Б.БАЙГАЛЬМАА: Хоол үйлдвэрлэлийн салбарынхан “ГОК-ын брэнд бүтээгдэхүүн”-ийг андахгүй

     Монголын тогоочдын холбооноос жил бүр зохион байгуулдаг Төвийн болон Хангайн бүсийн аймгуудын тогооч, зөөгчдийн ур чадварын “Хүсэхүй цом-2023” уралдаан энэ жил Хөвсгөл аймгийн Мөрөн суманд болж, оны шилдгүүдээ тодрууллаа. Энэ тэмцээнд манай аймгийн 21 тогооч, зөөгч 12 төрлөөр оролцож, нийт 32 медаль хүртэн, аймгуудын нэгдсэн дүнгээр Орхон аймаг тэргүүн байр эзэлсэн байна. Бид Эрдэнэт үйлдвэрийн багийг ахалсан “Сэлэнгэ” амралтын баазын Хоол үйлдвэрлэлийн хэсгийн эрхлэгч, Монгол Улсын мастер тогооч, Олон улсын шүүгч Б.Байгальмаатай уулзаж, тэмцээний сонин сайхнаас ярилцлаа. 

-Та бүхэнд баяр хүргэе. СААЖЦ-ын баг энэ уралдаанд ямар бүрэлдэхүүнтэй оролцов?

-Баярлалаа. Манай СААЖЦ-ын баг “Сэлэнгэ” амралтын баазын хоол үйлдвэрлэлийн хэсэг, Нийтийн хоолны хэсгийн “Москва-Петушки” рестораны тогооч нар цөөхөн хүний бүрэлдэхүүнтэй яваад ирлээ. Уламжлалт энэ уулзалт-тэмцээн тогооч, хоол үйлдвэрлэгч бидэнд их өгөөжтэй, ач холбогдолтой байдаг. Газар газрын шилдэг тогооч, зөөгч нар цугларч, туршлагаа солилцож, ур чадвар, мэдлэг мэдээллээ хуваалцдаг юм.     

-Тэмцээн ямар төрлөөр явагдаж, та бүхэн хэрхэн оролцсон бэ? 

-Бид цэцэрлэг болон сургуулийн хүүхдийн хоол, эмнэлзүйн хоол, нарийн боов, ресторан-зоогийн газар, нийтийн хоол, “капитан”-ууд буюу ахмад тогоочдын, “Гран-При” шалгаруулалтад өрсөлдлөө. Манай цогцолборын тогооч Ж.Энхнадмид, П.Сарангэрэл, З.Мягмарсүрэн гурав “капитан” буюу ахмад тогооч нарын багийн төрөлд Алтан медаль хүртэж, “Алтан цом”-ын эзэд болцгоолоо. Зөөгчдийн төрөлд “Сэлэнгэ” амралтын баазын зөөгч Б.Мөнхцацрал маань Тэргүүн байр эзэлж, Алтан медаль гардсан. Нарийн боовны төрөлд Нийтийн хоолны хэсгийн Москва-Петушки рестораны тогооч Т.Солонго Мөнгөн медаль, Н.Болорчимэг Хүрэл медалийн эзэд болсон сайхан амжилт гаргалаа. Мөн гэрийн даалгаварт өгөгдсөн “Орон нутгийн брэнд хоол”-ны үзэсгэлэн гаргах өрсөлдөөнд бид Тэргүүн байр эзэлж ээлжит Алтан медалиа гардлаа. 

-Та бүхний бэлтгэсэн брэнд бүтээгдэхүүний онцлог юу байв?

-Гэрийн даалгаварт орон нутгийн брэнд хоолоор үзэсгэлэн гаргаж өрсөлддөг. Жил бүрийн тэмцээний үеэр манай брэнд бүтээгдэхүүн оролцогч, шүүгчдийн анхаарлыг ихээхэн татдаг. Энэ ч утгаараа манайхаас дэлгэн үзүүлэх бүтээгдэхүүнийг сонирхон хүлээдэг болсон байх. Бид цагаан идээгээр хийсэн амттаны цуглуулга, шарж амталсан үхрийн болон хонины өвчүү, нарийн боов зэрэг бүтээгдэхүүний дээжээсээ дэлгэсэн. Ер нь “ГОК-ын брэнд бүтээгдэхүүн” гэж хоол үйлдвэрлэлийн салбарынхан мэддэг л дээ. Өнгөрсөн жил Улаанбаатар хотод болсон Олон улсын тогоочдын тэмцээнд багаараа амжилттай оролцсон. Манай брэнд бүтээгдэхүүн болох бүтэн үхрийн шарсан мах, бүтэн хонины битүү шарсан мах, бусад амттаныг гадаад, дотоодын зочид, оролцогчид ихэд таашаасан. 

-Төвийн болон Хангайн бүсийн аймгуудын гэж тодотгосон. Бусад бүсэд энэ тэмцээн болж байгаа юу? 

-Говийн болон баруун аймгуудын бүсийн тэмцээн удахгүй Баянхонгор аймагт болно. Өнгөрсөн гуравдугаар сарын сүүлчээр Сүхбаатар аймагт болсон Талын бүс буюу зүүн аймгуудын “Боорчийн цом” хэмээх тэмцээнд манай СААЖЦ-ын дарга, Аж үйлдвэрийн гавьяат ажилтан И.Жаргалсайхан бид хоёр шүүгчээр оролцсон.

-Та, манай улсад тийм ч олон байдаггүй Олон улсын шүүгч зэрэглэлтэй, Мастер тогооч. Олон улсын шүүгчийн болзлыг хэрхэн биелүүлдэг вэ?

-Энэ зэрэглэлийг Дэлхийн тогооч нарын холбооноос олгодог юм. Үүнийг авахын тулд олон улсын уралдаан тэмцээнүүдэд тодорхой амжилт гаргасан байх, сургалтад хамрагдан, шалгалт өгч Солонгос улсад төвтэй Азийн тогооч нарын холбооноос тодорхойлсноор “А” болон “В” зэрэглэлтэй Олон улсын шүүгчийн эрх авдаг. 

-Танай хэсгийн цаашдын зорилт юу вэ?

-Амрагч, үйлчлүүлэгчдээ шимт чанартай, шинэлэг сайхан хоолоор үйлчлэх нь бидний зорилт. Иймийн тулд өөрсдийгөө байнга хөгжүүлж, суралцах хэрэгтэй болдог. Улс, бүсийн төдийгүй Олон улсын уралдаан тэмцээнд тогтмол оролцож, олон орны шилдэг тогооч нартай өрсөлдөж, тэднээс суралцан, ур чадвар мэдлэг мэргэжлээ зогсолтгүй дээшлүүлж байх хэрэгтэй юм л даа. Ирэх 9-р сард Нийслэлд Тогооч нарын олон улсын тэмцээн болно. Энэ тэмцээнд СААЖЦ-оосоо баг бүрдүүлэн оролцохоор бэлтгэж байна. 

-Баярлалаа. Та бүхэнд улам их амжилт хүсье.

-Баярлалаа. Ерөөл оршиг ээ.
 

Энэ мэдээ танд ямар санагдав?
Хайр татам байна
0
Таалагдаж байна
1
Гайхалтай байна
0
Гунигтай байна
0
Уур минь хүрч байна
0

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

ӨНӨӨДРИЙН ЗУРХАЙ

wave
Билгийн тооллын 17
2023-06-06 | мягмар гараг
Нар 04:55 минутад мандаж 20:47 минутад жаргана.

Зуны тэргүүн улаагчин могой сарын гурван хөх хөхөгчин хонь өдөр

Үс засуулвал: Өнгө зүс доройтно
Суудал: Хий

Аргын тооллын 6 сарын 6, Ангараг гараг. Билгийн тооллын 17, одтой, хөхөгчин хонь өдөр. Өдрийн наран 4 цаг 55 минутад мандан, 20 цаг 47 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Буудай боловсрох цаг (6ц 44м) болно. Үс шинээр үргээлгэх буюу засуулахад тохиромжгүй.

Ярилцлага

wave
Б.БААСАНСҮРЭН: Бид энэ жил 400 гаруй сая төгрөгийн импорт орлох бүтээгдэхүүн үйлдвэрлэнэ
Л.АВЬЯАНДҮР: Хийж бүтээснээсээ урам зориг, урагшлах хүч авдаг
Х.БАТБАЯР: Театрын зураач урлагийн бүх төрлийг тайзан дээр амилуулдаг онцлогтой
Д.БАЙГАЛ: Эрдэнэт үйлдвэр ахмадын талаар баримтлах ойрын таван жилийн бодлогоо тодорхойлно
Б.БАЙГАЛЬМАА: Хоол үйлдвэрлэлийн салбарынхан “ГОК-ын брэнд бүтээгдэхүүн”-ийг андахгүй
О.ОТГОНБАЯР: Үндэсний зөвлөгөөнд Эрдэнэт үйлдвэрээс 100 гаруй төлөөлөгч оролцоно
Б.МАЖИНБУУ: Үнэт зүйлсээ хойч үедээ өв болгон үлдээхийн тулд Маркны музей байгуулахыг зорьж байна
Т.ТҮМЭН-ӨЛЗИЙ: Техник, зохион байгуулалтын арга хэмжээ авч хэрэгжүүлснээр уулын ажлын төлөвлөгөөг биелүүллээ
Д.Идэрбаяр: Нэгнийхээ гаргасан санааг багаараа дэмжин хэрэгжүүлэх нь илүү дэвшилттэй, хурдтай, сонирхолтой
Я.АРИУНЗУЛ: Хөрсний төв нь экологийн болон эдийн засгийн хувьд ач холбогдолтой

Хайлт хийх ...

ESC дарж буцах боломжтой.

Цаг агаар
Эрдэнэт хот
Өнөөдөр
2023-06-06
22°C
Бага зэргийн бороо
Салхи: 7м/сек
10°C
Үүл багаснa
Салхи: 5м/сек
2023-06-07
21°C
Үүл багаснa
Салхи: 6м/сек
9°C
Бага зэргийн бороо
Салхи: 5м/сек
2023-06-08
23°C
Багавтар үүлтэй
Салхи: 6м/сек
9°C
Үүл багаснa
Салхи: 5м/сек
2023-06-09
26°C
Багавтар үүлтэй
Салхи: 7м/сек
9°C
Багавтар үүлтэй
Салхи: 5м/сек
2023-06-10
24°C
Үүлшинэ
Салхи: 7м/сек
13°C
Үүлшинэ
Салхи: 5м/сек
Валютын ханш
Монголбанк
Валют Ханш
USD 3446.96 0.0000 %
EUR 3684.11 -0.0070 %
GBP 4272.85 -0.0105 %
RUB 42.35 -0.0064 %
CNY 484.24 -0.0060 %
KRW 2.64 +0.0152 %
CAD 2566.33 -0.0008 %
NZD 2085.07 -0.0072 %
AUD 2272.75 -0.0027 %
JPY 24.54 -0.0098 %
HKD 439.81 -0.0004 %
SGD 2548.68 -0.0049 %
CHF 3783.29 -0.0070 %
SEK 317.25 -0.0087 %
TRY 162.89 -0.0135 %
THB 98.8 -0.0077 %