Эрдэнэт мэдээ

   

×

Анхааруулга

JUser: :_load: Unable to load user with ID: 927

Өдрөөр ангилагдсан мэдээлэл: 8-р сар 2017
     Монголын хэвлэлийн хүрээлэн ХБНГУ-ын хэвлэл мэдээллийн Дойче Векке академи хамтран эрэн сурвалжлах сэтгүүлзүйн мэргэшүүлэх сургалтын хөтөлбөрийг 4 жил боловсруулан тус сургалтыг зохион байгуулж байна. Cургалтанд эрэн сурвалжлах сэтгүүлзүйгээр мэргэших сонирхолтой сэтгүүлч хэвлэл мэдээллийн байгууллагын ажилтнууд хамрагдаж байна. 2017 оны 8-р сарын 21-нээс 9-р сарын 9 хүртэл үргэлжлэх сургалтанд МҮОНРТВ, Хөвсгөл аймгийн “Хөвсгөл” ТВ, Зүүн хараа, Ховд аймгийн телевизүүдийн төлөөлөл болсон 20 гаруй сэтгүүлч хамрагдаж байна. 21 аймгаас орон нутгийн 5 сэтгүүлчийг эрэн сурвалжлах сэтгүүл зүйн олон улсын сертификат бүхий тэтгэлэгт хөтөлбөрт хамруулсан. Тус тэтгэлэгт хөтөлбөрт Эрдэнэт үйлдвэрийн ХМОНХА-ны сэтгүүлч Э. Мөнх-Уянга шалгарч аймаг орон нутгаа төлөөлөн оролцож байна. Сургалтын багт ХБНГУ, Европын сэтгүүлчдийн холбооны төлөөлөл, ОУ-ын сургагч багш Марк Ли Хантер, Маркус, Линдеманн, Михайэл Халлер, болон хэвлэлийн хүрээлэнгийн багш эрдэмтэд багтаж байна. Сургалтаар эрэн сурвалжилга гэж юу болох, түүхэн хөгжил, арга зүй, хийх аргачлал, нууц эх сурвалжтай ажиллах зэрэг эрэн сурвалжлах сэтгүүл зүйн чухал ойлголтуудыг онол практик хослуулан олгох юм байна. Мөн тус сургалтанд оролцогчид Монголын эрэн сурвалжлах сэтгүүлчдийн анхдугаар чуулганд оролцоно. Энэ үеэр эрэн сурвалжлах бүтээлийн улсын уралдааны дүнг олон нийтэд таницуулах юм. Тус уралдаанд Эрдэнэт үйлдвэрийн ХМОНХА-ны сэтгүүлч Э.Мөнх- Уянга, зураглаач Ц. Алтансүх нар“Монгол төрийн мартагдсан хэвтүүл”  сэдэвт гал сөнөөгчдийн амь амьдралыг харуулсан бүтээлээрээ оролцжээ.
 
 
 
 
          “Эрдэнэт” үйлдвэрийнхэн уурхай орчмынхоо зорчих хэсгийн замын тэмдэг, тэмдэглэгээг сайжруулан, жишиг уулзвар тохижуулжээ. Энэхүү санаачлагыг Үйлдвэрлэлийн хэлтсийн инженер техникийн ажилтнууд гарган уурхайн замын зорчих хэсгүүдийг тодорхой болгох ажлыг Баяжуулах үйлдвэр, Ил уурхайтай хамтран өнгөрсөн пүрэв гарагаас эхлүүлсэн юм. Тэд дэлхийн ижил төстэй шилдэг уурхайн замын жишиг стандартын дагуу эгнээжүүлэн, тэмдэг тэмдэглэгээ хийж тохижуулсан нь тээвэрчдийн талархлыг хүлээж байна. Ингэснээр жолооч нарын аюулгүй байдал бүрэн хангагдаж, машин техникүүд хоорондоо зөрөх зурвас тодорхой болжээ. Эрдэнэт үйлдвэрийн Ил уурхайн бүсэд замын томоохон дөрвөн уулзвар байдаг бөгөөд энэ нь уурхайгаас Баяжуулах үйлдвэрийн том ба жижиг бутлан тээвэрлэх хэсэг рүү нэвтрэх гол замын уулзвар юм. Ойрын хугацаанд үлдсэн уулзваруудыг тохижуулан тэмдэг тэмдэглэгээ хийж, эмх цэгцэнд оруулах аж.   
М.ОДГЭРЭЛ
 
 
          Эрдэнэт үйлдвэрийн Лаборатори судалгааны төвд баяжуулах үйл явцад гол хэрэглэгддэг урвалжийн чанар, бүтцийг нарийвчлан тогтоох хийн хроматограф багаж, төхөөрөмж ашиглаж байна. АНУ-д үйлдвэрлэгдсэн сүүлийн үеийн дэвшилтэт уг багажийг судлаачид хоёр чиглэлээр ашигладаг. Үйлдвэрт нийлүүлэгдэж буй урвалжийн агуулгын чанар, бүтцийг нарийвчлан тогтооход ашиглахаас гадна үйлдвэрлэлд ашиглаж буй усны органик бохирдуулагчийг шинжлэхэд хэрэглэж байна. Усны органик бохирдуулагч нь баяжуулалтын үйл явцад оролцохоор металл авалтыг бууруулах сөрөг нөлөөтэй. Иймээс үйлдвэрлэлд ашиглаж буй усыг нарийн шинжлэх нь чухал юм. Өмнө нь урвалжийн чанарыг хэт ягаан туяаны тусламжтай өнгөний хувирлаар тодорхойлдог байсан нь нарийвчлал багатай төдийгүй агуулгын үзүүлэлтийг гаргаж чаддаггүй байжээ.  Хагас тэрбум төгрөгийн өртөг бүхий энэхүү багаж төхөөрөмж нь нэг дор ургамалын гаралтай буюу органик нэгдлүүдийн 50 орчим дээжийг шинжлэх чадалтай бөгөөд Монголд “Монос” групп, “Спирт бал бурам” компани бүтээгдэхүүнийхээ чанарыг тодорхойлоход ашигладаг байна.   
М.ОДГЭРЭЛ
 
 
 
 
            “Эрдэнэт” үйлдвэрийн Ган бөмбөлгийн цехийн үйлдвэрлэлд технологийн саатал үүссэний улмаас нүүрс хийжүүлэх зуухны доод металл эд ангид халалт өгч тогоо хазайжээ. Ингэснээр аюул, эрсдэлгүй ажиллах үндсэн шаардлага алдагдсан тул үйлдвэрлэлийн үйл ажиллагааг түр зогсоож зуухыг яаралтай засварлав. Төслийн менежментийн хэлтсийн мэргэжилтнүүд зуухны эд ангийн хэмжээ, загварыг газар дээр нь авч, өндөр нарийвчлалтай зураг гаргасны үндсэн дээр Засвар механикийн заводынхон металл хийцийг шуурхай үйлдвэрлэж Засвар угсралтын цехийн ажиллагсад засварыг өндөр түвшинд гардан гүйцэтгэжээ. Ийнхүү цехүүдийн уялдаа холбоо, ажиллагсадын ур чадвар сайн байснаар Ган бөмбөлгийн үйлдвэрлэл өнөөдрөөс хэвийн горимондоо орлоо. Тус цех шөнө дундаас эхлэн 100 мм-ийн голчтой ган бөмбөлөг цувиж байна. Энэ хугацаанд Баяжуулах үйлдвэрийн шаарны нөөц хангалттай байсан учир хэрэглэгч талд хүндрэл үүссэнгүй. 
 
 
 
 
 
 
          Төмөр замын ажилчдын баярын хурал өнөөдөр “Эрдэнэт” үйлдвэрийн Тээвэр ложистикийн албаны хурлын танхимд боллоо. Энэ үеэр тус албанд олон жил идэвх зүтгэл үр бүтээлтэй ажилласан ачаа вагон хүлээлцэгч П.Жаргалсайхан, илчит тэрэгний машинч Д.Мягмар нар Зам тээврийн яамны “Хүндэт  төмөр замчин” цол тэмдгээр энгэрээ мялаав. Тооцооны хэсгийн эрхлэгч Б.Ичинхорлоо, илчит тэрэгний машинч Д.Ганболд нар “Тэргүүний  төмөр замчин”, илчит тэрэгний машинч И.Гадийхүү, О.Энхбаяр, туслах машинч Д.Эрдэнэбагана, Д.Бат-Эрдэнэ, илчит тэрэгний найруулагч Б.Энхтайван, краны машинч Г.Ядамсүрэн, замчин Д.Ганзориг нар “Онц хөдөлгөөнчин”, албаны дарга С.Мөнхтэгш, сантехникийн слесарь Д.Эрдэнэбат, пүүлэгч С.Өлзийням нар “Хөгжлийн төлөө” цол тэмдэг хүртэв. Мөн ажилтан  Ш.Буяндэлгэрийг  “Эрдэнэт” үйлдвэрийн Үйлдвэрчний эвлэлийн холбооны “Тэргүүний уурхайчин” цол тэмдгээр, С.Амаржаргал, Д.Мягмарлхагва нарыг  Уурхайчны алдар медалиар шагнав. Шагналыг  “Эрдэнэт” үйлдвэрийн Тээвэр ложистикийн албаны  болон Улаанбаатар Төмөр замын Эрдэнэт өртөөний   удирдлагууд гардууллаа. 
 
 
 
 
 
 
          Эрдэнэт үйлдвэрийн Геологи хайгуулын ангийн хамт олон оны эхнээс үйлдвэрлэлийн төлөвлөгөөт үзүүлэлтүүдийг давуулан биелүүлсэн амжилттай ажиллаж байна. Эхний хагас жилийн байдлаар 103 хувиар төлөвлөгөөт ажлаа гүйцэтгэжээ. Тус хамт олон геофизикийн ажил, өрөмдлөг, геологийн боловсруулалт гэсэн гурван үндсэн шат дамжлагаар ажилладаг. Геофизикийн үр дүнгээр өрөмдлөгийн ажлыг гүйцэтгэж, өрөмдлөгөөс гарсан дээжийг геологийн боловсруулалт хийсний дагуу уулын ашиглалтын ажил болон бусад ажлуудыг гүйцэтгэдэг. Геологи хайгуулын ангийн хамт олон 2017 онд хайгуулын өрөмдлөгөөс гадна хаягдлын аж ахуйн өрөмдлөг,  үйлдвэрийн цехүүдийн захиалгаар гээд нийтдээ 42 мянган тууш метр өрөмдлөг хийх төлөвлөгөөтэй.
        Өнөөдрийн байдлаар 50 хувийн өрөмдлөг хийсэн бол хайгуулын ажлын 60 хувийг хийж гүйцэтгэжээ.   8-р сар гарсаар тус ангиас 5 өрмийн машин ил уурхайд ажиллаж байна. Эдгээрийн нэг нь ашиглалтын хайгуулын ажлыг, бусад нь хайгуулын ажлын дөрвөн төсөл дээр ажиллаж, Ил уурхайн гүний, ордын, зах хязгаарын тогтоц, төвийн хэсгийн хүдрийн нарийвчилсан үнэлгээг өгөх ажлыг гүйцэтгэж байна. Мөн Баяжуулах үйлдвэрийн Хаягдлын аж ахуйн далангийн уулын цул бэлтгэх ажилд тэсэлгээний болон далан дээр байгаа усны түвшинг хэмжих өрөмдлөгийн ажлуудыг тус тус гүйцэтгэж байна.  
А.Бямбамаа
 
 
 
 
 
Лхагва, 02 8-р сар 2017 00:00

Аюулгүй ажиллагчид шалгарлаа

               “Эрдэнэт” үйлдвэрийн цех, нэгжийн ХАБЭА-н талаар энэ оны хоёрдугаар улиралд хэрэгжүүлсэн үйл ажиллагааг компанийн Ерөнхий захирлын Үйлдвэрлэл эрхэлсэн орлогч болон ерөнхий мэргэжилтнүүд, ХАБЭА-н зөвлөлийн гишүүд дүгнэлээ. Нэгдүгээр хэсгийг Ил уурхайн хамт олон манлайлж 5 сая төгрөгийн шагналын эзэд болсон бол хоёрдугаар хэсгээс Дулаан цахилгааны төв түрүүлж 2 сая, гуравдугаар хэсэгт Ган бөмбөлгийн цех шалгарч 1 сая, дөрөвдүгээр хэсгийг Сэлэнгэ амралтын бааз хошуучилж 500 мянган төгрөгийн шагнал тус тус хүртэв. 
          Цех, нэгжээс гарсан саналыг хэлэлцэн “Аюулгүй ажиллагч”–ийн жагсаалтанд анхны удаа бичигдэх 21 ажилтныг шалгаруулан “Эрдэнэтийн овоо” ордын баялгийн дээж зэс бугуйвч, дуулганы наалт, ажлын хувцас, гэрчилгээ олгосон бол жагсаалтанд гурав дахь удаа бичигдэж буй 14 ажилтан тус бүрийг 100 мянган төгрөгөөр урамшуулав. Харин “Аюулгүй ажиллагч”-ийн жагсаалтад хоёр дахиа удаа бичигдсэн 14 ажилтан компанийн удирдлагатай зоог барьж “Зөв ажиллацгаая” сэдвээр ярилцлага өрнүүлэхээр уригдсан байна. 
 
 
 
 
 
 
 
Лхагва, 02 8-р сар 2017 00:00

Цехүүд дээврээ засварлана

        Ойрын өдрүүдэд үргэлжилсэн усархаг бороо орох төлөвтэй байгаа тул “Эрдэнэт” үйлдвэрийн ХАБЭАБОХ хэлтсийнхэн бүтцийн нэгжүүдийн барилга байгууламжийн дээврийн бүрэн бүтэн байдалд зорилтот шалгалт хийжээ. Уг шалгалтаар Баяжуулах үйлдвэр, Ил уурхай, Авто тээврийн байгууллага, Тээвэр ложистикийн алба, Эрчим зүйн цехэд зөрчил дутагдлууд илэрчээ. Тухайлбал белазын засварын хэсгийн болон төв агуулахын дээврийн зааг хэсгээр борооны ус тогтож нэвтэрсэн, Баяжуулах үйлдвэрийн НБХ-ийн дээврийн ус зайлуулах хоолойнуудын таг шаардлагад нийцэхгүйн улмаас бөглөрч дээвэр дээр ус тогтох нөхцөлийг бүрдүүлсэн, Эрчим хүчний цехийн ацетилений станцийн хэсгийн цахилгаан хуваарилах автоматикийн өрөөний дээсрээс ус ихээр урсаж хүчний шүүгээ рүү орох аюултай байгаа зэрэг эрсдэлийг наймдугаар сарын тавны дотор арилгах үүргийг холбогдох цехүүдэд өглөө.      
 
 
     
 
 
 
      Жил бүрийн өдийд “Эрдэнэт” үйлдвэрийн цех, хэлтэс, нэгжүүд оны эхний хагас жилийн аж ахуй, санхүүгийн үйл ажиллагааны тайлангаа компанийн удирдлагуудад тавьж хамгаалдаг уламжлалтай. Энэ удаагийн хурлаар удирдах шатны ажилтнууд цех, нэгжийн санхүүгийн үйл ажиллагаанд үнэлэлт дүгнэлт өгөхөөс илүү Хамтын гүйцэтгэлийн үр дүнгийн үнэлгээг гол шалгуур үзүүлэлт болгосон нь онцлог байв. Өнөөдөр Ил уурхай, Авто тээврийн байгууллага, Баяжуулах үйлдвэрийнхэн тайлангаа тавихад үйлдвэрлэлийн үндсэн үзүүлэлтүүд давж биелсэн амжилттай байна. Харин үйлдвэрлэлд нэн хэрэгцээтэй хэмээн захиалсан материал техник, тоног төхөөрөмж цагтаа нийлүүлэгдээгүйгээс цех бүрт зардал хэмнэлт гарсан ч үйл ажиллагаанд доголдол үүсч буйг энэ үеэр цехийн удирдлагууд учирласан. Ил уурхай, Авто тээврийн байгууллага оны эхний хагас жилийн санхүүгийн болон үйлдвэрлэлийн үйл ажиллагааны тайлангаа     “хангалттай”, Баяжуулах үйлдвэрийнхэн “онц” дүгнүүлэв. 
        Баяжуулагчид энэ хугацаанд хүдэр боловсруулалтын төлөвлөгөөг 269 мянган тонноор давуулан биелүүлж, 3299 тонн зэсийг зэсийн баяжмалд, 568 тонн молибденийг молибденийн баяжмалд илүү үйлдвэрлэжээ. Харин зэсийн металл авалтын төлөвлөгөөг 2,67 хувиар өсгөсөн нь түүхэндээ байгаагүй дээд амжилт гэдгийг мэргэжилтнүүд онцолсон юм. 
 
 
 
 
Page 2 of 2

 

Эрдэнэт үйлдвэр ХХК-ийн

Олон нийттэй харилцах албаны цахим хуудас

           

 

 

Зургийн цомог