Монголын машин үйлдвэрлэлийн төв болон хөгжих зорилго тэмүүлэлтэй Засвар, механикийн заводын хамт олон энэ онд цутгамал бүтээгдэхүүн 4450 тонн, механик боловсруулалттай бүтээгдэхүүн 2180 тонн, металл хийц ба стандартын бус тоног төхөөрөмж 704 тонн, резинэн бүтээгдэхүүн 140 тонныг үйлдвэрлэх төлөвлөгөөтэй ажиллаж байна. Оны эхний хоёр сарын байдлаар цутгамал бүтээгдэхүүн 760 орчим тонныг үйлдвэрлэн төлөвлөгөөгөө 102 хувиар, механик боловсруулалттай бүтээгдэхүүн 465 тонныг үйлдвэрлэсэн нь төлөвлөснөөс 130 хувиар давжээ. Мөн металл хийц ба стандартын бус тоног төхөөрөмж 120,5 тонн, резинэн бүтээгдэхүүн 26 тонныг үйлдвэрлэн, төлөвлөгөөгөө 100 давсан хувиар биелүүлсэн амжилттай ажиллаж байна.
Тус цехэд тоног төхөөрөмжийн шинэчлэлийн ажлууд үе шаттай хийгдэж байгаагийн нэгэн жишээ Механик цехэд орчин үеийн тоон удирдлагатай тойруулан зорох суурь машин шинээр ашиглалтад оржээ. Ингэснээр бүтээгдэхүүний чанар сайжирч, хөдөлмөр хөнгөвчлөгдөн бүтээмж дээшилсэн байна. Өнгөрсөн жилээс эхэлсэн токарийн дунд, жижиг оврын машинуудыг тоон удирдлагад шилжүүлэх ажил амжилттай хэрэгжиж байгааг тус заводын Ерөнхий инженер А.Арвис онцоллоо.
Засвар, механикийн завод үйлдвэрлэлийн төлөвлөгөөгөө давуулжээ
Б.Баттөгс
Зурагчин
Энэ мэдээ танд ямар санагдав?
0
0
0
0
0