь хүрч байна
0

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

ӨНӨӨДРИЙН ЗУРХАЙ

wave
|
Нар минутад мандаж минутад жаргана.


Үс засуулвал:
Суудал:


Ярилцлага

wave
А.ТҮВШИНЖАРГАЛ: Асуудлыг болохгүй талаас нь харах тусам улам томордог
Н.ЭРДЭНЭТУЛГА: Аливаад дөртэй, эр зоригтой байхыг хичээдэг
Б.БААСАНСҮРЭН: Төслийн барилга байгууламж, дэд бүтцийн ажил 70 гаруй хувьтай явна
Н.ЧҮЛТЭМСҮРЭН: Инженер хүн амьдралаас олон талын мэдлэг олж авдаг
Я.ПҮРВЭЭ: Энэ онд 30 мянган тонн баяжмал Биржээр арилжаална
Т.ГАНБОЛД: Шинэ санаачилгыг хэрэгжүүлэхэд эв нэгдэл, уйгагүй хөдөлмөр, ур чадвар хэрэгтэй
Х.ОЛЗБААТАР: Цахимд бүртгэлтэй бараа материалыг сонирхсон хүмүүс худалдан авах боломж бүрдсэн
Г.Ёндон: Би баяжмал борлуулах гэрээ хийхгүй
  • .
  • 10/05/2024
Д.БАЯРМАА: Энэ онд 524 тэрбум төгрөгийн өртөг бүхий 117 ажил хийнэ
С.БАТТӨР: Хүслээ дагаж ирсэн үйлдвэртээ 40 жилийн хөдөлмөрөө зориулж явна

Хайлт хийх ...

ESC дарж буцах боломжтой.

Цаг агаар
Эрдэнэт хот
Өнөөдөр
2023-12-31
-6°C
Багавтар үүлтэй
Салхи: 6м/сек
-13°C
Багавтар үүлтэй
Салхи: 5м/сек
2024-01-01
-6°C
Үүл багаснa
Салхи: 7м/сек
-16°C
Үүлшинэ
Салхи: 6м/сек
2024-01-02
-8°C
Багавтар үүлтэй
Салхи: 7м/сек
-18°C
Багавтар үүлтэй
Салхи: 6м/сек
2024-01-03
-6°C
Цас
Салхи: 5м/сек
-13°C
Үүлшинэ
Салхи: 5м/сек
2024-01-04
-10°C
Үүлшинэ
Салхи: 6м/сек
-17°C
Цас
Салхи: 5м/сек
Валютын ханш
Монголбанк
Валют Ханш
USD 3409.39 -0.0004 %
EUR 3731.58 -0.0161 %
GBP 4332.82 -0.0091 %
RUB 37.42 -0.0067 %
CNY 476.27 -0.0079 %
KRW 2.59 -0.0232 %
CAD 2548.89 -0.0144 %
NZD 2125.75 -0.0195 %
AUD 2285.66 -0.0225 %
JPY 23.61 -0.0258 %
HKD 436.62 +0.0004 %
SGD 2562.2 -0.0112 %
CHF 4010.58 -0.0131 %
SEK 331.69 -0.0360 %
TRY 114.24 -0.0140 %
THB 97.51 -0.0251 %