“Өглөөний сэргээш” булан шинэ зочинтой эргэн ирж байна. Энэ удаагийн зочноор “Эрдэнэт үйлдвэр” ТӨҮГ-ын ҮЭ-ийн холбооны дарга Ж.Мөнгөншагайг урилаа.
Төгссөн сургууль: 1996-2006 онд Ерөнхий боловсролын “Эрдэнэт” цогцолбор дунд сургууль, 2006-2012 онд Эрдэнэт үйлдвэрийн дэргэдэх, Ш.Отгонбилэгийн нэрэмжит Технологийн сургууль төгссөн.
Мэргэжил: Цахилгаан систем автоматжуулалтын инженер
Ажилласан туршлага: Миний ажлын гараа авто угаалгын газраас 2005 онд угаагчаар эхэлж байлаа. Дараа нь компьютер тоглоомын газар, дуу бичлэгийн студи ажиллуулж үзсэн. Тэгээд 2013 онд Эрдэнэт үйлдвэрт хамтын гэрээний дагуу аавынхаа ажлыг залгамжлан авч, орж байлаа. 2022 оны 4 сараас Ил уурхайн ҮЭ-ийн хорооны даргаар ажиллаж байгаад 2023 оны 2 дугаар сарын 09-ний өдөр Эрдэнэт үйлдвэрийн ҮЭ-ийн холбооны даргаар сонгогдон ажиллаж байна.
Мэргэжил дээшлүүлсэн байдал: ҮЭХ-ны “Залуу манлайлал” хөтөлбөр, Мастер бэлтгэх хөтөлбөр, Залуу ажилтныг дэмжих хөтөлбөр зэрэгт хамрагдсан.
Чин хүсэл: Эрүүл энх, элэг бүтэн байх
Таны амьдралын сэргээш: Гэр бүлээсээ эрч хүч авдаг. Өглөө хүүхдүүдээ, эхнэрээ үнсээд ажилдаа гарах хамгийн сайхан сэргээш болдог доо.
Өөртөө хэвшүүлсэн эерэг дадал: Архи уудаггүй, тамхи татдаггүй. Гадуур орой үдэш тэр бүр яваад байдаггүй, мэдээж залуу хүний хувьд хааяа найз нөхөдтэйгөө уулзаж, хуучлах тохиолдол байдаг л даа. Мөн худал ярихгүй, үнэн байх дадлыг эрхэмлэж явдаг.
Өглөөг эхлүүлдэг хэвшил: Сэрээд, эхнэрээ үнсэнэ. Тэгээд хужиртай ус ууж өглөөг эхлүүлдэг.
Таны ажлын бүтээмжийг дээшлүүлдэг гол зүйл: Оновчтой, хурдтай ажиллах
Хийж буй ажлын тань онцлог: Хөдөлмөрийн хүний төлөө сэтгэл зүтгэлээ зориулж байгаа минь энэ ажлын онцлог
Ойрын өдрүүдэд амжуулахаар төлөвлөж байгаа ажил: Үйлдвэрийн захиргаа, ҮЭ-ийн холбоо хамтран хэрэгжүүлдэг “Хамтын гэрээ”-нд нэмэлт өөрчлөлт оруулах санал танилцуулах ажил ойрын хугацаанд хийгдэнэ. Тодруулж хэлбэл, цалин хөлстэй холбоотой хоёр заалт, удам залгамжилсан уурхайчин болон мэргэжлээс шалтгаалах өвчний улмаас хувь тогтоолгох, нийгмийн цехүүдийн ажилтнуудыг халуун хоолоор хангах, хамтын гэрээний хэрэгжилтийн хугацааг өөрчлөх гэсэн долоон заалт дээр нэмэлт, өөрчлөлт оруулахаар санал бэлдэж байна. Мөн ҮЭ-ийн холбооны үйл ажиллагааг шинэчлэх ажлууд эхэлнэ.
Эрдэнэт үйлдвэр таны харах өнцөг, үзэл бодол, итгэл үнэмшилд хэрхэн нөлөөлж байна вэ: Хүний төлөө сэтгэл зүтгэлээ зориулах эрч хүч, боломж өгсөн гэж боддог.
Залуучуудад өгөх таны зөвлөгөө: Муу зуршлаас хол байж, өөрийгөө хөгжүүлэхэд цаг зав гаргаарай.
Таны таван хүсэл: Аав ээжийгээ энх тунх байлгаж, ачийг нь хариулах юмсан. Гэр бүл, ханийнхаа хүсэл мөрөөдлийг дэмжиж, туслахыг хичээдэг. Ирээдүйд илүү ихийг сурч мэдэх хүсэл зорилготой. Эрдэнэт үйлдвэрийн уурхайчдын ахуй амьдрал, ажлын нөхцөл өөр, сайн түвшинд гараасай гэж хүсэж явдаг. Хүн бүхэн эрүүл энх байж, улс орон минь хөгжиж дэвжээсэй.
Нар 06:53 минутад мандаж 18:29 минутад жаргана.
Үс засуулвал: Сайн нөхөртэй нөхөрлөнө
Суудал: Мод
