Эрдэнэт үйлдвэрийн Дулааны цахилгаан станцын аварга шалгаруулах даамын болон футзалын тэмцээн өнгөрсөн амралтын өдрүүдэд боллоо. Тэмцээнд 100 гаруй тамирчин хурд хүч, авхаалж самбаа, оюун ухаанаа сорин өрсөлдсөн юм. Даамын эрэгтэйчүүдийн төрөлд нэгдүгээр байрт Ш.Эрдэнэбат ахлагчтай Засвар, механикийн хэсэг шалгарч, дэд байрыг М.Ганбаяр ахлагчтай Турбины хэсэг, гутгаар байрыг Б.Отгонбат ахлагчтай Захиргааны хэсэг тус тус эзэлсэн байна. Харин эмэгтэйчүүдийн төрөлд Д.Норсмаа ахлагчтай Дулааны шугам сүлжээний хэсэг тэргүүлж, С.Энхзул ахлагчтай Үйлдвэр техникийн товчоо, Б.Оюун-Эрдэнэ ахлагчтай Зуухны хэсэг удаалжээ.
Футзалын тэмцээн зургаан багийн тамирчдын дунд эн тэнцүү, хүчтэй өрсөлдөөнтэй явагдаж нэгдүгээр байрт Ч.Бат-Эрдэнэ ахлагчтай Турбины хэсэг, хоёрдугаар байрт Б.Ганзориг ахлагчтай Түлш дамжуулах хэсэг, гуравдугаар байрт Б.Энхтөр ахлагчтай Засвар механикийн хэсэг тус тус шалгарав.
Тэмцээний “Шилдэг тоглогч”-оор Турбины хэсгийн тамирчин Ч.Бат-Эрдэнэ, “Мэргэн бууч”-аар Түлш дамжуулах хэсгийн тамирчин Б.Ганзориг, “Шилдэг хаалгач”-аар Турбины хэсгийн тамирчин Н.Сумьяабазар нар тодорч, хөгжөөн дэмжигчдийн дунд гурван тэмцээн зохион байгуулагдлаа.
Дулааны цахилгаан станцын даам болон футзалын аваргууд тодорлоо
-
М.Одгэрэл
- Мэдээ мэдээлэл
- 07/04/2025
- 4847
- 0
Энэ мэдээ танд ямар санагдав?
0
0
0
0
0
М.Одгэрэл
None
Сэтгэгдэл үлдээх
Нар минутад мандаж минутад жаргана.
Үс засуулвал: 
Суудал: Өнөөгийн Эрдэнэт Сонин
Ярилцлага
