“Монгол цэргийн өдөр”-ийг тохиолдуулан Эрдэнэт үйлдвэрийн Хэвлэл мэдээлэл, олон нийттэй харилцах алба, Гэрээт Дотоодын цэргийн 816 дугаар анги хамтран тус албаны эрчүүдийн дунд “Эх орны хүү” хөтөлбөр хэрэгжүүлж, буудлагын тэмцээн зохион байгууллаа. Цэргийн хээрийн сургуулилтын талбайд болсон энэхүү тэмцээнд Хэвлэл мэдээлэл, олон нийттэй харилцах албаны редактор, сэтгүүлч, зурагчин, зураглаач, техникчээс бүрдсэн 10 уран бүтээлч оролцож, цэргийн бэлтгэл хийхээс гадна дэг журам, тэсвэр хатуужлыг харуулж, цэц сорин өрсөлдсөн юм. Эх орон дуудах цагт эгнэгт бэлэн байх эрчүүд галт зэвсэгтэй харилцах болон аюулгүй ажиллагаатай танилцсаны дараа гранат шидэлт, бууны задаргаа, гар буу, АКМ буугаар бай онох тэмцээн явагдсан бөгөөд нийлбэр дүнгээр Мэдээллийн редакцын сэтгүүлч Т.Батчулуун тэргүүн байр эзэлж, гэрэл зургийн сурвалжлагч Б.Баттөгс удааллаа.
Уран бүтээлчид буудлагын тэмцээнд оролцлоо
Ш.Лхамсүрэн
Зурагчин
Энэ мэдээ танд ямар санагдав?
0
0
0
0
0