• Сарын эхний 10 хоногт төлөвлөснөөс 17 мянган тонн хүдэр илүү боловсрууллаа

         Эрдэнэт үйлдвэрийн үйлдвэрлэлийн төлөвлөгөөний 8 дугаар сарын эхний 10 хоногийн үзүүлэлтийг Үйлдвэрлэлийн хэлтсээс мэдээллээ. Энэ сарын эхний 10 хоногийн байдлаар Эрдэнэтийн уурхайчид уулын цул гаргалтыг  төлөвлөснөөс 26 мянган метр кубээр илүү гүйцэтгэж, 103.8 хувиар давуулан биелүүлсэн байна. Хүдэр олборлолтын төлөвлөгөөг 122.4 хувиар биелүүлэв. Өөрөөр хэлбэл, төлөвлөснөөс 176.6 мянган тонн хүдэр илүү олборлож, нийт 966.2 мянган тоннын гүйцэтгэлтэй ажиллажээ.       Харин баяжуулагчид 757.4 мянган тонн хүдэр боловсруулж, төлөвлөгөөг 102.4 хувиар биелүүлсэн байна. Энэ хугацаанд хүдэр дэх зэсийн агуулга 0.474 хувь буюу төлөвлөгөө 102.6 хувиар, молибдений агуулга 0.01830 хувь буюу 134.3 хувиар тус тус биелсэн дүн гарчээ. Зэсийн металл авалтын төлөвлөгөө 100.1 хувиар, молибдений металл авалтын төлөвлөгөө 103.8 хувиар биелсэн бол баяжмал дахь зэс, молибдений металл авалт 105.2-142.7 хувь хүрч биелсэн үзүүлэлттэй байна. Сарын эхний 10 хоногт хуурай жингээр 15298 тонн зэсийн баяжмал, 274 тонн молибдений баяжмал ачуулав. Ачигдсан зэсийн баяжмалын чанарын төлөвлөгөө  102.5 хувиар, молибдений баяжмалын чанар 104 хувиар давж биеллээ. М.Балжинням Дэлгэрэнгүй...
  • О.ОТГОНБАЯР: Эрдэнэт үйлдвэр, цар тахлын тархалтын улмаас үүсэж болзошгүй хүндрэлийг урьдчилан тооцож, ажилласан нь үр дүнгээ өгч байна

    “Эрдэнэт үйлдвэр” ТӨҮГ-ын Ерөнхий захирлын 2020 оны 3 дугаар сарын 20-ны өдрийн А/139 тоот тушаалаар тус үйлдвэрийн хэмжээнд шинэ коронавирусын тархалттай холбоотойгоор үүсээд буй хүндрэлийг даван туулж, сөрөг үр дагавраас урьдчилан сэргийлэх Төв штаб байгуулагдан ажиллаж байна. Төв штабын даргаар Ерөнхий захирал Х.Бадамсүрэн, нарийн бичгийн даргаар Захиргаа, хүний нөөцийн бодлогын газрын дарга О.Отгонбаяр ажилладаг. Өнгөрсөн хугацаанд Төв штабын хийж хэрэгжүүлсэн ажлын талаар нарийн бичгийн дарга О.Отгонбаяртай ярилцлаа. -Эрдэнэт үйлдвэр хүндрэлийн үед хэрхэн ажиллах, ямар арга хэмжээ авч хэрэгжүүлэх зэрэг бодлого хөтөлбөрийг зангидаж, чиглүүлэх үүрэг бүхий Төв штабын хагас жилийн ажлын тайлан гарсан байна. Энэ хугацаанд шийдэгдсэн асуудал, хэрэгжүүлсэн томоохон ажлуудын талаар мэдээлэл өгнө үү? Өөрөөр хэлбэл, Төв штаб хэрхэн ажиллав?      -Бид Төв штабаас авч хэрэгжүүлэх нэгдсэн хөтөлбөрийг боловсруулан, 3 дугаар сарын 27-ны өдрөөс хэрэгжүүлж эхэлсэн. Нэгдсэн хөтөлбөр дотроо “Хүндрэлийг даван туулах арга хэмжээний нэгдсэн төлөвлөгөө”, “Үнийн хэлбэлзлийг  тооцсон үйлдвэрлэл, эдийн засгийн арга хэмжээний төлөвлөгөө”, “Хөдөлмөр зохион байгуулалт, цалин хөлсний чиглэлээр хэрэгжүүлэх арга хэмжээний төлөвлөгөө” гэсэн дэд хөтөлбөрүүдтэй. Нэгдсэн хөтөлбөрийг хэрэгжүүлэхдээ чиглэл хариуцсан дөрвөн дэд штабын зохион байгуулалттайгаар долоо хоног тутам биелэлтийг дүгнэж, хяналт тавин ажиллалаа. Эрдэнэт үйлдвэр энэ хүндрэлтэй үеийг  хэрхэн эрсдэлгүй, эдийн засаг үйлдвэрлэлийн үр ашигтай даван туулах боломжтой вэ, үүнээс яаж урьдчилан сэргийлэх вэ гэдэг чиглэлээр нийт 136 ажил төлөвлөн хэрэгжүүллээ. Эдгээрээс53 ажил бүрэн биелж, 83 нь  хэрэгжилтийн шатандаа үргэлжилж, төлөвлөгөөний биелэлт хагас жилийн байдлаар 57.9 хувьтай байна. Төв штабаас чиглэл хариуцсан дэд штабуудад үйлдвэрлэлийн үр ашгийг дээшлүүлэх, хүндрэлийг даван туулах эдийн засаг, бүтээн байгуулалт хөрөнгө оруулалтын чиглэлээр нийт 74 үүрэг даалгавар өгснөөс 95.9 хувийн биелэлттэй байна. Үүрэг даалгаврын биелэлтийг штаб бүрээр гаргаж, хянаж ажилласан. Төв штаб ажилласнаар гарч буй томоохон үр дүнгүүдийг тоон дүнгээр илэрхийлбэл, манай хамт олон үйлдвэрлэлийн төлөвлөгөөг бүх үзүүлэлтээр давуулан биелүүлж, нийт 7.033 тонн зэсийн баяжмал, 399.89 тонн молибдений баяжмал төлөвлөгөөнөөс илүү үйлдвэрлэж, 9.3 тэрбум төгрөгөөр орлогоо нэмэгдүүллээ. Ингэж үйлдвэрлэлийн төлөвлөгөөт даалгаврыг биелүүлэх, төлөвлөгөөнөөс илүү үйлдвэрлэж, орлого нэмэгдүүлэхэд үйлдвэрлэлийн чиглэл хариуцсан штаб болон цехүүд, уурхайчид маш сайн санаачилгатай, зөв зохион байгуулалттай ажилласныг хэлэх нь зүйтэй. Өртөг зардлыг бууруулах чиглэлээр үйлдвэрлэл, эдийн засгийн чиглэлийн штабууд сайн ажиллалаа. Төв штаб долоо хоног тутам нэмэлт бүтээгдэхүүн үйлдвэрлэх төлөвлөгөөний гүйцэтгэлийг эдийн засгийн үр дүнгээр нь тооцож, хянаж ажилласан. Өртөг зардлыг бууруулах чиглэлээр арга хэмжээ авч хэрэгжүүлсний үр дүнд эхний 6 дугаар сарын байдлаар 42.6 тэрбум төгрөгөөр өртөг зардлаа бууруулж чадлаа. Энэ хүрээнд хямралын эсрэг ажиллах төлөвлөгөө гаргаж, цех бүрт тодорхой даалгавар өгөхийн зэрэгцээ уурхайчин бүрээс хүндрэлийг хэрхэн даван туулах талаар санал бодлыг нь авч, тусгалаа. Бэрхшээлтэй, тулгамдаж буй асуудлаа  хамтдаа хэлэлцэж, төлөвлөж ажилласны үр дүнд өртөг зардал буурсан гэж хэлж болно. Хөрөнгө оруулалт, худалдан авалтын чиглэлээр 44.8 тэрбум төгрөгийн төсөвт өртгийг хэмнэлээ. Гэрээний нөхцөлийг сайжруулах, үнийн дүнд тодорхой зөв бодлого хэрэгжүүлснээр дээрх үр дүнг бий болголоо. Санхүүгийн чиглэлээр энэ хугацаанд 7.7 тэрбум төгрөгийн санхүүгийн нэмэлт орлого олж, төлөвлөгөөг 37 хувиар давуулан биелүүллээ. Орлого нэмэгдүүлж, зардал хэмнэх чиглэлээр ажиллахаас гадна Эрдэнэт үйлдвэрийн үйлдвэрлэлийн үйл ажиллагаанд үр дүн өгөхүйц том төсөл хөтөлбөрүүдийг Төв штабын хурлаар хэлэлцэж, тулгамдсан асуудлыг шийдвэрлэж, үйл явцад нь хяналт тавьж ажиллалаа. Тухайлбал, Засвар механикийн заводын Цутгуурын цехийн Хүйтнээр хатуурах холимгоор хэв бэлтгэх хагас автомат шугамыг 100 хувь ашиглалтад оруулсан. Хэдийгээр коронавирусын тархалтын улмаас хил гааль хаагдаж, хамтран ажиллах гадаадын компанийн мэргэжилтнүүд ирэх боломжгүй болсон ч манай инженер техникийн ажилтнууд цахимаар заавар зөвлөгөө авч, өөрсдийн хүчээр угсралт, туршилтаа хийснээр энэ бүтээн байгуулалт цаг хугацаандаа ашиглалтад орсон. Мөн Ил уурхайн хөрсний тээвэрт мөчлөгт урсгалт тээврийн технологийн нэвтрүүлэх төсөл, Эмульсийн тэсрэх бодисын үйлдвэр барих ажил, Ус хангамжийн цехийн цэвэр ус дамжуулах III шугам, 820 мм-ийн диаметртэй ган хоолой татах ажил зэрэг томоохон төслүүдийн гэрээ батлагдаж, гүйцэтгэгч компанийн ажлын явцад хяналт тавих ажлын хэсгүүд байгуулагдан ажиллаж байна. Энэ мэтчилэн Төв штабаас үйлдвэрлэлийн болон нийгэм соёлын төсөл хөтөлбөрүүдийн хэрэгжилтэд хяналт тавих ажлын хэсэг байгуулж, ажлын гүйцэтгэлд үнэлэлт дүгнэлт өгч, хэлэлцэж байна. Нийгмийн хариуцлагын чиглэлээр  “Уурхайчин-1” орон сууцны хорооллын барилгын ажил, Соёл, спортын цогцолборын “Эрдэнэт цогцолбор”-ын барилгын ажил, “Сэлэнгэ” амралт, аялал жуулчлалын цогцолборын Ногоон хөгжлийн төвийн барилгын ажил хуваарийн дагуу хэвийн явагдаж байна. “Уурхайчин-2”, “Уурхайчин-3” хорооллуудын ажлын зураг хийгдэж, барилгын ажлыг гүйцэтгэх компаниудтай тус тус гэрээ байгуулж, хорооллуудын хэсэгчилсэн ерөнхий төлөвлөгөөг холбогдох төрийн байгууллагуудаар батлуулахаар бэлтгэж байна. Энэ бүх ажилд Төв штаб хяналт тавьж, чиглүүлэн ажиллалаа.  -Коронавирусын тархалттай холбоотойгоор үүсээд буй хүндрэлийг урьдчилан тооцоолж, эрсдэлгүй даван туулах бодлого хэрэгжүүлснээр үйлдвэрийн үйл ажиллагаа хэвийн ажиллаж байгаа юм байна. Хамгийн түрүүнд онцлох үр дүн юу байна вэ?      -Дэлхий нийтийг эдийн засгийн болон бусад хүндрэлтэй нөхцөл байдалд оруулж буй коронавирусын тархалт манай улсад ч сөрөг үр дагавар авчирч байна. Хувийн хэвшлүүд үүд хаалгаа барьж, ажиллагсад нь ажлын байргүй болох гэх мэт олон асуудал гарч ирсэн. Энэ нөхцөл байдлыг  Эрдэнэт үйлдвэрийн Ерөнхий захирал болон түүний удирдлагын баг маш хурдан олж харж, зөв бодлого, зохион байгуулалтын оновчтой арга хэмжээ авч чадсаны үр дүнд өнөөдөр үйл ажиллагаа хэвийн тогтвортой байна. Төв штабыг анх байгуулахдаа хэдийгээр хүнд цаг үетэй тулгарч буй ч энд нэг ч уурхайчны ажлын байр хөндөгдөх ёсгүй, тэдний ар гэрийг хамгаалах, түүнчлэн улс орны нийгэм эдийн засагт оруулах хувь нэмрээ тасралтгүй үргэлжлүүлэх том зорилт руу чиглүүлсэн. Тиймээс ч өнгөрсөн хугацаанд эрчимтэй ажиллаж, зорилтоо амжилттай биелүүлсэн төдийгүй ажилчдынхаа цалинг нэмлээ. Улсын онцгой комиссын шийдвэрээр нийгмийн цехүүдийн үйл ажиллагаа хэсэгчлэн зогссон ч бид дотоод зохион байгуулалт хийж, ажилтнуудаа сул зогсоохгүйгээр цалинг нь бууруулахгүй байх арга хэмжээ авч ажиллалаа. Өөрөөр хэлбэл, энэ цаг үед нэг уурхайчин, нэг ажилтан ч хамт олны хэсэг учир эв нэгдэлтэй, зохион байгуулалт сайтай байж үр дүнд хүрнэ гэсэн чиглэл баримталсан нь сайн үр дүнд хүргэлээ. -Дэлхий нийтэд хэдийнэ цар тахлын хэмжээнд хүрсэн коронавирусын аюул одоо ч түгшүүртэйхэвээр байгаа. Тиймээс Төв штаб цаашид ажиллах байх аа? Үйл ажиллагаа, зорилт төлөвлөгөөндөө өөрчлөлт оруулах уу?      -Мэдээж, Төв штабын үйл ажиллагаа хэзээ коронавирусын тархалт зогсоно, тэр цаг үе хүртэл үргэлжилнэ. Үйлдвэрлэлийн төлөвлөгөөг биелүүлэх, улс орон нутгийн төсөвт оруулах татвараа цаг тухайд нь төлөх, орлого нэмэгдүүлэх,зардал бууруулах зэрэг зорилтоо хэрэгжүүлээд явна. Чиглэл хариуцсан дэд штабууд төлөвлөгөөндөөнэмэлт өөрчлөлт оруулах саналаа Төв штабын хуралд танилцуулах, тэдгээрийг хэлэлцэж шийдвэрлэх гээд зохион байгуулалтын бүх ажил үргэлжлэн тасралтгүй хийгдэх болно. Мөн үйлдвэрлэлийн явцад гарах асуудлыг Төв штаб хэлэлцэж, хамтын шийдвэр гарган хэрэгжүүлж байна. М.Балжинням Фото: Б.Баттөгс Дэлгэрэнгүй...
  • Өнөөдөр 08 дугаар сарын 10

    Мэдүүштэй... 1. Өнөөдөр жилийн 222 дахь өдөр. Он дуусахад 143хоног үлдлээ.                 2. Эрдэнэт хотод агаарын хэм өдөртөө +21 градус, шөнөдөө +9градус дулаан,хүчтэй аадар бороотой, салхины хурд 7.4 м/сек байна. (Эх сурвалж: www.tsag-agaar.gov.mn)   3. -Аргын тооллын 8 сарын 10. Даваа (Сумьяа) гараг. Билгийн тооллын 22, хөхөгчин тахиа, шийдэм од, суудал шороо, мэнгэ 7 улаан, үл зохилдохын барилдлагатай өдөр.Өдрийн нар ургах/шингэх цаг: 05:40-20:13. Өдрийн сайн цаг: Туулай(05:40-07:40), хонь(13:40-15:40), тахиа(17:40-19:40), бар(03:40-05:40) болой.Үс засуулахад эд, идээ элбэгшин эрхэм сайн. Гэвч туулай, луу жилтнээ цээрлэвэл зохилтой. Хол газар явагсад зүүн хойд зүгт мөрөө гаргавал зохистой.Үхэр, могой, тахиа, нохой жилтнээ аливаа үйлийг хийхэд эерэг сайн. Харин туулай жилтнээ сөрөг муу.Үсэг, зурхай, урлахуй ухаанд суралцах, хатуу үйл, хишиг даллага авах, эм найруулах, сан тавих, лус ба тэнгэр тахих, хөрөнгө исгэх, архи нэрэх, сүм хийд босгох, тариа тарих, гэр байшин барих, хот байгуулах, мэргэ төлгө тавих, андгай тангарагаас няцах, дайсныг номхруулах үйлд сайн. Үзмэр үзэх, мал агтлах, нууц зөвлөгөөн, хурим найр хийх, гуйлга гуйх, эхэлж ном сонсох, хол замд гарах, шинэ хувцас өмсөх, эд юм өгөх, бэрийн үйлд муу. 4. Монгол банкны энэ өдрийн нэрлэсэн ханшаар АНУ-ын доллар 2846,евро 3370, БНХАУ-ын юань 408, ОХУ-ын рубль 38, Японы иен 26, БНСУ-ын вон 2.4төгрөгтэй тэнцэж байна. (Эх сурвалж: www.gogo.mn) 5.Дэлхийн зах зээл дээр нэг тонн зэс 6437.50 ам.долларын ханштай байна. (Эх сурвалж: www.lme.com)   Эрдэнэт үйлдвэрийн түүхэнд энэ сард... 1965оны 8 сарын 16. Монгол, Чехословакийн геологийн анги Эрдэнэтийн-Овооны орд газарт явуулсан эрэл, үнэлгээний ажлаатайлагнав. 1974 оны 8 сарын 24. МХЗЭ-ийн анхны илгээлтийн эзэд Эрдэнэтийг зорив. 1975 оны 8 сарын 25. БЕЛАЗ-ын жолоочийн курст суралцах анхны хүмүүсийг ЗХУ руу илгээв. 1978 оны 8 сарын 1. Цахилгаан цех байгуулагдав. 1978 оны 8 сарын 12. Анхны зэсийн баяжмалыг гарган авав. 2001 оны 8 сар. Баяжуулах фабрикийн хүчин чадлыг 2 сая тонноор нэмэгдүүлэв. 2013 оны 8 сарын 17. Үйлдвэрийн 35 жилийн ойгоор “Хөдөлмөрийн гавъаны улаан тугийн одон”-гоор шагнагдав.   Дэлгэрэнгүй...
  • Баяжуулагчид 31 тэрбум төгрөгийн нэмэлт орлого олсон байна

         Баяжуулах үйлдвэрийн хамт олон  2020 онд 17,5 тэрбум төгрөгийн нэмэлт орлого олохоор төлөвлөж, эхний хагас жилд 31 тэрбум төгрөг буюу 13,5 төгрөгөөр илүү нэмэлт орлого олсон байна.  Тэд энэ онд  тээрэм солих ажлын хөдөлмөр зохион байгуулалтыг сайжруулах замаар хугацаанаас нь өмнө ашиглалтад оруулж 300 мянган тонн хүдэр илүү боловсруулах төлөвлөгөөтэй байснаас эхний хагас жилд 270 мянган тонн хүдэр илүү боловсруулжээ. Түүнчлэн энэ онд 9 тэрбум төгрөгийн зардал хэмнэхээр төлөвлөсөн бөгөөд эхний хагас жилд 4,1 тэрбум төгрөгийн зардал хэмнэжээ. Өндөр үнэтэй технологийн нормчлогдсон материалыг хямд үнэтэйгээр орлуулах, эрчим хүчний хэрэглээг бууруулах, техник зохион байгуулалтын арга хэмжээ авч чадлын тарифын төлбөрийг бууруулах зэргээс хэмнэсэн байна. Я.Энхтуяа Фото: Б.Баттөгс Дэлгэрэнгүй...
  • Д.ҮҮРИЙНТУЯА: Бид менежментийн хувьд бүх боломжийг дайчлан ажиллаж байна

    Эрдэнэт үйлдвэрийн үйлдвэрлэл, эдийн засаг, аж ахуйн 2020 оны эхний хагас жилийн тайлангийн хурал гурав дахь өдрөө үргэлжилж байна. /08 сарын 06/ Үйлдвэрлэлийн цехүүд тайлангаа хамгаалж дуусах үеэр бид “Эрдэнэт үйлдвэр” ТӨҮГ-ын Ерөнхий захирлын Санхүү эдийн засаг хариуцсан орлогч Д.Үүрийнтуяагаас тайлангийн хурлын үр дүнгийн талаар тодрууллаа. -Тайлангийн хурлын явцын талаар ярина уу?      -Эрдэнэт үйлдвэрийн 2020 оны эхний хагас жилийн тайлангийн хурал гурав дахь өдрөө үргэлжилж байна. Үндсэндээ үйлдвэрлэлийн цехүүд маань тайлангаа хамгаалаад дууслаа. Өнөөдөр нийгмийн цехүүд тайлангаа хамгаална. Маргааш “Улаанбаатар” Төлөөлөгчийн газрын тайланг хэлэлцэнэ. Ер нь бид Төлөөлөгчийн газрын тайлангийн үр дүнг хагас бүтэн жилээр хэлэлцэж, балансын хурлын үр дүнд нэгтгэдэг байх нь зүйтэй гэж үзээд энэ жилээс эхэлж байгаа юм. Тайлангийн хурлууд хуваарийн дагуу амжилттай болж байна. Өмнөх хурлаас өгөгдсөн үүрэг даалгаврын хэрэгжилт дээр тулгуурлаж, 2020 оны нэгдүгээр хагаст  хийж гүйцэтгэсэн ажлын үр  дүн, цех нэгжүүдэд тулгамдаж буй, шийдвэрлэх, анхаарал хандуулах, яаравчлах асуудлуудыг тооцож, сүүлийн хагас жилийн ажлын төлөвлөгөөнд тусгах зорилтуудаа хэрэгжүүлэхээр тайлангийн хурлыг богино хугацаанд амжилттай зохион байгуулж байна. -Ковид-19 цар тахал гарсантай холбоотойгоор хүндрэлтэй асуудал нэлээн байсан ч Эрдэнэт үйлдвэр нэг ч ажилчин цомхотгоогүй төдийгүй цалингаа ч нэмлээ. Үйлдвэрийн эдийн засаг эхний хагас жилд ямаршуу байв?      -Эрдэнэт үйлдвэрийн үйлдвэрлэлийн үйл ажиллагаа сайн байгаа. Ковид-19 цар тахалтай холбоотойгоор дэлхийн зах зээл дээр ашигт малтмалын гаралтай түүхий эдийн үнэ харьцангуй уналаа. Нөгөө талаар гадаад худалдааны нөхцөл хүндэрч байна. Энэ амаргүй байдалтай уялдуулж, үйлдвэрлэлийн үйл ажиллагааны үр дүнг сайжруулах, нэмэлт бүтээгдэхүүн үйлдвэрлэх төлөвлөгөөт зорилт дэвшүүлсэн. Үйлдвэрлэлийн хамт олон маань сайн ажиллаж байгаа. Энэ амжилтаас үүдэн санхүү эдийн засгийн үр дүн ч сайн байна. Дэлхийн зах зээл дээр нэг тонн зэсийн үнэ хамгийн бага түвшиндээ 4800 ам.доллар хүртэл буурлаа. Харин өнөөдрийн байдлаар 6500 ам.доллар болон өсөж байна. Гэхдээ үнэ тогтвортой биш, өсөлт бууралтын хэлбэлзэл байна. Эхний хагас жилд бидний төлөвлөсөн үнэ 5991 ам.доллар байсан ч тонн тутамдаа дунджаар 500 ам.доллараар бага байлаа. Энэ алдагдлыг нөхөхийн тулд үйлдвэрлэлийн хамт олон маань хичээлээ. Менежментийн хувьд санхүү эдийн засгийн үр дүнг сайжруулах чиглэлээр ч ажиллалаа. Ингээд нэмэлт орлого олох, зардал хэмнэх, хөтөлбөр төлөвлөгөө боловсруулж, штабын зохион байгуулалтад орж ажилласны үр дүнд санхүү эдийн засгийн хямралтай нөхцөл байдлыг манай үйлдвэр амжилттай даван тууллаа. Удирдлага, зохион байгуулалтын хувьд энэ хямралыг давах тодорхой төлөвлөгөө хөтөлбөртэй ажиллаж байгаагийн үр дүнд ажилчдадаа хүндрэл мэдрүүлэхгүй байхын төлөө байна. Нийгмийн цехүүдийн үйл ажиллагаа тодорхой хэмжээнд хязгаарлалтанд орчихсон, ажилгүй байгаа нөхцөлд сул зогсолт үүсгэлгүйгээр цалин хөлс, нэмэгдэл урамшууллыг бүтэн олгох зорилго тавьж, хөдөлмөр зохион байгуулалтыг оновчтой удирдан ажиллаж байна. Түүнчлэн бид бодлогын түвшинд цалин хөлсөө нэмлээ. Бидний одоогийн гол зорилт бол цалин хөлсний өсөлтийг дагаж хөдөлмөрийн бүтээмжийн өсөлтийг хангах явдал. Тиймээс цех нэгж, хэсэг бүр дээр хөдөлмөрийн бүтээмжийн өсөлт ямар байгааг тооцож гаргах чиглэлийг балансын хурлаас өглөө. Үндсэндээ бид энэ хямралтай нөхцөл байдлыг давж туулахад өнгөрсөн 2019 оны ажлын үр дүн нөлөөлсөн. Мөн тодорхой хэмжээний мөнгөн хуримтлал үүсгэж, үйлдвэрлэлийн үйл ажиллагаанаас үл хамааран менежментийн хувьд 150 тэрбум төгрөгийн нэмэлт орлого олж, зардлын хэмнэлт хийсэн.  Энэ нь “Ковид”-ийн үед хүндрэлтэй нөхцөлийг даван туулах санхүүгийн эх үүсвэр болж, санхүүгийн ямар нэгэн дутагдалгүйгээр үйл ажиллагаа явуулах боломжийг бүрдүүлсэн. Өөрөөр хэлбэл ковидтой холбоотой ямар нэгэн хүндрэл Эрдэнэт үйлдвэрт үүсээгүй гэж хэлж болно. Төлөвлөсөн томоохон хөрөнгө оруулалт, бүтээн байгуулалтын ажлууд цаг хугацаандаа хийгдэн санхүүжигдээд явж байна. Эрдэнэт үйлдвэрийн өртөг зардлыг бууруулах, үнэ цэнийг нэмэгдүүлэх, үндсэн чиглэлийн хүрээнд хийгдэх томоохон төсөл хөтөлбөрүүд хэрэгжиж байна. Энэ төсөл хөтөлбөрийнхөө үр дүнг үзэж байж, цаашдаа Эрдэнэт үйлдвэрийн Санхүү эдийн засгийн үйл ажиллагаа үр дүнтэй, үйлдвэрлэлийн бодлого бодитой хэрэгжих ёстой. Тэгэхээр үндсэн чиглэл, томоохон төсөл хөтөлбөрөө хэрэгжүүлэх тал дээр бид санхүү эдийн засгийн бодлогыг уялдуулж, үр ашигтай ажиллаж байна. Мөн арилжааны банкуудтай хийсэн хэлцэл, санхүү эдийн засаг, мөнгөний бодлогын үр дүнд экспортын бүтээгдэхүүний борлуулалтын орлогын оновчтой шийдлээс нэмэлт орлого олж байна. Арилжааны банкуудад байршуулж байгаа сул чөлөөтэй мөнгөн хөрөнгийн үлдэгдлээсээ орлого олж байна. Мөн худалдан авалтын үйл ажиллагаанаас эхний хагас жилд 40 гаруй тэрбум төгрөгийг хэмнэж ажиллалаа. Энэ бол худалдан авалт нээлттэй, ил тод, шилэн болж байгаагийн үр дүн юм. Энэ мэтчилэн менежментийн хувьд бид бүх боломжийг дайчлан ашиглаж байна. Ийнхүү хүндрэлийг уурхайчин хамт олон, тэдний гэр бүлд үүсгэхгүйгээр ажиллах Ерөнхий захирлын бодлогыг хэрэгжүүлж байна даа. -Балансын ерөнхий дүнг та нэгтгэж хэлнэ үү? Цаашид ямар асуудалд анхаарал хандуулах хэрэгтэй гэж комисс үзсэн бэ?      -Үйлдвэрлэлийн үндсэн цех нэгжүүдийн балансын дүн гарлаа. Манай Ил уурхай, Баяжуулах үйлдвэр үнэхээр сайн ажиллаж байгаа. Эдгээр цех дээр өртөг зардлын гол цөм явдаг. Мөн Автотээврийн цех үйлдвэрийн хэмжээнд тээврийн хэрэгслийн шатахууны зарцуулалтыг бууруулах тал дээр сайн ажиллаж байна. Нэмэлт орлого олох чиглэлд Баяжуулах үйлдвэр хамгийн өндөр үзүүлэлттэй байна.  Өртөг зардлыг хямдруулах чиглэлд Ил уурхай, Баяжуулах үйлдвэр, Автотээврийн цех сайн ажиллаж байна. Үйлдвэрлэлийн үйл ажиллагааны үр дүн сайн явж байгаа боловч хөдөлмөрийн аюулгүй байдал, эрүүл ахуй, ажилчдын сахилга хариуцлагатай холбоотой асуудлууд дээр онцгой анхаарах шаардлагатай гэж дүгнэж, тайлангийн хурлын комиссоос үүрэг даалгавар өглөө. Мэдээж үйлдвэрлэлд нэмэлт орлого олох, зардлаа хэмнэх, үр ашиг гаргах нь чухал. Гэхдээ түүнээс илүү чухал нь хүний аюулгүй байдал. Ажилчид маань аюулгүй орчинд ажиллаж, өөрсдөө сахилга хариуцлагатай байж ажлын үр дүн гарах ёстой. Хөдөлмөрийн аюулгүй байдлын ямар нэгэн зөрчилгүй ажиллаж, ажилтан бүр хариуцсан ажилдаа эзний ёсоор хандаж, сахилга хариуцлагатай байж гэмээнэ бидний ажлын үр дүн улам нэмэгдэх учиртай. Тийм учраас уурхайчин хамт олноо энэ асуудалд анхаарлаа хандуулж ажиллаасай гэж хүсч байна. Я.Энхтуяа Фото: Б.Баттөгс Дэлгэрэнгүй...
  • Ээлжит шуурхайгаар балансын хуралд өндөр үнэлгээ авсан цехүүдийг танилцуулав

                “Эрдэнэт үйлдвэр” ТӨҮГ-ын удирдлагуудын даваа гаригийн ээлжит шуурхай зөвлөгөөн өнөөдөр боллоо.  Шуурхай зөвлөгөөний эхэнд уламжлал ёсоор ХАБЭА-н хэлтсээс мэдээлэл хийж, өнгөрсөн долоо хоногт Эрдэнэт үйлдвэр хөдөлмөрийн аюулгүй байдлын зөрчилгүй ажилласныг орлогч дарга Б.Баттайван танилцуулав. Мөн тус хэлтсээс үйлдвэрийн хэмжээнд ХАБ хариуцсан  ажилтнуудын дунд сарын зөвлөгөөнийг зохион байгуулж, оны эхний  7 сард хөдөлмөрийн аюулгүй байдал, эрүүл ахуйн талаар хэрхэн ажилласныг дүгнэж, хэлэлцсэн байна. Зөвлөгөөнөөр цаашид ямар асуудалд анхаарч, ажиллах зорилтоо дэвшүүлжээ. Эрдэнэт үйлдвэрийн үйлдвэрлэлийн ажил хэвийн, сарын эхний 10 хоногийн байдлаар төлөвлөгөөт үзүүлэлт биелж байгааг Үйлдвэрлэлийн хэлтсээс мэдээлж, Баяжуулах үйлдвэр, Ил уурхай, Авто тээврийн цех, Засвар механикийн завод зэрэг үндсэн болон туслах цехүүдийн удирдлага долоо хоногийн ажлаа товч танилцуулав.           Цаг үеийн мэдээллийн дараа Үйлдвэрийн бодлогын газрын дарга П.Батболор өнгөрөгч 7 хоногт хуралдсан Эрдэнэт үйлдвэрийн оны эхний хагас жилийн үйлдвэрлэл, эдийн засаг, үйл ажиллагааны үр дүнгийн хуралд нийт цехүүд амжилттай оролцсоныг онцолж, өндөр үнэлгээ авсан цехүүдийг нэрлэсэн. Баяжуулах үйлдвэрийн хамт олон 2020 оны эхний хагас жилийн ажлын үр дүнгээ  хамгийн өндөр буюу 95.93 хувийн үнэлгээтэй хамгаалсан бол Ил уурхай 93.89 хувь, Цахилгаан цех 93 хувиар тус тус үнэлүүлж, эхний гуравт жагссан байна. Нийгмийн цехүүдээс  Аж ахуй, үйлчилгээний цех  93.84 хувь, “Эрдэнэт цогцолбор” дээд сургууль 91.19 хувиар үнэлүүлж,  оны эхний хагас жилийн ажлын үйл ажиллагаандаа “хангалттай сайн” гэсэн дүн авчээ. Балансын хурлын явцаас ажиглахад цех бүрийн ажлын үзүүлэлт сайн байгаа хэдий ч төлөвлөгөөний биелэлт, үйл ажиллагаагаа танилцуулахдаа удирдлага болон холбогдох ажилтнууд сайн бэлдэж, тодорхой, ойлгомжтой, цэгцтэй байдлыг цаашид анхаарч байх нь чухал гэдгийг Үйлдвэрийн бодлогын газрын дарга онцлов. Тэрээр шуурхай зөвлөгөөний төгсгөлд цех нэгжүүд төлөвлөгөөт ажлуудаа цаг тухайд нь гүйцэтгэж, хөдөлмөрийн аюулгүй байдлыг ханган хариуцлагатай ажиллахыг чиглэл болголоо. М.Балжинням Фото Б.Ялалт Дэлгэрэнгүй...
  • Өнөөдөр 08 дугаар сарын 07

    Мэдүүштэй... 1. Өнөөдөр жилийн 215дахь өдөр. Он дуусахад 146хоног үлдлээ.                 2. Эрдэнэт хотод агаарын хэм өдөртөө +20градус, шөнөдөө +8градус дулаан,хүчтэй аадар бороотой, салхины хурд 8 м/сек байна. (Эх сурвалж: www.tsag-agaar.gov.mn) 3. -Аргын тооллын 8 сарын 7. Баасан (Сугар) гараг. Билгийн тооллын 19, хар морь, могойг хүлэгч-25 од, суудал мод, мэнгэ 1 цагаан, идэрийн барилдлагатай өдөр. Лусын буулттай өдөр.Өдрийн нар ургах/шингэх цаг: 05:36-20:18.Өдрийн сайн цаг: Морь(11:40-13:40), бич(15:40-17:40), хулгана(23:40-01:40), үхэр(01:40-03:40) болой.Үс засуулахад бодийн төрөл олох, сайн хүнтэй учирна сайн. Гэвч хулгана, бар, туулай, нохой, гахай жилтнээ цээрлэвэл зохилтой.Хол газар явагсад зүүн зүгт мөрөө гаргавал зохистой.Нохой, морь, бич, тахиа, хонь жилтнээ аливаа үйлийг хийхэд эерэг сайн. Харин хулгана, бар, туулай жилтнээ сөрөг муу.Замд явах, лам болох, эм найруулах, хурим хийх, эрдэм сурах, бэрийн үйл, үхэгсдийн үйл, нууц зөвлөгөөн хийх, бурханд залбирах, нөхрийг эрэх, хаад ноёд, ихэс дээдэст тангараг, амлалт гаргах, баясгалангийн хурим, газар хагалж тариа тарих, шинээр хувцас өмсөх, чимэг зүүх, бүжиг наадам үйлдэхэд сайн. Байр сууц тохижуулах, гэр барих, засах, морь худалдах, уралдуулах, улаан идээ авах, эд хөрөнгө зээлдүүлэх, нэхэх, нүүдэл хийх, мал худалдахад муу. 4. Монгол банкны энэ өдрийн нэрлэсэн ханшаар АНУ-ын доллар 2846,евро 3364, БНХАУ-ын юань 409, ОХУ-ын рубль 38, Японы иен 26, БНСУ-ын вон 2.4төгрөгтэй тэнцэж байна. (Эх сурвалж: www.gogo.mn) 5.Дэлхийн зах зээл дээр нэг тонн зэс 6453.50 ам.долларын ханштай байна. (Эх сурвалж: www.lme.com)     Эрдэнэт үйлдвэрийн түүхэнд энэ сард... 1978 оны 8 сарын 12 Анхны зэсийн баяжмалыг гарган авав. 2013 оны 8 сарын 17 Үйлдвэрийн 35 жилийн ойгоор “Хөдөлмөрийн гавъаны улаан тугийн одон”-гоор шагнагдав. Дэлгэрэнгүй...
  • Аюулгүй, зөрчилгүй, соёлтой жолооч нарыг энэ оны эцэст тодруулна

         Эрдэнэт үйлдвэрийн Авто тээврийн цех, Гэрээт цагдаагийн хэлтсийн Замын цагдаагийн хэсэгтэй хамтран “Хариуцлагатай жолооч” аяныг 2020 он дуустал үргэлжлүүлэхээр эхлүүлсэн. Авто тээврийн цехийн төрөл бүрийн тээврийн хэсгийн жолооч нарын ажлын хариуцлагыг өндөржүүлэх, эерэг хандлага төлөвшүүлж, ажлын байр орчны эрүүл ахуйг сайжруулах, замын хөдөлгөөний аюулгүй байдлын хууль, дүрмийн зөрчлийг арилгах, хөдөлмөрийн аюулгүй байдлыг хангах, харилцааны болон хөдөлгөөний соёлыг дээшлүүлэхэд аяны зорилго чиглэж байна.      Аяны хугацаанд Авто тээврийн цехийн Төрөл бүрийн тээврийн хэсгийн нэгжүүдийн дунд “Аюулгүй жолооч”, “Зөрчилгүй жолооч”, “Соёлтой жолооч” гэх зэрэг гурван чиглэлээр шалгаруулалт зохион байгуулж, оны төгсгөлд тэргүүний жолооч нарыг тодруулна. “Аюулгүй жолооч”-ийг шалгаруулахдаа Замын хөдөлгөөний хууль болон дүрмийн мэдлэг, түүнийгээ хэрхэн мөрдлөг болгож, бусдын аюулгүй байдалд эрсдэл учруулахгүйгээр замын хөдөлгөөнд өндөр соёлтой оролцож буй эсэхийг баримтлах бол “Зөрчилгүй жолооч” нь “Эрдэнэт үйлдвэр” ТӨҮГ-ын Хөдөлмөрийн дотоод журам, Замын хөдөлгөөний аюулгүй байдал болон ХАБЭА-н дүрэм журмыг бүрэн эзэмшиж, мөрдөн ажиллах шалгуурыг хангасан байна гэж Авто тээврийн цехийн Ашиглалтын албаны дарга С.Цэгмид онцлов. Харин “Соёлтой жолооч” өөрийн ажлын байр болох автомашины бүхээг, зорчигчдын заалны ариун цэвэр, эмх цэгцийг тогтмол сайжруулж цэвэр цэмцгэр, өнгө үзэмжтэй байлгаж, зөв боловсон харьцаатай байх, Тамхины эсрэг хуулийг хэрэгжүүлэгч зэрэг үзүүлэлтээрээ манлайлагч байх аж. М.Балжинням Фото Ш.Лхамсүрэн   Дэлгэрэнгүй...
  • Оёдлын цехэд ажлын шинэ загварын хувцас үйлдвэрлэж байна

         Эрдэнэт үйлдвэрийн Оёдлын цех уурхайчдадаа зориулан шинэ загварын  ажлын хувцас үйлдвэрлэж байна. Нийт ажилтнууд нэг өнгө, загварын ажлын хувцастай байх төслийг Хөдөлмөрийн аюулгүй байдал, эрүүл ахуйн хэлтэс санаачлан, үйлдвэрийн удирдлагаар батлуулсны дагуу энэ ажил хэрэгжиж эхэлжээ. Тус цехийнхэн эхний ээлжинд 200 орчим ажлын шинэ загварын хувцас үйлдвэрлэн хүлээлгэн өгснийг Санхүү, маркетингийн албаны Тэргүүлэх мэргэжилтэн Д.Батхишиг ярив.        Оёдлын цехийн хамт олон оны эхний хагас жилд 3.3 тэрбум төгрөгийн бүтээгдэхүүн үйлдвэрлэсэн нь өнгөрсөн оны мөн үетэй харьцуулахад үйлдвэрлэл 24.3 хувиар өссөн дүнтэй байна. Үүний 944.5 сая төгрөгийн бүтээгдэхүүнийг Зөөлөн оёдлын хэсэгт үйлдвэрлэсэн бол Баяжмалын уут оёх хэсгийнхэн 2.3 тэрбум төгрөгийн өртөг бүхий  нийт 74494 ширхэг уут оёж, нийлүүлжээ. Орлого нэмэгдүүлэх зорилтын хүрээнд гадны байгууллага болон хувь хүний захиалга авч, 660 гаруй мянган төгрөгийн бүтээгдэхүүн үйлдвэрлэсэн байна. Мөн шинэ төрлийн корона вирусийн тархалтаас урьдчилан сэргийлэх, үүсээд буй хүндрэлийг даван туулах арга хэмжээг хэрэгжүүлж, 13.1 сая төгрөгийн хэмнэлт үйлдвэрлэл болон үйл ажиллагааны зардлаасаа гаргаж ажиллажээ. М.Балжинням Фото Ш.Лхамсүрэн    Дэлгэрэнгүй...
  • Өнөөдөр 08 дугаар сарын 05

    Мэдүүштэй... 1. Өнөөдөр жилийн 217 дахь өдөр. Он дуусахад 158 хоног үлдлээ.                  2. Эрдэнэт хотод агаарын хэм өдөртөө +20 градус, шөнөдөө +10 градус дулаан ,үүлшинэ, салхины хурд 6м/сек байна. (Эх сурвалж: www.tsag-agaar.gov.mn) 3. Аргын тооллын 8 сарын 5. Лхагва (Буд) гараг.Билгийн тооллын 17, цагаан луу, чөдөр-23 од, суудал ус, мэнгэ 3 хөх, идэрийн барилдлагатай өдөр. Сарын цээр өдөр. Өдрийн нар ургах/шингэх цаг: 05:34-20:21, Өдрийн сайн цаг: Луу (07:40-09:40), могой(09:40-11:40), бич (15:40-17:40), тахиа (17:40-19:40),  гахай (21:40-23:40), бар (03:40-05:40) болой. Үс бүү засуул өнгө зүс доройтно муу учир цээрлэвэл зохилтой.Хол газар явагсад зүүн зүгт мөрөө гаргавал зохистой.Хулгана, бич, луу, гахай жилтнээ аливаа үйлийг хийхэд эерэг сайн. Харин нохой, могой, морь жилтнээ сөрөг муу. Өнөөдөр сарын цээр өдөр тул аливаа үйлийг эхлүүлэхэд муу. 4. Монгол банкны энэ өдрийн нэрлэсэн ханшаар АНУ-ын доллар 2845,евро 3347, БНХАУ-ын юань 407, ОХУ-ын рубль 38, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn) 5.Дэлхийн зах зээл дээр нэг тонн зэс 6440.0 ам.долларын ханштай байна. (Эх сурвалж: www.lme.com)     Эрдэнэт үйлдвэрийн түүхэнд энэ сард... 1978 оны 8 сарын 1 -Цахилгаан цех байгуулагдав. 1978 оны 8 сарын 15 Хөгжмийн зохиолч, багш Л.Ооёогийн удирдсан хөнгөн хөгжмийн “Cu-Mo” хамтлаг байгуулагдаж анхны тоглолтоо хийв. 2001 оны 8 сар Баяжуулах фабрикийн хүчин чадлыг 2 сая тонноор нэмэгдүүлэв. Дэлгэрэнгүй...
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
Мэдээ

     “Эрдэнэт үйлдвэр” ТӨҮГ  бүтцийн нэгжүүдийнхээ   ХАБЭА-н урьдчилан сэргийлэх үйл ажиллагааны хоёрдугаар улирлын ажлыг  дүгнэлээ.  Үйлдвэрлэлийн үндсэн цехүүдийг  Засвар механикийн заводын хамт олон манлайлсан бол хоёрдугаар хэсгийг   Чанарын хяналтын хэлтэс,  гуравдугаар хэсгийг   Засвар угсралтын цех тэргүүлжээ. Харин нийгмийн цехүүдийг   Спорт ордны хамт олон манлайлав.

     Саяхан шинэчилсэн ХАБЭА-н  журмаар ХАБЭА-н үйл ажиллагаанд амжилттай оролцож,  тэргүүлсэн  хамт олны урамшууллыг нэмэгдүүлсэн байна. Нэгдүгээр хэсэгт тэргүүлсэн хамт олонд таван сая төгрөгийн урамшуулал олгодог байсныг  зургаан сая төгрөг, хоёрдугаар хэсэгт тэргүүлэгчийн урамшууллыг хоёр сая төгрөгөөр нэмж,  таван сая төгрөг, гуравдугаар хэсэгт тэргүүлэгчийн  урамшууллыг  1,5 саяар нэмэгдүүлэн  гурван сая, дөрөвдүгээр хэсэгт тэргүүлэгчийн урамшууллыг нэг сая төгрөгөөр нэмэгдүүлэн 1,5 сая төгрөг болгосон байна.

     Түүнчлэн улирал тутамд  “Аюулгүй ажиллагч”-ийн жагсаалтад анх удаа бичигдсэн 27 ажилтанг шалгаруулдаг  байсан бол шинэчилсэн журмаар  65 болгон нэмжээ.   Энэ нь үйлдвэрийн захиргаанаас ХАБЭА-н урьдчилан сэргийлэх үйл ажиллагаанд ажилчдын оролцоо, манлайллыг дээшлүүлэхэд  ихээхэн  анхаарч буйн илрэл юм.  “Аюулгүй ажиллагч”-аар анх удаа шалгарсан ажилчдад  өнөөдөр бүтцийн нэгжүүдийн удирдлагуудаар дамжуулан бэлэг дурсгал олгов. Мөн энэхүү жагсаалтад хоёр дахь удаагаа  14 ажилтан шалгарав.  ХАБЭА-н хэлтсээс  эдгээр 14 ажилтан  болон  тэргүүлэгч дөрвөн цехийн удирдлагыг  оройн зоогт урьж, халуун дотно яриа өрнүүллээ.

Эрдэнэт үйлдвэр таван жил тутамд ХАБЭА-н журмаа шинэчлэн боловсруулдаг юм.

                                                                                                                   Я.Энхтуяа

Фото: Ш.Лхамсүрэн

     Монгол Улсын Их сургуулийн сэтгүүлчийн ангийн оюутан надад дэлхийн хэмжээнд үнэлэгдэх “Эрдэнэт үйлдвэрт” дадлага хийх ховорхон боломж тохиосон юм. Уурхайчны амьдрал, үйлдвэрийн ажлыг Төмөрлөгийн үйлдвэрээр л төсөөлдөг Дарханы охинд энэ сүрлэг үйлдвэр жигтэй сонихон.  Бүтцийн нэгж бүр үйлдвэрлэлийн амин гол судас мөн ч сэтгүүлч эгчийн зөвлөсний дагуу Эрдэнэт үйлдвэрийн “Оёдлын цехтэй” танилцахаар үзэг дэвтрээ бариад догдолж явна.

     Цг цг цг автомат оёдлын машины нарийн дуу шуугиж үйлдвэрлэл, цех нэгж гэх жинхэнэ утгаараа авцалдах шиг. Цайвар ягаан хормогчтой оёдолчин бүсгүйчүүд дуу нийлүүлэн мэндэлж угтана. Ажилчдын 60 хувь нь эмэгтэйчүүд гэнэ. Идэр залуус ч цөөнгүй үзэгдэнэ. Улсдаа ТОП-д эрэмблэгдэх Эрдэнэт үйлдвэрийн баялаг бүтээх үйлсэд гар бие оролцох нь нэр төрийн хэрэг билээ. Цехийн ерөнхий төлөв, аж байдалтай танилцахаар дарга Ц.Батмөнхтэй цөөн хором ярилцав. 1991 онд “Эрдэнэт үйлдвэр” ХХК-ийн оёдлын цехээр байгуулагдаж, 2006 оноос охин компани болон өөрчлөгдсөн тэд бүтцийн нэгжид багтаад  жилийн нүүр үзэж буй гэнэ. Ажилчдын хувцас, баяжмал зөөвөрлөх уут үйлдвэрлэдэг тэдэнд цех, нэгж болсноор цалин хангамж, техник технологи, үр дүнгийн урамшууллаас эхлээд олон зүйл сайжирч байгаад удирдлага, ажилчдын зүгээс сэтгэл хангалуун байгаа нь илэрхий. Эрдэнэт үйлдвэр 6000 гаруй ажилчинтай. Жилдээ 580 орчим мянган тонн зэсийн баяжмал 5.3 тонн молибденийн баяжмал гаргадаг энэхүү нүсэр үйлдвэрт  оёдлын цехээс сардаа 14 мянга орчим уут нийлүүлдэг ажээ. Мастер Т. Мижиддорж “Эрдэнэт үйлдвэртээ баялаг бүтээж байна гэж бодохоор сайхан. Бид жилдээ 150-170 мянган шуудай нийлүүлдэг. Үйлдвэр боломж олгож хөрөнгө оруулбал жилийн хэрэгцээ болох 250 мянган шуудайг ч үйлдвэрлэх бүрэн боломжтой. Баяжмалыг ачихын тулд уутны гарцыг тасралтгүй ажиллуулах хэрэгтэй. Үүнд л хамт олон маань сэтгэл нэгдэн ажиллаж байна. Цехийн 100 гаруйхан оёдолчдын гараас ажилчдын дөрвөн улирлын зузаан, нимгэн хувцас, брезентэн бээлий, хөшиг, бүтцийн нэгжүүдийн оёмол бүтээгдэхүүний захиалга тогтмол гардаг гэхэд торох юмгүй биелж байгаа нь бахархмаар. Цар тахлын  үед ч их ажлын зэрэгцээ  350 мянган угааж хэрэглэж болох амны хаалт оёж хүлээлгэн өгсөн. Оны эхний улиралд л гэхэд 1.5 тэрбум орчим төгрөгийн  бүтээгдэхүүн үйлдвэрлэжээ. Дүнгэнэсэн автомат машины чимээнд чих дөжирч, давчдам санагдавч тэдэнд үл сонсдох мэт баясгалантай хөөрөлдөнө. Энэ л хүмүүсийн гарт Эрдэнэт үйлдвэрийн өнгө төрх даатгагдсан гэхэд итгэж болмоор. н.Цэцэгмаа “Цехдээ 14 жил ажиллаж байна. Оёдлын V зэрэгтэй. Бүтцийн цех нэгж болсноос хойш цалин нэмэгдэхээс эхлээд ахуй хангамж сайжирч байгаад баяртай байна. Хүнийг хувцаслана гэдэг хамгийн сайхан ажил шүү дээ” хэмээн ярилаа.

     Зөөлөн оёдлын хэсгийн эмэгтэйчүүд цайвар ягаан, баяжмалын уутны хэсэг хөх цэнхэр өнгийн хувцастай. Гадаах шар цэцэгс, ногоон чацаргана, мастеруудын саарал хослол ганган зуны гоёлыг улам ч чимнэ. Эрээн даавуу хөвөрсөөр, их ажил өрнөсөөр л. Тэд энэ удаа ХАБЭА-н хэлтэстэй хамтран ажилчдын хувцасны өнгө, загвар шинэчлэх,  жигдлэх ажилд төвлөрч буй. Бүтэц нэгжээс хамааран инженер техникийн болон ажилчдын ажлын хувцасны өнгө өөр өөр байсан бол энэ удаагийн иж бүрэн шинэчлэлээр бүгд ижил болох ажээ.  Цехийн технологич П.Золзаяа “Материал гүйцэт ирээгүй энэ үед байгаа материалаараа шинэ загварын 90 орчим хувцас хийсэн. Үйлдвэрийн халуун нөхцөлд зориулсан агаар нэвтрүүлдэг, хөлс гадагшлуулдаг 100 хувийн нимгэн даавуун цамц оёж байна. Дэлхийн уул уурхайн жишгийг дагуулан бид улбар шар өнгөөр хувцас урласан” хэмээлээ.

Эрдэнэт үйлдвэрийн Оёдлын цех бахархам алдартай, хүндтэй үүрэгтэй. Оёдлын машины хүрд эргэх тоолон энэ үйлдвэрийн бүтээн байгуулалтад оруулж буй тэдний хувь нэмэр шүү гэж бодоход  өмнөөс нь өөрийн эрхгүй сэтгэл догдолж байна.

М.Марал

Фото: Б.Баттөгс

     Засвар механикийн завод нэмэлт бүтээгдэхүүн үйлдвэрлэх, зардал бууруулах хөтөлбөрийн хүрээнд эхний хагас жилд амжилттай ажиллажээ. Энэ онд тус хамт олон 10 төрлийн 3 тэрбум төгрөгийн нэмэлт бүтээгдэхүүн үйлдвэрлэх зорилт дэвшүүлсэн  бөгөөд эхний хагас жилд 1,7 тэрбум төгрөгийн нэмэлт бүтээгдэхүүн үйлдвэрлэсэн байна. Мөн 930 сая төгрөгийн импорт орлох бүтээгдэхүүн үйлдвэрлэн гаргажээ. Заводынхан металл боловсруулалтын хаягдлыг дахин ашиглах онцгой ажил хийж зардал хэмнэх зорилт дэвшүүлсэн байна. Оны эхний хагаст ширмэн бүтээгдэхүүний зоргодсыг дахин ашиглах шийдэлд хүрчээ.  Харин  сүүлийн хагас жилд ган бүтээгдэхүүний зоргодсыг дахин ашиглахаар төлөвлөж, техникийн шийдэл боловсруулж байгаа аж. Үүнийг хэрэгжүүлснээр Засвар механикийн завод хаягдалгүй үйлдвэрлэл бий болгох боломжтой юм. 

Я.Энхтуяа

Фото: Б.Баттөгс

     “Эрдэнэт үйлдвэр” ТӨҮГ-ын  Ил уурхайд Эмульсийн тэсрэх бодисын шинэ үйлдвэрийн шав тавих ёслол өнөөдөр боллоо. Тэсрэх бодисын шинэ үйлдвэр барих ажил нь Эрдэнэт үйлдвэрийг 2031 он хүртэл хөгжүүлэх үндсэн чиглэлд тусгагдсан Ил уурхайн техник технологийн шинэчлэлийн хүрээнд хийгдэх гурван том төслийн нэг юм. Тус цехэд  цахилгаан хангамжийн хүчин чадлыг нэмэгдүүлэх өргөтгөл барьж, мөчлөгт урсгал тээврийн технологи нэвтрүүлэх бол гуравдахь том ажил нь Эмульсийн тэсрэх бодисын шинэ үйлдвэр барьж, ашиглалтад оруулах зорилт хэрэгжинэ. Одоогийн ажиллаж буй Эмульсийн тэсрэх бодисын үйлдвэр нь 1994 онд баригдсан, барилга байгууламж технологийн хувьд хуучирсан тул шинэ үйлдвэр барих шаардлагатай болжээ.

     Орчин үеийн технологийн дэвшилтэт технологиор баригдах шинэ үйлдвэр нь жилд 15000 тонн бүтээгдэхүүн үйлдвэрлэх хүчин чадалтай бөгөөд хуучин үйлдвэрээс даруй 5-7 мянган тонноор илүү гэсэн үг юм. Эмульсийн тэсрэх бодисын үйлдвэрийн барилгын ажлыг “Монголиан Инвестмент Корпорэйшн” компани гүйцэтгэнэ. Шав тавих ёслолд “Эрдэнэт үйлдвэр” ТӨҮГ-ын Үйлдвэрийн бодлогын газрын дарга П.Батболор болон Ил уурхайн удирдлага, ажилтнууд, гүйцэтгэгч компанийн төлөөлөл оролцов. Шинээр баригдах үйлдвэрийн барилга байгууламжийг чанартай найдвартай гүйцэтгэж, хөдөлмөрийн аюулгүй байдлын өндөр түвшинд бүтээн байгуулж хүлээлгэн өгнө гэдгээ “Монголиан Инвестмент Корпорэйшн” компанийн ТУЗ-ийн дарга Б.Дөлгөөн нээлтийн үеэр илэрхийллээ.  

 

                                                                                                                  М.Балжинням

Фото: Ш.Лхамсүрэн

Дуу цахилгаантай, аадар бороо ихтэй энэ зуны хувьд Эрдэнэт үйлдвэрийн цахилгаан тоног төхөөрөмжүүдийн аюулгүй байдал хэрхэн хангагдсан талаар Цахилгааны цехийн Цахилгаан техникийн тусгай лабораторийн эрхлэгч  В.Анхбаяртай уулзаж тодрууллаа.

-Аянга зайлуулагч гэж юу болох талаар эхлээд та тайлбарлах уу?

-Уулын өндөрлөг газар болон дэд станцуудын хажууд байрласан өндөр шонгууд   аянга зайлуулагч гэдгийг хүмүүс мэдэх байх. Мөн давхар агаарын шугам дагуу хамгийн өндөрт байх шугам бол хөндлөн аянга зайлуулагч юм. Өөрөөр хэлбэл аянгын идэвхжлийг хүнээс зайлуулж, өөр дээрээ хүлээж авдаг хүлээн авах, дамжуулах, газардуулах гэсэн бүтэцтэй өндөрт байрлах зүйлийг аянга зайлуулагч гэж нэрлэдэг. Тухайн тоног төхөөрөмж, төмөр хийц нь аянгыг хүлээн авч, газарт тархааж, газардуулдаг.

-Эрдэнэт үйлдвэрийн цахилгаан тоног төхөөрөмжүүдийн аюулгүй байдалд танайх хэрхэн хяналт тавьж ажилладаг вэ?

-Манай лаборатори Эрдэнэт үйлдвэрийнхээ тоног төхөөрөмжүүдийн аюулгүй байдалд шалгалт хийж, цахилгаанаар ажилладаг бүхий л тоног төхөөрөмжийн газардуулгыг шалгадаг юм. Бид хаврын хуурайшлын үе буюу 3 дугаар сараас 6 дугаар сарын эхэн хүртэл цех нэгжүүдийн газардуулгын хүрээг хэмжиж байна. Ингэхдээ дэд станц, барилга байгууламж, аянга зайлуулагч зэргийг тусад нь хэмждэг юм. Зуны улиралд тоног төхөөрөмжүүдэд нарны халалтын нөлөө их байдаг. Иймээс агаарын шугамын дагуу дэд станцад ил байрлаж байгаа бүх тоног төхөөрөмжүүдэд нил улаан туяаны үзлэг хийдэг. Түүнчлэн Эрчим зүйчдийн санал болгосон нарны дэлгэц зэрэг тоног төхөөрөмжид үзлэг хийж байна. Манай лабораторийн хувьд Төвийн бүсийн барилга байгууламжуудад хэмжилт хийх эрхтэй тул гадны байгууллагууд үйлдвэрийн тогтоосон үнээр хэмжилт туршилт хийлгэх боломжтой.

-Энэ жилийн хэмжилтээр зөрчил илрэв үү?

-Цахилгаан байгууламжийн газардуулга нь өндөр байсан зарим цех нэгжүүдэд сануулга өгч, зөрчил дутагдлаа арилгасны дараа Эрчим зүйн хэлтэст энэ талаар тайлагнасан.

-Түүнийг хэн засах вэ?

-Тухайн цехийн барилга байгууламж хариуцсан эрчим зүйчид өөрсдөө засварлаж, угсардаг. Бид нэмэлт электрод зоож газардуулах уу, эсвэл хөрсний эсэргүүцлээ багасгах уу гэсэн асуудалд мэргэжлийн зүгээс арга зүйн зөвлөгөө өгч ажиллаж байна.

-Ингэхэд манай үйлдвэрийн аянга зайлуулагчийн найдвартай ажиллагаа ямар түвшинд байдаг вэ?

-Бараг 95 хувь нь найдвартай, дэд станц, тоног төхөөрөмжүүдийн аянга зайлуулагч хэвийн ажиллаж байна.

-Аянга зайлуулагч ямар зайнд аюулгүй байдлыг бий болгодог вэ?

-Хийц бүтээцээсээ хамаарч харилцан ялгаатай байдаг. Өндөр байх тусмаа л хамгаалах тойргийн радиус их байна гэсэн үг. Хос шонт болон нэг шонт аянга зайлуулагч гэж бий.  Нэг шонт аянга зайлуулагчийн газрын хөрснөөс дээрх өндрийн хэмжээ хамгаалалтын эхний цэг болно гэсэн үг. Энэ нь хамгийн өндөр цэгээс хааш хаашаа 45 градусын  эргэн тойрон дахь газрыг аянгаас хамгаалж чаддаг.

-Энэ жил аянга, цахилгаантай бороо их орж байна. Төвөөс алслагдсан газрууд аянга цахилгаанаас хамгаалахын тулд ер нь ямар арга хэмжээ авбал зүйтэй вэ?

-Манай дэд станцуудын зарим нь Эрдэнэт хотоос 60 км-ийн цаана байна. Хүний төвлөрлөөс хол учраас тухайн үеийн газардуулгын эсэргүүцлийн норм өндөр. Стандарт дүрэмд  30 ОМ байхаар  заасан байдаг. Энэ стандартаар  төв суурингаас хол байгаа  аж ахуйн нэгжүүд барилга байгууламждаа  дүрмийн дагуу гар хийцийн аянга зайлуулагч хийж болно. Жишээ нь, газрын хөрсийг 70-80 см ухаж,  2,5 м төмөр зэс, хөнгөн цагаан электродыг хамгийн багадаа 3-4 ширхэг зоож, хооронд нь холбосноор цахилгаан байгууламжийн  газардуулга хийх боломжтой. Түүнийгээ аль болох өндөр цэгт гаргаж тавибал аянга зайлуулагч буюу хүлээн авагч болдог.

-Манай үйлдвэрийн хэмжээнд  аянга цахилгаанд өртсөн тохиолдол байдаг уу?

-Эрдэнэт хотыг усаар хангадаг агуулах буюу усан санд энэ зун аянга буусан.  Сүүлийн 3 жилд болсон анхны тохиолдол. Аянга бууснаар трансформаторын нэг кабель, агаарын шугамын утас тасарсан. Гэхдээ манайхан цаг тухайд нь арга хэмжээ авч, засвар үйлчилгээ хийснээр үйл ажиллагааг нь хэвийн болгосон. 

Я.Энхтуяа

 
 
Бүлэг Ярилцлага
Баасан, 31 7-р сар 2020 00:00

Өнөөдөр 07 дугаар сарын 31

Мэдүүштэй...

1. Өнөөдөр жилийн 212дахь өдөр. Он дуусахад 153 хоног үлдлээ.                

2. Эрдэнэт хотод агаарын хэм өдөртөө +23градус, шөнөдөө +13 градус дулаан,бороотой, салхины хурд 4-7м/сек байна. (Эх сурвалж: www.tsag-agaar.gov.mn)

3. Аргын тооллын 7 дугаар сарын 31.Сугар гараг. Билгийн тооллын 12.Хөхөгчин гахай өдөр. Өдрийн наран 5цаг 27 минутад мандан, 20цаг 28 минутад жаргана. Тухайн өдөр гахай, бич, тахиа жилтнээ аливаа үйлийг хийхэд эерэг сайнбамогой, бар, туулайжилтнээ сөрөг муунөлөөтэй тул аливаа үйлд хянамгай хандаж, биеэ энхрийлүүштэй.Эл өдөр Шүтээн босгох, тушаал, зарлиг гаргах, хөрөнгө оруулах, лам болох, эм найруулах, хурим хийх, эрдэм сурах, үхэгсдийн үйл, номын хурим, лам хуврага болох, гөлөг тэжээх, баясгалангийн хурим, шинэ хувцас өмсөх, чимэг зүүх, бүжиг наадам үйлдэхэд сайн. Мод таслах, газар малтах, эд хөрөнгө зээлдүүлэх, нэхэх, нүүдэл хийх, замд гарах, мал адгуус худалдан авахад муу.Өдрийн сайн цаг нь гахай(21:40-23:40), үхэр(01:40-03:40), луу(07:40-09:40), морь(11:40-13:40), хонь(13:40-15:40), нохой(19:40-21:40) болой.Хол газар явагсад урд зүгт мөрөө гаргавал зохистой.Үс шинээр үргээлгэх буюу засуулахад өвчин эмгэг ирэх муу тул цээрлэвэл зохино.

4. Монгол банкны энэ өдрийн нэрлэсэн ханшаар АНУ-ын доллар 2844евро 3344, БНХАУ-ын юань 406, ОХУ-ын рубль 39, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn)

5.Дэлхийн зах зээл дээр нэг тонн зэс 6433 ам.долларын ханштай байна. (Эх сурвалж: www.lme.com)

 

 

Эрдэнэт үйлдвэрийн түүхэнд энэ сард...

1988 оны 07 дугаар сар

  • Эрдэнэт хотод ЗХУ-ын тусламжаар барих эсгий, эсгий гутлын үйлдвэрийн суурь тавих ёслолын ажиллагаа болов.

1991 оны 07 дугаар сар

  • БНМАУ-ын Засгийн газрын дэргэдэх Соёл урлагийн хөгжлийн хороо, Эрдэнэт хотын Ардын хурлын Гүйцэтгэх захиргаа, Монгол-Оросын хамтарсан уулын баяжуулах “Эрдэнэт” үйлдвэрийн хамтарсан шийдвэрээр “Уурхайчин” соёлын ордны дэргэдэх хүүхэлдэйн “Ардын театр”-ыг мэргэжлийн “Хүүхэлдэйн театр” болгон өөрчилжээ.

1996 оны 07 дугаар сар

  • Монгол-Оросын хамтарсан уул уурхайн баяжуулах “Эрдэнэт” үйлдвэрийн Ерөнхий захирал Ш.Отгонбилэгт Монгол Улсын Хөдөлмөрийн баатар цол олгож, Сүхбаатарын одон, “Алтан соёмбо” тэмдгээр шагнажээ.

     Эрдэнэт үйлдвэрийн Ерөнхий захиргааны газар, хэлтсийн ажилтнууд тус үйлдвэрт хэрэгжиж байгаа ХАБЭА-н үйл ажиллагаатай танилцав. Эдгээр оролцогчид нь ХАБЭА-н хэлтсийн хүсэлтийн дагуу тухайн газар, хэлтсийнхээ хөдөлмөрийн аюулгүй байдлыг хариуцаж ажиллахаар байгууллагаасаа томилогдсон ажилтнууд юм. Тэд өөрийн газар хэлтсийн ажилтнуудад ХАБЭА-н сургалт зааварчилгаа зохион байгуулах, хамруулах зэрэг ажлыг хариуцах тул мэдлэг мэдээллийг нь тэлэх зорилгоор ХАБЭА-н үйл ажиллагаа, ажилтнуудын үүрэг, хариуцлага зэрэг сэдвээр танилцуулга хийж, хөдөлмөрийн аюулгүй байдлын үндсэн ойлголт өгсөн байна.

     Сургалтын талаар ХАБЭАХ-ийн Албаны дарга Х.Эрдэнэбатаас тодруулахад,”Эрдэнэт үйлдвэрийн ажилтан бүр хөдөлмөрийн аюулгүй байдал, эрүүл ахуйн урьдчилан сэргийлэх ажилд хамрагдах ёстой. Мөн эрүүл мэнд, аюулгүй байдлаа хамгаалуулах эрхтэй. Энэ чиглэлийн ажилд  ерөнхий захиргааны ажилтнууд хамрагдахгүй хоцрох тал ажиглагдсан. Энэ дүгнэлттэй уялдуулан өнгөрсөн 5 дугаар сард Ерөнхий захирлын нэгдүгээр орлогч бөгөөд Ерөнхий инженер Т.Батмөнх, газар, хэлтсийн хөдөлмөрийн аюулгүй байдал эрүүл ахуйн урьдчилан сэргийлэх ажилд шалгалт үзлэг хийж, үнэлэлт өгөх, ажилтнуудад танилцуулга, мэдээлэл хийх чиглэл өгсөн юм.  Энэ дагуу энэ сарын 6-наас эхлэн ХАБЭА-н хэлтсээс Ерөнхий захиргааны  газар хэлтсүүдэд зорилтот шалгалт, үзлэг зохион байгуулж эхэлсэн. Шалгалтаар тухайн газар, хэлтэс нь хөдөлмөрийн аюулгүй байдлын сургалт зааварчилгаанд оролцож буй эсэх, ХАБЭА-тай холбоотой тушаал шийдвэртэй цаг тухайд нь  танилцсан байдал, хамгаалах хэрэгслээр хангагдах, ажилтнуудын урьдчилан сэргийлэх мэдлэг мэдээлэл зэрэг олон чиглэлд үнэлэлт дүгнэлт өгч ажиллалаа. Үүний үр дүнд илэрсэн зөрчил дутагдлыг арилгах албан даалгавар боловсруулан тухайн газар хэлтэст хүргүүлж байна. Энэ ажил 9 дүгээр сарын 10 хүртэл үргэлжилнэ. Мөн шалгалтын явцад ерөнхий захиргааны газар, хэлтсүүдэд хөдөлмөрийн аюулгүй байдал хариуцсан ажилтан заавал байх шаардлагатай гэсэн дүгнэлт гаргаж, хэрэгжүүлснээр уг сургалтыг зохион байгуулж байна” гэсэн юм.

М.Балжинням

Фото Ш.Лхамсүрэн

Үйлдвэрлэлийн тасралтгүй горимтой Эрдэнэт үйлдвэр жилд нэг удаа үйл ажиллагаагаа бүрэн зогсоож, үйлдвэрлэлд ашигладаг нөөцгүй тоног төхөөрөмжийн найдвартай байдлыг хангаж, их засвар үйлчилгээ хийдэг уламжлалтай. Энэ жилийн "Их зогсолт" буюу их засварын ажлыг 7 дугаар сарын 31-ний 20 цагаас 8 дугаар сарын 2-ны өдрийн 20 цаг хүртэл хийхээр төлөвлөсөн. "Их зогсолт"-ын бэлтгэл хангах ажлын хэсгийн бүрэлдэхүүн өнөөдөр хуралдаж, бэлтгэл ажлын төлөвлөгөөний биелэлтийг сүүлийн байдлаар хэлэлцлээ. Хэлэлцүүлэгт ажлын хэсэгт багтсан цех нэгжийн удирдлагууд мэдээлэл хийж, хариуцсан чиглэл чиглэлээр бэлтгэл 100 хувь хангагдсаныг танилцуулав. Үүний дараа "Эрдэнэт үйлдвэр" ТӨҮГ-ын Үйлдвэрлэлийн бодлогын газрын дарга П.Батболор, Механикийн хэлтсийн дарга Б.Чинзориг нар маргааш эхлэх "Их зогсолт"-д үйлдвэр бэлэн болсныг онцлон, цех хэлтсийн удирдлагуудад хөдөлмөрийн аюулгүй байдлын өндөр түвшинд чанартай, амжилттай хийж гүйцэтгэхталаар зөвлөмж өглөө. Мөн "Их зогсолт"-ын үеэр засвар үйлчилгээний явц байдлыг өдөрт хоёр удаа мэдээлж, хяналт тавьж ажиллахаар болов.

М.Балжинням

Фото Ш.Лхамсүрэн

Дэлхий нийтэд цар тахлын хэмжээнд тархаад буй корона вирусийн халдвараас  урьдчилан сэргийлэх зорилгоор улсын Онцгой комиссоос гаргасан шийдвэрийн дагуу Эрдэнэт үйлдвэрт өнгөрсөн 2 дугаар сараас  Шуурхай штаб байгуулагдан ажиллаж байна. Корона вирусээс урьдчилан сэргийлэх ажлын төлөвлөгөөний биелэлтийн явц, өнөөдрийн байдлын талаар Гамшгаас хамгаалах штабын тэргүүлэх мэргэжилтэн Р.Энхболдоос тодрууллаа.  

-Дэлхийн олон оронд тархаж, олон хүний амь насыг авч одсон корона вирусийн аюул одоо ч түгшээсээр байгаа. Манай үйлдвэрийн хэмжээнд корона вирусээс урьдчилан сэргийлэх ажил ямар байна? Шуурхай штаб хэрхэн ажиллаж байна вэ?

 -Эрдэнэт үйлдвэрийн Ерөнхий захирлын 78 дугаар тушаалын дагуу  өнгөрсөн 2 дугаар сараас эхлэн Шуурхай штаб байгуулан өндөржүүлсэн бэлэн байдлын горимд шилжин ажиллаж байна. Эрдэнэт сувиллын цогцолбор, Соёл урлагийн цогцолбор, Гал унтраах 58 дугаар анги, Гэрээт цагдаагийн хэлтэс, Онцгой байдлын алба зэрэг байгууллагууд хамтран 24 цагийн жижүүр батлагдсан хуваариар ажилладаг. Корона вирусийн халдвараас урьдчилан сэргийлэх ажлыг гурван чиглэлээр зохион байгуулж байна. Нэгдүгээрт, тандалтын арга хэмжээ хэрэгжүүлж, ажилчдын автобус болон Ерөнхий захиргааны 1,2 дугаар байр, цех нэгж бүхэнд  биеийн халуун дулаан хэмжиж, дотогш нэвтрүүлдэг боллоо. Ажлын өдөрт 5-6 мянга, амралтын өдөр 1000 орчим ээлжийн ажилчдын биеийн халууныг үзэж, халуурах шинж тэмдэг бүхий ажилтныг буцаан эмчийн нарийн үзлэгт шилжүүлж байна. Хоёрдугаарт, ариутгал халдваргүйжүүлэлтийг тогтмол хийдэг боллоо. Гэрээт компаниудтай хамтран ажилчдын автобус болон бусад хүн тээврийн хэрэгслүүд, үйлдвэрийн бүс дэх томоохон обьектод өдөр  бүр гурван удаа ариутгал халдваргүйжүүлэлт хийж хэвшүүллээ. Цех нэгж, хоол үйлдвэрлэлийн компаниуд  өөр өөрсдийн ажлын байр талбайд ариутгал хийж, ажилчдад гар угаах ариутгах бодис материалаар тогтмол хангаж, хэрэглээнд хяналт тавин ажиллаж байна. Мөн гаднаас ирж буй бараа материалыг хүлээн авах, буулгах зэрэг бүх үйл явцад халдвар тархалтаас урьдчилан сэргийлэх арга хэмжээг улсын Онцгой комисс, Шадар сайдын баталсан түр журмыг хэрэгжүүлж байна.

-Шуурхай штабт нийгмийн цехийн ажилтнууд хүч нэмж ажиллаж байгаа нь өдөр тутмын хяналт гэх мэтчилэн олон ажлыг нугалж байгаа. Харин ажилтнууд өөрийгөө халдвараас хамгаалах тал дээр хэр анхаарч байгаа вэ?

-Шуурхай штабын жижүүрүүд урьдчилан сэргийлэх ажилд хяналт тавихын зэрэгцээ өөрсдийн чиглэлийн дагуу Онцгой байдлын газар, Эрүүл мэндийн газар, Уул уурхай, хүнд үйлдвэрийн яам зэрэг холбогдох байгууллагуудад мэдээлэл өгөх үүрэг гүйцэтгэдэг. Харин амралт аялалын цаг эхэлсэнтэй холбоотойгоор урьдчилан сэргийлэх ажилд ажиллах хүч дутагдалтай болж байна. Эмнэлгийн ажилтнууд, эмч нар амралт сувиллын газруудад ажиллах шаардлагатай болсон тул энд ажилчдын биеийн халууныг хэмжих ажилд нийгмийн цехүүдийн ажилтнуудыг дайчлан, оролцуулж байгаа. Корона вирусээс урьдчилан сэргийлэх ажил жигдэрч, ажилтнуудын хандлага өөрчлөгдсөн гэж хэлж болно. Эхэн үедээ зарим ажилчид шаардуулж байж халуунаа үзүүлдэг, гараа ариутгадаг байсан бол одоо хүн бүр өдөр тутам орж гарахдаа хэвшил болгож, өөрсдөө санаачилгаараа урьдчилан сэргийлэх арга хэмжээг авдаг боллоо.Ер нь ахуйн ариун цэвэр сахих, ажлын байрандаа цэвэр байх зэрэгт илүү чармайлттай болж байгаа нь харагддаг. Гар ариутгах бодистой харьцах, биеийн халуунаа хэмжүүлэх зэрэг халдвараас өөрийгөө хамгаалах мэдлэг сайтай болсон гэдгийг хэлье.

-Амны хаалтны нөөц байгаа юу?

-Амны хаалтны  хангалт үйлдвэрийн хэмжээнд  дөрвөн удаа өгсөн. Оёдлын цех туслалцаа үзүүлж, хүн бүрт амны хаалт оёж тараалаа. Амны хаалт болон бусад ариутгал халдваргүйтгэлийн бодисны нөөц бэлтгэх талаар Шуурхай штабын санал хүсэлтийг үйлдвэрийн удирдлагууд дэмжиж, цаг тухайд нь шийдвэрлэж байна. Ажилчдаасаа нэг ч хүнийг орхигдуулахгүй хяналтад байлгах, биеийн халууныг хэмжих, шинж тэмдэг гарсан тохиолдолд хэрхэн арга хэмжээ авах талаар Эрдэнэт сувиллын цогцолбор дээр хоёр удаагийн сургалт дадлага зохион байгууллаа. Дэлхий нийт энэ цар тахлаас бүр мөсөн ангижраагүй байгаа энэ үед урьдчилан сэргийлэх ажил цаашид үргэлжилнэ.      

М.Балжинням

Фото: Б.Баттөгс

Бүлэг Ярилцлага

“Эрдэнэт үйлдвэр” ТӨҮГ-ын Ерөнхий захирлын нэгдүгээр орлогч бөгөөд Ерөнхий инженер Т.Батмөнхтэй уулзаж, дэлхий нийтэд тархсан цар тахлаас үүдэн  эдийн засаг хямарч хүндхэн байгаа энэ цаг үед Эрдэнэт үйлдвэр хэрхэн ажиллаж байгаа талаар тодруулан ярилцлаа.

-Энэ онд үйлдвэрт хөрөнгө оруулалт, бүтээн байгуулалтын ажил өнгөрсөн жилээс 2 дахин нэмэгдлээ. Иймд Эрдэнэт үйлдвэрт хэрэгжих том төслүүдийн явц ямар байгаа  талаар ярилцлагаа эхлэе?

-2023 он гэхэд манай хүдэр дэх зэсийн агуулга эрс буурч, доод түвшинд хүрнэ.  Иймээс бид хүдэр боловсруулалтын түвшинг жилд гурав орчим хувиар өсгөх зорилготой ажиллаж байна. Энэ ажлын хүрээнд зургаан сая тонн хүдэр боловсруулах шугамыг  нэмж барьж, ирэх онд багтаан ашиглалтад оруулахаар ажиллаж эхэлсэн. Өргөтгөлийн корпусын  газар шорооны ажил  үндсэндээ суурийн улны түвшинд хүрлээ. Үндсэн тоног төхөөрөмжийн суурь хийхээр 5 метр гүн газар ухаж  байна. Бетон цутгалтын зарим  ажлууд  эхэлсэн.  Газар шорооны ажлаа хүйтэн  сэрүүн орохоос өмнө дуусгаад, барилгын угсралтын ажлаа эхлүүлнэ. Энэ шугамыг бид 2021 оны наймдугаар сард  залгах зорилттой юм. Ажил  төлөвлөгөөний дагуу сайн явж байна.

Мөн Ил уурхайд мөчлөгт урсгалт тээврийн технологи нэвтрүүлэх ажлын гүйцэтгэгчийг сонгон шалгарууллаа. Ажил эхэлсэн. Эмульсийн тэсрэх бодисын үйлдвэрийг барьж байгуулах ажлын  гүйцэтгэгчийг сонгон шалгаруулсан. Штабууд энэ долоо хоногоос хуралдаж эхэлнэ. Бид энэ үйлдвэрээ  11 дүгээр  сар гэхэд ажилд оруулахаар төлөвлөн ажиллаж байна. Цэвэр усны гуравдугаар шугам барьж байгуулах ажлын гүйцэтгэгчийг сонгон шалгаруулсан. Одоогийн байдлаар зураг төслийн ажил хийгдэж байна. Зураг төсөл батлагдсаны дараа  гүйцэтгэлийн ажил  эхэлнэ. Энэ мэтчилэн том ажлууд урагштай явж байна.

-Тасралтгүй ажиллагаатай үйлдвэрийн нөөцгүй ажилладаг тоног төхөөрөмжүүдийг жилд нэг удаа зогсоож, дараа жил хүртэл найдвартай ажиллах боломжийг хангах зорилгоор их засвар хийдэг. Энэ том ажлын бэлтгэл хэр хангагдаж байна вэ?

-Бид уламжлал ёсоор өвлийн бэлтгэл ажлаа хангахад 300 орчим ажил төлөвлөөд хийж байна. Хүндрэлтэй зүйл ер нь байхгүй. Хамгийн гол нь их зогсолтын ажил бидний өмнө байна. Манай үйлдвэрт их зогсолтын хоёр ажил хийгддэг болсон. Цахилгаан эрчим хүч үйлдвэрлэдэг болсон учраас Дулааны цахилгаан станц маань төвийн эрчим хүчтэйгээ холбогдож, тоног төхөөрөмжөө  зогсоож, засварлана. Бэлтгэл нь сайн хангагдсан. Мөн 7 дугаар сарын 31-нээс  8 дугаар сарын 2-ныг хүртэл үйлдвэрийн хэмжээнд их зогсолт болно. Засварт  шаардлагатай бараа материал, сэлбэг хэрэгсэл, тоног төхөөрөмжүүдээ бэлтгэсэн.  Энэ жилийн хувьд хүдрийн хоёр агуулахаа хоосолж байгаад течикээ /урсгуур/ засаад авчихвал таван жил агуулахдаа “гар  хүрэхгүй” байх боломж бүрдэнэ. Энэ мэтчилэн  засварын ажлуудаа төлөвлөгөөний дагуу чанартай хийхээр зорьж байна. Их  зогсолтын бэлтгэл, төлөвлөсөн  ажлууд  тасралтгүй явж байна. Хүний нөөцөө ч бэлтгэсэн. Шаардлагатай тохиолдол гарвал гадны байгууллагын хүчийг ашиглана. Гэхдээ ихэнх ажлаа бид өөрсдийн хүчээр хийчихнэ. Ер нь бол бэлтгэл сайн хангагдсан болохоор хүндрэл гарахгүй гэж найдаж байна. Их засвараа чанартай сайн хийж гүйцэтгэснээр дараа жил хүртэл үйлдвэрийн тоног төхөөрөмж найдвартай ажиллах боломж бүрдэнэ.

-Манай үйлдвэрийн цех нэгжүүд энэ онд өртөг зардлаа бууруулах, нэмэлт бүтээгдэхүүн үйлдвэрлэх зорилт тавин ажиллаж байгаа. Энэ чиглэлээр  оны эхний хагас жилд хэрхэн ажиллаж,  ямар үр дүнд хүрэв?

-Үйлдвэр маань энэ жил нэлээн хүнд, амаргүй нөхцөл байдалд ажиллаж байна. Тухайлбал, дэлхий нийтийг хамарсан цар тахал коронавирустай холбоотойгоор манайхтай  хамтарч ажилладаг гадны байгууллагууд, үйлдвэрлэгч компаниудын үйл ажиллагаа зогссон. Дэлхийн зах зээл дээр зэсийн үнэ ханш он гарснаас хойш огцом уналаа. Ийм хүндрэл байсан хэдий ч үйлдвэрлэлийн тоо хэмжээг нэмэгдүүлж, дээрээс нь нэмэлт бүтээгдэхүүн үйлдвэрлэн, энэхүү эдийн засгийн хүндрэлийг даван туулах хөтөлбөр боловсруулан ажиллаж байна. Үйлдвэрийн хэмжээнд шуурхай штаб байгууллаа. Төв штабыг Ерөнхий захирал Х.Бадамсүрэн ахалж, миний бие тасралтгүй ажиллагааг хангах, мөн нэмэлт бүтээгдэхүүн үйлдвэрлэх штабыг ахлан ажиллаж байна. Эхний хагас жилийн байдлаар үйлдвэрлэлийн төлөвлөгөөт үзүүлэлтүүдээ биелүүлснээс гадна нэмэлтээр 270 мянган тонн хүдэр боловсруулж орлого оллоо. Үүнийхээ үр дүнд ажилчдынхаа цалинг 6 дугаар сарын нэгнээс 10 хувиар нэмлээ. Мөн шагнал, урамшуулал ч олгосон. Өртөг зардлыг бууруулах чиглэлээр тодорхой ажлууд хийлээ. Өртөг зардлыг  бууруулан ажилласнаар бүтээгдэхүүн үйлдвэрлэлийн өөрийн өртөг тодорхой хэмжээнд буурсан. Энэ утгаараа үйлдвэрт үүсэх бэрхшээлийг даван туулж байна даа.

-Үйлдвэрлэлийн тасралтгүй найдвартай ажиллагааг хангах  сэлбэг хэрэгсэл, тоног төхөөрөмжийн нөөцийг  хэр бүрдүүлэв?

-Гадны харилцагч байгууллагууд зогсох үед бид үйлдвэрийн тасралтгүй найдвартай ажиллагааг хангахын тулд нөөц тоног төхөөрөмж, сэлбэг хэрэгслийг бэлтгэж  авах ёстой. Үүнийгээ бүрдүүлж чадсан учраас хямралын үед хүндрэлгүй ажиллаж байна. Шаардлагатай тохиолдолд импорт орлох бүтээгдэхүүнийг ЗМЗ-даа  хийж, ашиглаж байна. Дотоодын нийлүүлэгч компаниудад давуу эрх олгож байна. Цаашдаа дэлхий нийтийг хамарсан энэ нөхцөл  байдал хэр удаан  үргэлжлэхийг өнөөдөр хэн ч хэлж мэдэхгүй байна шүү дээ. Тийм учраас үйлдвэрийн найдвартай ажиллагааг хангахын тулд  штаб тасралтгүй ажиллаж, цаг алдахгүйгээр шийдвэр гаргах ёстой. Тасралтгүй үйл ажиллагаатай үйлдвэрийн маань ирэх оны бизнес төлөвлөгөө хийгдэж байна. Үүнийг дагаад сэлбэг хэрэгсэл, бараа материал худалдан авах ажиллагааны төлөвлөлтөө хийж эхэллээ. Бид  Төрийн өмчийн бодлого зохицуулалтын газраар төлөвлөгөөгөө  батлуулаад авчихвал дараа жилийнхээ ажилд шууд орох боломжтой болно.

-Ган бөөрөнцгийн цех болон ЗМЗ-ын Цутгуурын цехэд томоохон техник, технологийн шинэчлэлийн ажлууд хийгдлээ. Эдгээр цехийн  үйлдвэрлэлийн үйл ажиллагаа ямар түвшинд байна вэ?

-ЗМЗ-ын Цутгуурын цехэд цутгамал бүтээгдэхүүний чанарыг сайжруулах технологи нэвтрүүлэн 5 дугаар сарын 1-нд залгасан. Өнөөдрийн байдлаар цутгамал бүтээгдэхүүнээ үйлдвэрлэж эхэлсэн. Үндсэндээ эхний хагас жил шахуу хугацаанд үйлдвэрлэл зогссон байсан учраас тухайн үед үйлдвэрлэх байсан бүтээгдэхүүнээ нөхөж  үйлдвэрлэхээр шаргуу ажиллаж  байна. Үйлдвэрлэлийн ажиллагаа ч жигд сайн явж байна. Шинэ технологи нэвтрүүлснээр бүтээгдэхүүн  үйлдвэрлэх  хурд, чанар дээшилсэн. Энэ нь цаашид эдийн засгийн үр ашгаа өгнө. Ажлын байрны орчин нөхцөл ч маш сайн болсон. Цаашид ЗМЗ-ыг хэрхэн өргөтгөх талаар  нарийвчилсан техник, эдийн засгийн үндэслэл боловсруулах  ажил хийгдэж байна.

Ган бөөрөнцгийн цехэд индукцийн зуух ашиглаж шаар үйлдвэрлэх хос шугам  ашиглалтад орсон. Ингэснээр олон нааштай өөрчлөлтүүд гарлаа. Юуны түрүүнд бүтээгдэхүүний гадна дотор  хатуулгийн зөрүү ойртож, ган бөөрөнцгийн чанар эрс сайжирсан. Энэ нь  хүдэр нунтаглах циклд өөрийн өртгийг бууруулахад багагүй хувь нэмрээ оруулах юм. Нөгөө талаас цехийн ажилчдын ажлын байрны орчин нөхцөл эрс сайжирсан. Тэнд одоо ямар нэгэн хүхэрлэг хий, тоос байхгүй ч дуу чимээ бол бий. Гэхдээ зөвшөөрөгдөх хэмжээнд байгаа. Ажилчдадаа хамгаалах хэрэгсэл, чихэвч ашиглуулж байна.  Байгаль орчинд нөлөөлдөг сөрөг нөлөөлөл үгүй болсон. Хотын төв замаас 50 м-ийн дотор үйлдвэрлэл явагдаж байна гэдэг үндэслэлээр  Мэргэжлийн хяналтын байгууллагын зүгээс хуучин цехийг ажиллуулахыг хориглодог байсан ч энэ асуудлаа шийдсэн. Өнөөдрийн байдлаар тус цех 40, 80, 100 мм-ийн голчтой шаар үйлдвэрлэж байна.  Цаашид бид 120, 125 мм-ийн голчтойг үйлдвэрлэх зорилт тавьж байгаа. Энэ ажил хийгдвэл үйлдвэрийнхээ  хэрэгцээний шаарыг 100 хувь өөрсдөө үйлдвэрлэдэг болно.Түүнчлэн ижил төстэй үйлдвэрүүдэд шаар  нийлүүлэх боломж бүрдэх юм.

 -Онцгой дэглэм, өндөржүүлсэн бэлэн байдал үйлдвэрийн газарт үргэлжилж буй энэ үед ямар үйл ажиллагаа явуулж байна вэ?

 -Манай үйлдвэрт онцгой дэглэм үйлчилж байгаа. Улс орон даяар өндөржүүлсэн бэлэн байдал ч үргэлжилж байна. Энэ хоёр дэглэмийн үед бидний үйл ажиллагаа урьдын адил хэвийн явж байна. Хүний урсгал, бөөгнөрөл  хамгийн их газар Эрдэнэт үйлдвэр. Иймээс Улс, орон нутгийн Онцгой комиссын шийдвэр, чиглэл бүрийг хэрэгжүүлэн ажиллаж байна. Тухайлбал  халдваргүйжүүлэх, ариутгалын ажлыг тогтмол хийж хэвшсэн. Энэ үйл ажиллагаанд гадны гурван компани гэрээгээр ажиллаж байна. Ариутгалыг хоногт гурван удаа автобус, ажлын байранд хийж байна. Ажилчдынхаа халууныг хэмжиж, сэжигтэй тохиолдолд шуурхай арга хэмжээ авч байна. Улсын Онцгой комиссын шийдвэрээр хилээр орж ирж буй хүмүүсийг тусгаарлах байранд байлгаж, холбогдох арга хэмжээ авч, халдвар тархаахгүй байх,  хорио цээрийн дэглэмийг хэрэгжүүлэн ажиллаж байна. Үүнд тодорхой хэмжээний зардал хөрөнгө мөнгө зарцуулж  байна. Мөн ажилчдадаа ухуулан сурталчлах  ажил хийж, хамгаалах хэрэгслээр хангаж, ажлын цаг ашиглалтад хяналт тавьж байна. Нөгөө талаар энэ жил бороо хур, үер ус ихтэй байна. Цөөнгүй ажилчны  ээлжийн амралт таарч байна. Тэдэнд  үер устай, олныг хамарсан халдварт өвчин гарсан газруудад зорчихгүй байх зэрэг анхааруулга, зөвлөмжийг өгч байна. Энэ жил гэнэтийн  дуу цахилгаантай, усархаг бороо орж байгаагаас цахилгааны тоног төхөөрөмжүүд дээр гэнэтийн тасралт зогсолт гарах магадлал байна. Аянга зайлуулагчийн ажиллагаанд хяналт тавьж, бэлэн байдлыг  ханган ажиллаж байна. 

-Ярилцлагын төгсгөлд та үйлдвэрийнхээ ажилчдад хандаж юу хэлэх вэ?

-Дэлхий нийтийг хамарсан цар тахал эдийн засагт ихээхэн хямрал бий болгож байна. Ийм үед цалингаа нэмсэн үйлдвэрийн газар Монголд манайхаас өөр байхгүй ээ. Бид хүчээ нэгтгэн хүнд үеийг даван туулж байгаагийн  үр дүнд эхний хагас жилд үйлдвэрлэлийн төлөвлөгөөт үзүүлэлтээ 100-120 хувиар биелүүллээ. Түүнийхээ үр шимийг ажилчнаасаа удирдлагаа хүртэл хүртлээ. Иймд  ажилтан бүр сахилга дэг журамтай байж,  ажилдаа  чин сэтгэлээсээ хандах нь энэ үед  хамгийн чухал. Бид цаашид ч  илүү зохион байгуулалттай, эвтэй байж хамтын хүчээр дэлхий дахинд үүсч буй хүндрэлийг амжилттайгаар даван туулж чадна гэдэгт итгэж  байна. Баялаг бүтээгч хамт олондоо талархахын зэрэгцээ ажлын өндөр амжилт хүсье.

Бүлэг Ярилцлага

Мэдээний төрөл

Календарь

« 7-р сар 2020 »
Да Мя Лх Пү Ба Бя Ня
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Зургийн цомог