Цанын баазын дэргэдэх Баяжуулах фабрикийн ажиллагчдын чийрэгжүүлэлтийн ордон гурван жилийн хугацаанд 1,2 тэрбум төгрөгийн хөрөнгөөр баригдсан. Гэтэл ашиглалтын хуульд заасан баталгаат хугацаа дуусаагүй байхад буюу өнгөрсөн оны зургаадугаар сарын 2-нд засварын ажлыг эхлүүлж саяхан дуусчээ. Учир нь ажиллагчдын чийрэгжүүлэх ордны зориулалтыг өөрчилж биеийн тамир, спортын заал хэлбэрээр ашиглахын тулд таазыг өндөрсгөх, агааржуулалтын асуудлыг шийдэх зэрэг барилгын нэмэлт засвар үйлчилгээ хийсэн. Уг ажлыг “Их хөгжил” компани гүйцэтгэж байна. Харин энэ үйл явцыг Хууль, эрх зүйн газрынхан гэрээний үүрэг зөрчсөн хэмээн үзэж Их барилгын хэлтэс дүгнэлт гаргаж, Баяжуулах фабрик зохих тайлбар ирүүлэхийг хүсчээ.
Чийрэгжүүлэлтийн ордон спорт заал хэлбэрээр ашиглагдана
Энэ мэдээ танд ямар санагдав?
0
0
0
0
0