Фитнессээр тууштай хичээллэж, өөрийгөө бүтээж яваа олон залуус Эрдэнэт үйлдвэрт ажилладаг. Өөрийгөө бүтээхээс илүү тамирчны хэмжээнд хичээллэж, улсын болон дэлхийн тавцанд амжилт гаргасан нь ч бий. Аль нь ч байсан тэд өөрийгөө ялж чадсан “аваргууд”. Уул уурхайн хүнд үйлдвэрийн ажлын ачааллыг эн тэнцүү үүрчхээд, амьдралын зөв хэв маягаараа үеийн залуусаа үлгэрлэж яваа тэдний заримтай уулзаж ижил дөрвөн асуултаар хариулт авсан юм.
- Фитнессээр хэдэн жил хичээллэсэн бэ?
- Анх яагаад энэ спортыг сонгон хичээллэх болов?
- Фитнесс танд юу өгсөн бэ? /төлөвшил, хэв маяг, өөрчлөлт/
- Амжилт..?
О.СУВД-ЭРДЭНЭ: Аливаад хариуцлагатай хандаж сурсан
/Тээвэр, ложистикийн төвийн ачаа вагон хүлээлцэгч/
-Миний хувьд энэ спортод хөл тавиад удаагүй. Ойролцоогоор нэг жил орчим л болж байна. Холын зайн гүйлт болон дугуйн спортоор түлхүү хичээллэдэг байсан. Ер нь урлаг, спортыг хослуулах дуртай. Өөрийгөө олон талаас нь хөгжүүлж сорих дуртай гэх үү дээ.
-2018 онд Орхон аймгийн Бодибилдинг фитнeссийн тэмцээн санаандгүй байдлаар үзээд сонирхож эхэлсэн. Маш их догдолж, шимтэн үзсэнээ одоо ч санаж байна. Надад тамирчин болох нууцхан хүсэл байсан болохоор өөртөө шаардлага тавьж, биeэ болон оюун санаагаа зэрэг удирдах чадварт суралцахын тулд энэ спортыг сонгож хичээллэсэн.
-Фитнeсс надад бүх зүйлд хариуцлагатай хандахыг сургасан. Өглөөнөөс үдэш хүртэл ажиллаж амьдрах бүх цагаа тэнцвэртэй, зөв ашиглах, сахилга баттай, эрч хүчтэй байх ямар чухлыг ойлгосон. Өөдрөг хүмүүсээр өөрийгөө хүрээлүүлэхээр өөрөө ч үргэлж өөдрөг байдаг. Эрдэнэт үйлдвэр маань хамгийн үнэт баялаг нь ажилтан гээд байхад бид эрүүл мэнддээ анхаарч хариуцлагатай байх хэрэгтэй. Гэр бүлийнхээ өмнө ч тэр.
-Гүйлтийн төрөл, урлагаар авсан шагнал, медаль олон бий. Харин фитнессийн хувьд өөрийгөө ялахыг хичээж, түүнийхээ төлөө тууштай зүтгэж яваа маань л амжилт юм даа.
Нар минутад мандаж минутад жаргана.
Үс засуулвал: 
Суудал: 
