Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305
Мэдээ
  • “Миний мөрөөдөл” цахим уралдааны дүн гарлаа

    Хүүхдийн баярыг угтан Баяжуулах үйлдвэрээс Эрдэнэт үйлдвэрийн нийт ажиллагчдын хүүхдүүдийн дунд зарласан “Миний мөрөөдөл” зохион бичлэгийн цахим уралдааны шилдгүүд тодорлоо. Зургаан насны ангиллаар бүтэн сарын хугацаанд үргэлжилсэн уг уралдаанд хүүхдүүдийн 90 гаруй бүтээл иржээ. 1-3-р ангийн насны ангилалд Цахилгаан цехийн цахилгаанчин Орхоны охин, XIV сургуулийн 3б ангийн сурагч О.Мөнгөнтуул түрүүлж, Баяжуулах үйлдвэрийн НБХ-ийн баяжуулагч Золжаргалын охин, XIV сургуулийн 2б ангийн сурагч Б.Хулан удаалж, “Сэлэнгэ” амралт, аялал жуулчлалын цогцолборын үйлчлэгч Очмаагийн хүү, V сургуулийн 3д ангийн сурагч Б.Сүлд-Эрдэнэ гуравдугаар байрт шалгарсан байна. Харин 4-5-р ангийн насны ангиллын нэгдүгээр байрыг Баяжуулах үйлдвэрийн ӨНХ-ийн засварчин Будаевийн охин, IV сургуулийн 5-р ангийн сурагч Б.Энхжин, хоёрдугаар байрыг “Сэлэнгэ” амралт, аялал жуулчлалын цогцолборын Нийтийн хоолны хэсгийн нярав Сугарын охин, XIII сургуулийн 5г ангийн сурагч С.Очгэрэл, гуравдугаар байрыг Засвар механикийн заводын ЗУХ-ийн дарга Мэндбаярын охин, М.Анужин эзэлжээ. 6-7-р ангийн насны ангилалд Ил уурхайн экскаваторын туслах машинч Мягмарбулганы охин, XIX сургуулийн 7-р ангийн сурагч М.Хулан түрүүлж, Засвар механикийн заводын токарьчин Буджавын хүү, V сургуулийн 6г ангийн сурагч Б.Энх-Амгалан, Автотэээврийн цехийн гагнуурчин Амгалан-Эрдэнийн хүү, V сургуулийн 7г сурагч А.Түвшинтөгс нар удааллаа. 8-9-р ангийн насны ангилалд тэргүүн байрыг Дулааны цахилгаан станцын мастер Болдбаатарын охин, Орхон Эмпати сургуулийн 9б ангийн сурагч Б.Энхжин эзэлж, дэд байрт Ус хангамжийн цехийн лабораторийн эрхлэгч Өнөрийн хүү, XIV сургуулийн 8-р ангийн сурагч Тулга, гутгаар байрт Ус хангамжийн цехийн оператор Одгэрэлийн хүүхэд, “Билэгт-Өргөө” сургуулийн 8-р ангийн сурагч А.Нэрзэм нар шалгарчээ. Харин 10-12-р ангийн насны ангилалд Аж ахуй, үйлчилгээний цехийн Хүний нөөцийн мэргэжилтэн Болормаагийн охин, V сургуулийн 12в ангийн сурагч Э.Солонго түрүүлж, Авто тээврийн цехийн гагнуурчин Батжаргалын хүү, “Эрдмийн сан” сургуулийн 11-р ангийн сурагч Б.Баттулга, Ус хангамжийн цехийн лабораторийн эрхлэгч Өнөрийн хүү, 14-р сургуулийн 11-р ангийн сурагч Г.Намхай нар удаалав.  М.Одгэрэл Дэлгэрэнгүй...
  • Х.ҮНЭНЗОРИГ: “Эрдэнэтийн ирээдүй өнгөтэй байна” уриан дор хүүхэд, гэр бүл рүү чиглэсэн зургаан төрлийн цахим уралдаан зарласан

    “Хүүхдийн баяр” ирэх долоо хоногийн Даваа гарагт тохионо. Коронавирусын халдвараас урьдчилан сэргийлэх хүрээнд улс орон даяар нийтийг хамарсан үйл ажиллагаа зохион байгуулахыг хориглох шийдвэр гарсан. Үүнтэй холбогдуулан “Эрдэнэт үйлдвэр” ТӨҮГ-ын Соёл, урлагийн цогцолборын уран бүтээлчид цахимаар уралдаан зарлаж, Эрдэнэт хотынхоо хүүхдүүдийг баярлуулахаар шийдвэрлэжээ. Тэмдэглэлт өдрийг угтсан үйл ажиллагааны талаар тус цогцолборын орлогч дарга Х.Үнэнзоригоос тодрууллаа. -Цаг үеийн нөхцөл байдалтай уялдуулан Соёл, урлагийн цогцолбор хэрхэн ажиллаж байгаа талаар мэдээлэл өгөхгүй юу? -Улс оронд үүсээд байгаа нөхцөл байдалтай уялдуулан Улсын Онцгой комисс, үйлдвэрийн удирдлагын гаргасан тушаал, шийдвэрийн дагуу манай цогцолборын соёлын үйл ажиллагаа түр хугацаанд зогссон. Гэхдээ уран бүтээлчид маань завгүй ажилласаар байна. Манай байгууллагын хувьд 2020 оны үйл ажиллагааны төлөвлөгөөгөө батлуулсан хэдий ч хэрэгжүүлэхэд хүндрэлтэй байгаа тул тэмдэглэлт баяруудын үеэр зохион байгуулах соёлын үйл ажиллагааг цахим хэлбэрээр явуулах нь оновчтой гэж үзсэн. Ингээд дахин төлөвлөгөө гаргаж, төлөвлөгөөний дагуу ажлаа зохион байгуулж байна.     -Соёлын үйл ажиллагааг цахим хэлбэрээр явуулахад бэрхшээлтэй зүйл гарч байна уу? -Төлөвлөсний дагуу ажлаа зохион байгуулж чадвал хүндрэлтэй зүйл алга. Цахим хэлбэрээр эхний ажлуудаа хийсэн. Тухайлбал, энэ сарын 9-нд Аугаа их эх орны дайны ялалтын 75 жилийн ойд зориулан “Эрдэнэт” дуу бүжгийн чуулгын уран бүтээлчид маань бэлтгэсэн концертоо төв, орон нутгийн мэдээллийн сувгууд болон сошиалаар цацаж, олон нийтэд хүргэлээ. Мөн концертын эхэнд Оросын ард түмэн болоод өнөөдрийг хүртэл бидэнтэй мөр зэрэгцэн Эрдэнэт үйлдвэрт ажиллаж, амьдарч байгаа оросууддаа зориулан үйлдвэрийн газрын Ерөнхий захирал Х.Бадамсүрэн мэндчилгээ дэвшүүлсэн. Энэхүү баярын концертыг бичиж, улс, орон нутгийн үзэгчдэд хүргэсэн Маркетингийн хэлтсийн Олон нийттэй харилцах алба, “Эрдэнэт” телевизийн уран бүтээлчдэд талархал илэрхийлье. Мөн ОХУ-ын үзэгч олонд хүргэхэд ОХУ-ын Элчин сайдын яам, Оросын соёл, шинжлэх ухаан, мэдээллийн төв, ОХУ-аас Дархан хотод суугаа Ерөнхий консулын газар, Эрдэнэт үйлдвэрийн Москва хот дахь Төлөөлөгчийн газрын хамт олон маш сайхан дэмжиж, хамтран ажилласан. ОХУ-д амьдарч байгаа Эрдэнэт үйлдвэрийн ахмад ажилтан, үе үеийн уурхайчдад бидний мэндчилгээ хүрсэнд маш их баяртай байна.                Дараагийн үйл ажиллагаагаа “Хүүхдийн баяр”-т зориулан бэлтгэж байна. Эх орныхоо, Эрдэнэт хотынхоо ирээдүй болсон хүүхэд багачуудад зориулан “Эрдэнэтийн ирээдүй өнгөтэй байна” уриан дорзургаан төрлийн уралдаан цахим орчинд зарласан. Төгөлдөр хуур сонирхогчдын “Эрдэнэтийн сонат”, дуу дуулаачдын “Ээждээ дуулъя”, “Эрдэнэтийн хүүхдүүд дуулж байна”, зураач багачуудын “Эрдэнэт үйлдвэр миний нүдээр” гар зургийн уралдаан тус тус зохиогдож байна. Харин гэр бүл рүү чиглэсэн “Жаргалтай 60 секунд”-гэр бүлийн бүжгийн уралдаан, “Хөгжилдөн хөгжимдье-ая эгшиглүүлэх уралдаан”-ыг зарласан. Ирэх долоо хоногт “Гэр бүлийн цаг” нэртэй нэгэн шинэ дуу мэндэлнэ. Энэхүү дуугаа “Аз жаргалтай уурхайчин гэр бүл” “чэлленж” болгон зарлаж, ирэх сарын 15-ныг хүртэл зохион байгуулна. Мэргэжлийн уран бүтээлчид тэмцээний шүүгчээр ажиллана. Шалгарсан хүүхдүүдийнхээ гэрт нь очиж бэлэг гардуулахаар төлөвлөж байна. Энэ дашрамд бидний үйл ажиллагааг дэмжсэн үйлдвэрийн Захиргаа, хүний нөөцийн бодлогын газар, Нийгмийн харилцааны хэлтэст талархал илэрхийлье.   -Уралдаанд оролцогчдын бүтээлийг хаана байршуулж байна вэ? -Бүх тэмцээн зэрэг эхэлсэн тул оролцогчдын бүтээлийг цахимаар хүлээн авч, фэйсбүүкийн “Соёл урлагийн цогцолбор-Эрдэнэт үйлдвэр ТӨҮГ” хуудсаараа олон нийтэд хүргэж байна. Төгсөлтийн баяр, Үндэсний их баяр наадамтай холбогдуулан тодорхой ажлууд хийхээр төлөвлөсөн зүйл бий. -Хүүхэд, багачуудад хандан юу хэлэх вэ? -Эрдэнэтийнхээ бүх гэр бүлд сайн сайхан бүхнийг хүсье. Манай уралдаанд оролцож амжаагүй хүүхдүүд байвал дараа дараагийн уралдаанд оролцох эрх нээлттэй шүү. Бид цар тахлын голомтод цаг наргүй ажиллаж байгаа хүчний байгууллага, эрүүл мэндийн салбарын ажилтан, албан хаагчдад зориулан “Эрдэнэт үйлдвэртээ, эх орондоо баярлалаа” гэсэн агуулгын дор томоохон концерт тоглохоор бэлтгэж байна. Уран бүтээлчид бид эерэг бүхнийг нийгэмд түгээх болно.         И.Чинтогтох Фото: Б.Баттөгс   Дэлгэрэнгүй...
  • Өглөөний сэргээш цуврал контент #21: Лувсандоржийн ЭНХТӨР

    Төгссөн сургууль: 1993 онд Улаанбаатар хотын Төмөр замын техникумыг цахилгааны техникчээр, 2006 онд Дархан хотын Техникийн дээд сургуулийг цахилгааны инженер мэргэжлээр төгсөж, 2009 онд КТМС-д Үйлдвэрлэлийн менежментээр магистрын зэрэг хамгаалсан. Мэргэжил: Цахилгааны инженер Ажилласан туршлага: 1993 онд Эрдэнэт үйлдвэрийн Засвар механикийн заводоос ажлын гараагаа эхэлсэн. Тэрбээр 27 дахь жилдээ Цутгуурын цехийн эрчим зүйчээр ажиллаж байна. Мэргэжил дээшлүүлсэн байдал: 2019 онд цахилгаан хангамжийн чиглэлээр Монгол Улсын Зөвлөх инженер цол хүртсэн. Чин хүсэл: Монгол Улсын эрчим хүчний салбарт шинэ тутам нэвтэрч буй сэргээгдэх эрчим хүчний хэрэглээг Эрдэнэт үйлдвэртээ “нутагшуулах” нь түүний чин хүсэл билээ. Үйлдвэрийнхээ шинийг санаачлагчдын тэргүүн эгнээнд бичигддэг түүний мэдлэг чадвар бодит хөрөнгө оруулалт болж, эрчим хүчний системтэй бодлогоор үйлдвэрлэлийн эдийн засгийн үр өгөөжийг нэмэгдүүлэх нь гарцаагүй. Том зорилгод цаг хугацаа хэрэгтэйг санаж, түүний хүсэл тэмүүлэлд ташуур өгөх нь зөв биз ээ. Хийх ажлаа эртнээс төлөвлөсөн тэрээр өнгөрсөн хугацаанд зүгээр суулгүй, ажлынхаа хажуугаар суралцах, мэдлэг чадвараа ахиулахад анхаарч ирсэн. 2018 онд Улаанбаатар хотноо зохиогдсон Сэргээгдэх эрчим хүчний форумд оролцож, МУИС-ын Сэргээгдэх эрчим хүчний тэнхимтэй танилцан, Эрдэнэт үйлдвэртээ судалгаа шинжилгээний ажил хийж хэрэгжүүлэх боломжийн талаар судалжээ. -Таны амьдралын сэргээш юу вэ, хэнээс, юунаас урам зориг, эрч хүч авдаг вэ? -Амьдралын сэргээш гэдэг зүйл аз жаргалтай гэр бүлээс эхлэх байх. Миний хувьд үр хүүхдүүд, халуун дулаан гэр бүлээсээ хамгийн их аз жаргалыг хүртэж, амьдралын сэргээш авдаг. Харин гар нийлсэн эвсэг хамт олноосоо ажил хийх урам зориг, эрч хүчээ авсаар өнөөдрийг хүрчээ. -Хийж байгаа ажлын тань онцлог юу вэ? -Эрчим хүчний салбарынхан бид үйлдвэрлэлийн тасралтгүй, найдвартай ажиллагааг хангахад мэдлэг боловсролоо дайчлан ажиллаж байна. Мэргэжлийн бус хүмүүсийн нүдээр харахад бид зүгээр суугаад байгаа мэт харагддаг байх. Гэтэл үйлдвэрлэл тасралтгүй, хэвийн явагдаж байгаа нөхцөлд бид хийх ёстой ажлаа хийж, гүйцэтгэх үүргээ биелүүлсэн гэж ойлгож болох юм. Энэ л бидний ажлын гол онцлог юм болов уу. -Та ойрын хугацаанд ямар ажил амжуулахаар төлөвлөж байна вэ? -Манай Засвар механикийн завод, тэр дундаа Цутгуурын цех энэ онд шинэ техник, технологи нэвтрүүлж байгаатай холбогдуулан тэдгээрийн холбогдох баримт бичиг, заавруудыг боловсруулах, засвар үйлчилгээний ажилтнуудыг сургаж бэлтгэх ажлуудыг төлөвлөн, шат дараатай ажлуудыг хийж хэрэгжүүлж байна. -Ажлаа илүү сайн хийхийн тулд та өөртөө ямар зорилго тавьж, хувь хүнийхээ хөгжилд анхаардаг вэ? -Ажлаа илүү сайн хийхийн тулд өөрийн бие бялдарт анхаарч, оюун санаагаа цэгцлэх үүднээс “update”хийхийг хичээдэг. Сардаа 1-2 удаа ажил руугаа алхаж байна. Мөн зав чөлөөтэй үедээ ном уншдаг. -Таны хамгийн том мөрөөдөл юу вэ? -Халуун ам бүлээрээ элэг бүтэн, эрүүл саруул амьдрах шиг том мөрөөдөл гэж амьдралд байхгүй байх аа. -Таны амьдралдаа авч байсан хамгийн сайн зөвлөгөө? -Амьдралын хамгийн сайн зөвлөгөөг аав ээж, хань минь өгдөг болохоор тэдгээр үгсийг бодол оюундаа тээж, мөрдлөг болгож явна. “Ажлыг битгий халтуурдаж хий. Хэрвээ халтуурдвал цаг хугацаа алдаж, чиний хөдөлмөр үр ашиггүй болно”, “Хүнд аль болох тусалж бай, харин тусалснаа хэзээ ч бүү ярь”, “Хүний итгэл дааж амьдар”, “Худал хуурмагаас хол байж, шударга яв”, “Ажил хийвэл хийсэн шиг хий. Хийж чадахгүй бол хийгээд хэрэггүй” гэх зэргээр дотроо бодож явдаг олон үг бий. -Одоо хийж буй ажил таны мөрөөдлийн ажил мөн үү? -Сурагч байхдаа “Би инженер болно” гэж боддог байлаа. Техникумд орсныхоо дараа хоёр өөр анги дамжиж байж цахилгааны анги руу ороход л санаа минь амарч билээ. Цахилгаанчид Монгол Улсын хөгжлийн түлхүүрийг атгаж яваа гэдэгт би итгэдэг. “Ильчийн гэрэл”-ийг эзэмшсэн мэргэжлээрээ бахархаж явдаг. -Эрдэнэт үйлдвэр таны харах өнцөг, үзэл бодол, итгэл үнэмшилд хэрхэн нөлөөлж байна вэ? -Дэлхийн шилдэг үйлдвэр  болох “Эрдэнэт үйлдвэр” хэмээх энэ айлын гишүүн болж,  үйлдвэр маань миний амьдралын нэгэн багш болж, өөрөө тэр түүхийн нэгээхэн хуудас нь болж яваадаа ямагт баярлаж, бахархдаг. Миний бие үйлдвэрийн үе үеийн ахмадууд, мөн үе тэнгийн найз нар, залуу дүү нартайгаа мөр зэрэгцэн, сайн сайхан ажиллаж хөдөлмөрлөж байгаа нь үнэн. Ер нь сайхан хөдөлмөрлөх сайхан шүү дээ. Хөдөлмөрийн үнэ цэнийг мэдрүүлдэг үйлдвэртээ хайртай. Дэлгэрэнгүй...
  • Өнөөдөр 05 дугаар сарын 29

    Мэдүүштэй... 1. Өнөөдөр жилийн 150 дахь өдөр. Он дуусахад 215 хоног үлдлээ. 2. Эрдэнэт хотод агаарын хэм өдөртөө +8 градус, шөнөдөө +0 градус дулаан, ялимгүй хур тунадастай, салхины хурд 6-7 м/сек байна. 3. Аргын тооллын 5 дугаар сарын 29. Сугар гараг. Билгийн тооллын шинийн 7.Сарын цээр, тэрсүүдийн өдөр. Өдрийн наран 4 цаг 59 минутад мандан, 20 цаг 40 минутад жаргана. Энэ өдөр хулгана, луу, бич, тахиа, хонь жилтнээ аливаа үйлийг хийхэд эерэг сайн. Харин бар, туулай жилтнээ сөрөг муу тул элдэв үйлд хянамгай хандаж, биеэ энхрийлүүштэй. Үйл бүхнийг хоригловол тус ихтэй, аливаа үйл үйлдвэл үр нь муу болой. Өдрийн сайн цаг нь нохой (19:40-21:40), хулгана (23:40-01:40), үхэр (01:40-03:40), луу (07:40-09:40), хонь (13:40-15:40) болой. Хол газар явагсад зүүн урд зүгт мөрөө гаргавал зохистой. Үс шинээр үргээлгэх буюу засуулахад хэл ам, хэрүүл тэмцэл ирэх муу тул цээрлэвэл зохилтой. 4.Дэлхийн зах зээл дээр нэг тонн зэс 5278 ам.долларын ханштай байна. (Эх сурвалж: www.lme.com) 5.Монгол банкны энэ өдрийн нэрлэсэн ханшаар АНУ-ын доллар 2804, евро 3075, БНХАУ-ын юань 391, ОХУ-ын рубль 39, Японы иен 26, БНСУ-ын вон 2.2 төгрөгтэй тэнцэж байна. (Эх сурвалж: www.gogo.mn)   Эрдэнэт үйлдвэрийн түүхэнд энэ сард... Асуулт: -Эрдэнэт үйлдвэрийн нэг гол цех болох технологийн автоматик ба тооцоолон бодох техникийн цехийн үйлдвэрлэлд гүйцэтгэж байгаа үүрэг юунд орших вэ? Хариулт: -Технологийн автоматик ба тооцоолон бодох техникийн цех гэсэн нэр зөвхөн цехийн нэр төдийгөөр хязгаарлагддаггүй. Энэ нэрийн цаана “Эрдэнэт” үйлдвэрийн удирдлагын автоматжуулсан систем (УАС)-ийн албан ажиллаж байдаг. Үйлдвэрийн УАС-ийг 1982 оны 04 дүгээр сарын 01-нд тус үйлдвэрийн тооцоолон бодох төвийг түшиглэн байгуулсан. Тус цех нь Тооцоолон бодох төв, Технологийн процессын удирдлагын автоматжуулсан систем, Хэмжих шалгах төхөөрөмж автоматикийн засварын хэсэг, Холбооны алба, Угсралт тохируулгын хэсэг гэсэн үндсэн 5 хэсгээс бүрддэг. Эдгээрээс ТБТ, ТПУАС нь үйлдвэрийн болон технологийн автоматжуулсан удирдлагыг хэрэгжүүлдэг.  (Эх сурвалж: “Монгол, Зөвлөлтийн хамтарсан уул уурхайн баяжуулах “Эрдэнэт” үйлдвэр: 100 асуулт, хариулт” номноос...)   Дэлгэрэнгүй...
  • Өнөөдөр 05 дугаар сарын 28

    Мэдүүштэй... 1. Өнөөдөр жилийн 149 дахь өдөр. Он дуусахад 216 хоног үлдлээ. 2. Эрдэнэт хотод агаарын хэм өдөртөө +17 градус, шөнөдөө +10 градус дулаан, аянга цахилгаантай аадар бороотой, салхины хурд 10-12м/сек байна. 3. Аргын тооллын 5 дугаар сарын 28. Бархасвад гараг. Билгийн тооллын шинийн 6. Лусын буулттай, цагаан морь өдөр. Өдрийн наран 5 цаг 00 минутад мандан, 20 цаг 39 минутад жаргана. Энэ өдөр туулай, гахай, бар жилтнээ аливаа үйлийг хийхэд эерэг сайн. Харин үхэр, луу, нохой, хонь жилтнээ сөрөг муу тул элдэв үйлд хянамгай хандаж, биеэ энхрийлүүштэй.  Насны, эдийн бүтээл, худалдаа хийх, мод тарих, тариалан тэргүүтэн дэлгэрүүлэх үйл, сургуульд сурах, номлох, хэвлэх, замд явах, санваар өгөх, шүтээн босгох, номын хурал байгуулах, хөрөнгө исгэх, бэрийн үйл, төрөх, буяны үйл, бурханд залбирах, хониноос ашиг шим авах, хот тосгон барьж эхлэх, мал гадагш өгөх, ажилчин авах, хурим найр хийх, андгай тангарагаас няцах, дайсныг номхруулах үйлд сайн. Өндөр суудалд сууж эхлэх, туг дарцаг хийсгэх, өвчин үзүүлэх, засуулах, эм уух, хануур, төөнүүр хийлгэх, эм найруулах, цэрэг хөдөлгөх, эд, мал гадагш өгөхөд муу. Өдрийн сайн цаг нь могой (09:40-11:40), бич (15:40-17:40), гахай (21:40-23:40), бар (03:40-05:40), туулай (05:40-07:40) болой. Хол газар явагсад зүүн урд зүгт мөрөө гаргавал зохистой. Үс шинээр үргээлгэх буюу засуулахад өнгө зүс сайжрах сайн. 4.Дэлхийн зах зээл дээр нэг тонн зэс 5308 ам.долларын ханштай байна. (Эх сурвалж: www.lme.com) 5.Монгол банкны энэ өдрийн нэрлэсэн ханшаар АНУ-ын доллар 2805, евро 3067, БНХАУ-ын юань 393, ОХУ-ын рубль 39, Японы иен 26, БНСУ-ын вон 2.2 төгрөгтэй тэнцэж байна. (Эх сурвалж: www.gogo.mn)   Эрдэнэт үйлдвэрийн түүхэнд энэ сард... Асуулт: -Дулааны станцын хүчин чадлын талаар танилцуулна уу? Хариулт: -Дулааны станц нь Эрдэнэт хот, үйлдвэр, албан газруудын дулааны эрчим хүчээр хангадаг. Зуух, түлш дамжуулах, хими цахилгаан засварын гэсэн үндсэн хэсэгт 200 гаруй хүн ажилладаг. БКЗ-75-39ФБ маркийн 1 цагт 440 градус С-ийн халуунтай, 40 ати даралттай 75 тонн уур үйлдвэрлэх хүчин чадалтай 6 зуухтай бөгөөд жилд 1078,6 мянган гкал дулаан үйлдвэрлэдэг. Үйлдвэрийн хэрэгцээнд 12 ати даралттай 250 градус С-ийн халуунтай уур өгдөг. Үүний зэрэгцээ хот, үйлдвэрт дулаан өгөх хоёр өөр дулааны шугам сүлжээтэй.  (Эх сурвалж:“Монгол, Зөвлөлтийн хамтарсан уул уурхайн баяжуулах “Эрдэнэт” үйлдвэр: 100 асуулт, хариулт” номноос...)   Дэлгэрэнгүй...
  • Хүний нөөцийн мэргэжилтнүүд ажил мэргэжил, ур чадварын түвшин тогтоох шалгалт өгч байна

    Эрдэнэт үйлдвэрийн Захиргаа, хүний нөөцийн бодлогын газраас хүний нөөцийн мэргэжилтнүүдийн дунд ажил мэргэжил, харилцаа хандлага, ур чадварын түвшин тогтоох шалгалтыг анх удаа зохион байгууллаа. “Эрдэнэт үйлдвэр” ТӨҮГ-ын Ерөнхий захирлын 2019 оны 12 дугаар сарын 25-ны өдрийн 1185 тоот тушаалаар үйлдвэрийн хэмжээнд ажиллаж буй хүний нөөцийн мэргэжилтнүүдийн дунд мэргэжил, ур чадварын шалгалт зохион байгуулахаар шийдвэрлэсний дагуу хүний нөөцийн мэргэжилтнүүд дөрвөн үе шаттай, мэргэжлийн шалгалт өгчээ. Өөрөөр хэлбэл, албан баримт бичгийн, онолын мэдлэг, ур чадвар, харилцаа хандлага тодорхойлох гэсэн дөрвөн чиглэлээр мэдлэгээ шалгуулж, хувь ажилтны хөгжлийн түвшинд дүн тавиулав. Шалгалтын зорилго нь Эрдэнэт үйлдвэрт ажиллаж буй хүний нөөцийн мэргэжилтнүүд мэдлэг, ур чадвар, хандлагын хувьд ямар түвшинд байгааг тодорхойлох, нөгөө талаас, шалгалтад бэлдсэнээр өөрсдийн мэдлэг мэдээллээ сэргээж бататгах, шинээр сурч, мэдлэгээ ахиулж, дээшлүүлэх боломжийг нээхэд чиглэгдэж байна. Ингэснээр, цаашид хүний нөөцийн чиглэлээр ямар бодлого хэрэгжүүлэх, хүний мэргэжилтнүүдийг хэрхэн сургаж, боловсруулах зорилтоо тодорхойлоход ач холбогдолтой юм. Шалгалтын ажлын хэсгийн бүрэлдэхүүнд Захиргаа, хүний нөөцийн бодлогын газар, Хуулийн хэлтэс, Дотоод хяналтын хэлтэс болон боловсрол, сэтгэл зүйн чиглэлийн төлөөллүүд оролцож, шалгалтын материал, асуумжийг мэргэжлийн өндөр түвшинд боловсруулсан байна.     М.Балжинням Фото: Б.Баттөгс Дэлгэрэнгүй...
  • Уурхайн цахилгаан хангамжийг сайжруулна

    Сүүлийн жилүүдэд, Ил уурхайн тоног төхөөрөмж шинэчлэгдэж хүчин чадал нь нэмэгдсэн, ажлын хүрээ тэлж, уурхай өргөссөнтэй холбоотой гадаад цахилгаан хангамжийн чадлыг нэмэх, цахилгаан дамжуулах агаарын шугамыг өргөтгөх, уулын ажлын хүрээнээс гаргах зайлшгүй шаардлага үүссэн. Эрдэнэт үйлдвэрийн Ил уурхайн гадаад цахилгаан хангамжийг сайжруулах ажлын тендерт “Энх өглөө” компани ялсан. Оны өмнөөс эрчтэй эхэлсэн уг ажил энэ сарын сүүлээр дуусах төлөвлөгөөтэй байсан ч “ковид-19” халдварын нөхцөл байдлаас шалтгаалан хоёр сараар хойшиллоо. Одоо Ил уурхай нийт 8 МВА-ийн чадал бүхий хоёр дэд станцтай. Гэтэл уурхайн тоног төхөөрөмжийн суурилагдсан чадал нь 12,5 болсон. Цахилгаан хангамжийн чадлын дутагдлыг тоног төхөөрөмжүүдийг оновчтой байрлуулах, нэг гаргалгаа дээрх ачааллыг тэнцвэржүүлэх зэргээр “аргалж” байна. Өргөтгөл хийгдэж дэд станцууд нэмэгдсэнээр нийт 32,6 МВА-ийн чадалтай болж, долоо байсан гаргалгаа 24 болж нэмэгдэх юм. Ингэснээр тоног төхөөрөмжүүдээ өөрсдийн хүссэн газар байрлуулан цахилгаанаар найдвартай хангах, цахилгаан дамжуулах агаарын шугамын гэмтэлгүй болох нөхцөл бүрдэх юм. Түүнчлэн Ил уурхайд мөчлөгт урсгалт тээврийн технологи нэвтрүүлэх цахилгааны эх үүсвэрийг эндээс шийдэх боломж нээгдэнэ.        М.Одгэрэл Фото: Б.Баттөгс Дэлгэрэнгүй...
  • “Эрдэнэт үйлдвэр” ТӨҮГ хэмнэлтийн бодлого хэрэгжүүлсний үр дүнд уурхайчдынхаа цалин, ахмадуудынхаа тэтгэмжийг нэмэгдүүлэх шийдвэр гаргалаа

    Дэлхийн зах зээлд зэсийн үнэ өнөөдрийн байдлаар, 2020 оны улсын төсөвт төлөвлөснөөс 600 орчим доллар тонноор доогуур байна. Коронавирусын цар тахал дэлхий нийтэд төдийгүй улс орны эдийн засагт эрсдэл үүсгэж байгаа энэ үед “Эрдэнэт үйлдвэр” ТӨҮГ цар тахлаас урьдчилан сэргийлэх, үүсээд байгаа хүндрэлийг даван туулах нэгдсэн хөтөлбөр гаргаж, шуурхай арга хэмжээ авч ажиллаж байна. Үүний үр дүнд техник технологио шинэчлэх замаар үйлдвэрлэлээ өсгөж, улс болон орон нутгийн төсөвт төвлөрүүлэх татвараа бууруулахгүйгээр, үйлдвэрлэл эдийн засгийн төлөвлөгөөт үзүүлэлтээ давуулан биелүүллээ. Уурхайчид коронавирусын цар тахлаас өөрийгөө болон гэр бүлээ, цаашлаад улс орноо хамгаалан, хүлээсэн үүргээ биелүүлэн ажиллаж байна. Эрдэнэт үйлдвэр эх үрсийн баярын өдрөөс эхлэн уурхайчдынхаа цалинг 10 хувиар, ахмадуудынхаа тэтгэмжийг 40 хүртэл хувиар нэмэгдүүлэн бэлэг барьж байна. МҮХАҮТ, Монгол Улсын Засгийн газартай хамтран жил бүр шалгаруулдаг ТОП-100 аж ахуйн нэгжүүдийг Эрдэнэт үйлдвэр энэ жил 18 дахь удаагаа манлайлснаа саяхан гардсан. “Эрдэнэт үйлдвэр” ТӨҮГ-ын уурхайчид 2019 онд улс, орон нутгийн төсөвт төвлөрүүлсэн татвар, эх орны хөгжилд оруулсан хувь нэмэр, нийгмийн хариуцлага зэрэг олон шалгуур үзүүлэлтийг тэргүүлж энэ шагналыг хүртсэн. Үйлдвэрийн газрын Ерөнхий захирал Х.Бадамсүрэнгийн санаачилгаар МҮХАҮТ-ын 2019 оны ТОП-10 аж ахуйн нэгжүүд улс, эх орны хөгжлийн асуудлаар уулзалт зохион байгуулах юм. Тэд Эрдэнэт үйлдвэрээс авч хэрэгжүүлж байгаа, ажлын байраа хадгалах, үйлдвэрлэлээ нэмэгдүүлэн, цалин урамшууллаа өсгөх сайн туршлагаас суралцаж, хамтдаа Монгол улсын Эдийн засгийг эрчимжүүлэх талаар санал солилцох юм байна. “ТОП-100 аж ахуйн нэгжүүдийг тэргүүлсэн нь уурхайчдад урам зориг өгч, цаашид “Эрдэнэт үйлдвэр” ТӨҮГ коронавирусын халдварын цар тахлын улмаас дэлхий нийтэд үүсээд байгаа санхүү, эдийн засгийн хүндрэлийг хэмнэлтийн бодлого, урьдчилан сэргийлэх оновчтой шийдлээр даван туулж чадна” хэмээн Ерөнхий захирал Х.Бадамсүрэн ил уурхайн ажил байдалтай танилцах үеэрээ онцолсон юм. Фото: Б.Баттөгс Дэлгэрэнгүй...
  • Өнөөдөр 05 дугаар сарын 27

    Мэдүүштэй... 1. Өнөөдөр жилийн 148 дахь өдөр. Он дуусахад 217 хоног үлдлээ. 2. Эрдэнэт хотод агаарын хэм өдөртөө +26 градус, шөнөдөө +2 градус дулаан, багавтар үүлтэй, салхины хурд 5-6 м/сек байна. 3. Аргын тооллын 5 дугаар сарын 27.Буд гараг. Билгийн тооллын шинийн 5. Лусын буулттай, цагаан морь өдөр. Өдрийн наран 5 цаг 01 минутад мандан, 20 цаг 38 минутад жаргана. Энэ өдөр бар, нохой, гахай жилтнээ аливаа үйлийг хийхэд эерэг сайн. Харин хулгана, могой, морь жилтнээ сөрөг муу тул элдэв үйлд хянамгай хандаж, биеэ энхрийлүүштэй.  Ном унших, замд гарах, эд юм бүтээх, бичиг зурхай зурах, ураг садан болох, худалдаа хийх, сүмийн тахил тахилга засах, өөрийн амьдралд тустай ажил хийх, бурханд залбирах, нөхрийг эрэх, хаад ноёд, ихэс дээдэст тангараг, амлалт гаргах, мал адгуус муулах үйлд сайн. Байр сууц тохижуулах, гэр барих, засах, морь худалдах, уралдуулах, улаан идээ авах, хатуу үйл ажил хийх, лам болох, ном сонсох, гадагш өгөх, хөрөнгө исгэх, үр цацах, модны үйл, үхэгсдийн үйлд муу. Өдрийн сайн цаг нь  морь (11:40-13:40), бич (15:40-17:40), хулгана (23:40-01:40), үхэр (01:40-03:40) болой. Хол газар явагсад зүүн зүгт мөрөө гаргавал зохистой.Үс шинээр үргээлгэх буюу засуулахад эд мал арвижих сайн. 4.Дэлхийн зах зээл дээр нэг тонн зэс 5341 ам.долларын ханштай байна. (Эх сурвалж: www.lme.com) 5.Монгол банкны энэ өдрийн нэрлэсэн ханшаар АНУ-ын доллар 2803, евро 3050, БНХАУ-ын юань 392, ОХУ-ын рубль 39, Японы иен 26, БНСУ-ын вон 2.2 төгрөгтэй тэнцэж байна. (Эх сурвалж: www.gogo.mn)   Эрдэнэт үйлдвэрийн түүхэнд энэ сард... Асуулт: -1974-1978 онуудад МХЗЭ-ийн илгээлт өвөртлөн, манай орны өнцөг булан бүрээс олон зуун залуучууд Эрдэнэтийг зорьсон. Энэ залуучууд өнөөдөр Эрдэнэт үйлдвэрийн туршлагатай ажилчид, халамжлан хүмүүжүүлэгчид болж өссөн нь мэдээж. Эдгээр залуучуудын заримын ажил үйлс, амьдрал, бүтээлээс танилцуулна уу? Хариулт:-1974-1978 онуудад МХЗЭ-ийн илгээлтээр Эрдэнэтийн бүтээн байгуулалтын үйлсэд оролцохоор манай орны 18 аймаг, хоёр хотоос ирсэн олон зуун залуучууд Эрдэнэт хот, үйлдвэрийг бүтээн босголцож, анхны барилгачдаас төрөл бүрийн мэргэжил эзэмшсэн ажилчид, инженер техникийн ажилтан болтлоо хөгжжээ. МХЗЭ-ийн илгээлтээр 1974 онд анх Эрдэнэтэд ирсэн 54 залуугийн 14 нь Эрдэнэт үйлдвэрт ажиллаж байгаагийн дотор хүдрийн ил уурхайн өрмийн машинч Доржийн Чойжид, Дашдоржийн Баатар, Баянсангийн Мишиграгчаа, Өлзийн Даваа, уурхайн засварчин Хятадын Пүрэвдорж, эксковаторын машинч Кушметийн Махмудхан, уулын технологийн тээврийн цехийн БелАЗ-ын жолооч Рэнжавын Оросоо, Равдандоржийн Жанчивдорж, жолооч Лхагвын Мишка, Барилга засварын цехийн цахилгаанчин Чойнхорын Мөнхбат, Орон сууц нийтийн аж ахуйн газрын үйлчлэгч Шушкений Кульзира, мөн 1974 оны МХЗЭ-ийн Төв хорооны зохион байгуулагч, анхны илгээлтийн залуучуудын ахлагчаар ажиллаж байсан, одоо уулын технологийн тээврийн цехийн ээлжийн дарга Даваагийн Пүрэвдорж нарыг онцлон дурьдаж болох юм. МХЗЭ-ийн илгээлтийн эзэн хүдрийн ил уурхайн өрмийн машинч Данзангийн Жаргалсайхан техникийн хүчин чадлыг бүрэн дүүрэн ашиглаж, хөдөлмөрийн гарамгай амжилт гаргасан учир 1988 оны 5-р сарын 16-ны өдөр БНМАУ-ын АИХ-ын Тэргүүлэгчдийн зарлигаар БНМАУ-ын Хөдөлмөрийн баатар цол, Сүхбаатарын одон, “Алтан соёмбо” медалиар шагнагдсан. Одоо Эрдэнэт хотын үйлдвэр, аж ахуй, соёл урлагийн төрөл бүрийн салбарт МХЗЭ-ийн илгээлтийн эзэн олон зуун залуучууд үр бүтээлтэй хөдөлмөрлөж байгаагийн дотор Эрдэнэт үйлдвэрт 200 шахам залуучууд ажиллаж, тэдгээрийн дийлэнх нь халамжлан хүмүүжүүлэгчид болсон.  (Эх сурвалж:“Монгол, Зөвлөлтийн хамтарсан уул уурхайн баяжуулах “Эрдэнэт” үйлдвэр: 100 асуулт, хариулт” номноос...) Дэлгэрэнгүй...
  • Шилдэг бүтээлийн эзэд ирэх сард тодорно

      Монгол Улсын эрчим хүчний сайд өнгөрсөн оныг “Ухаалаг эрчим хүч”-ний жил болгон зарласантай холдогдуулан Эрдэнэт үйлдвэрийн Ерөнхий захирал “Эрчим хүч-математик загварчлал” сэдвийн дор бүтээлийн уралдаан зарласан. Үйлдвэрийн газрын бүтцийн нэгжүүдэд шинийг санаачлан нэвтрүүлэх боломжтой болон нэвтрүүлж буй арга шийдэл, техник технологи, тоног төхөөрөмжийг таниулах, ажилтнуудын техникийн болон шинжлэх ухааны боловсролыг хөгжүүлэх, туршлага судлуулах, идэвх санаачилгыг өрнүүлэх, бүтээлч, шинийг эрэлхийлэгч ажилтнуудыг урамшуулах зорилго бүхий энэхүү уралдааны нэгдүгээр шатны шалгаруулалт өнгөрсөн долоо хоногт боллоо. Инновацийн сангийн найман сая төгрөгийн санхүүжилттэй уг уралдааныг өргөн хүрээнд, өндөр зохион байгуулалттай хийхээр төлөвлөсөн ч “ковид-19” халдварын үеийн нөхцөл байдлаас  шалтгаалан цомхон бүрэлдэхүүнтэй, хэсэгчилсэн байдлаар зохиогдов. Эрдэнэт үйлдвэрийн бүтцийн нэгж, хэсгүүдэд ашиглагдаж буй тоног төхөөрөмж, шугам сүлжээний оролтын параметрүүдийг математик загварчлал, компьютер симуляцийн аргаар боловсруулж дүн шинжилгээ хийх, ажилчдад орчин үеийн техникийн хөгжлийн чиг хандлагыг таниулах, тэдгээрийг үйлдвэрлэлд ашиглаж сурах идэвх санаачилга өрнүүлэх зорилготой уг уралдаанд хувь хүн, хамт олны 18 бүтээл иржээ. Ихэвчлэн, тоног төхөөрөмжийн гэмтэл саатлыг багасгах, найдваржилтыг өсгөх, хийц болон ажиллагааг оновчилсон, технологийн горим, түүний үзүүлэлтүүдэд чанарын өөрчлөлт оруулахыг эрмэлзсэн бүтээлүүд байв. Тэд бүтээлүүдийнхээ загвар, танилцуулга, үзүүлэнг видео бичлэг, гэрэл зураг, бодит үр ашгийн судалгаа ашиглан хийсэн байгаа нь сонирхол татсан. Нэгдүгээр шатны шалгаруулалтаас Дулааны цахилгаан станцын “ДЦС-ын хөрөнгө оруулалтын үнэлгээний DCF загвар”, мөн “ДЦС-ын үйлдвэрлэлийн ерөнхий ажиллагааг математик загвар ашиглан тооцоолол хийх симуляци программ”, Ус хангамжийн цехийн “Эргэлтийн усны горим”, мөн “Ус хангамжийн цехийн ус өргөх станцуудын насосны ажиллах горимыг оновчлох”, “Тоног төхөөрөмжийн ашиглалт, засвар үйлчилгээний бүртгэлийн программ”, Ил уурхайн “Цахилгаан эрчим хүчний чанарын хэмжилт, динамик загварчлал” гэсэн зургаан бүтээл дараагийн шатанд шалгарлаа. Ирэх сард эцсийн шалгаруулалт хийгдэж, түрүүлсэн бүтээлийн эзэд гурван сая, дэд байрт шалгарсан баг хоёр сая, гутгаар байр эзэлсэн хамт олон 1,5 сая төгрөгийн шагнал хүртэх юм. Харин тусгай байранд гурван бүтээл тунаж 500 мянган төгрөгийн урамшуулал хүртэнэ.     Мөн шинэ санаа, оновчтой бүтээлд тодорхойлох боломжтой бүтээлүүдийн эрхийг хамгаалах, зохиогчидтой хамтран ажиллах, үлгэрчлэн бусад газар нэвтрүүлэх асуудалд үйлдвэрийн газрын зүгээс анхаарч ажиллана гэж шүүгчид онцолсон. Уралдааны шүүгчдийн бүрэлдэхүүнд “Эрдэнэт үйлдвэр” ТӨҮГ-ын Ерөнхий захирлын нэгдүгээр орлогч бөгөөд Ерөнхий инженер Т.Батмөнх, Эрчим хүчний хэлтсийн дарга Ш.Төрбат, цахилгааны тэргүүлэх инженер Д.Энхтөгс тэргүүтэй удирдлагын багаас гадна ШУТИС-ийн багш, дэд профессор П.Ариунболор урилгаар ирж, шүүгчээр ажилласан юм. Тэд “Эрчим хүч-математик загварчлал” уралдаанд шинжлэх ухаанд суурилсан бүтээл түлхүү ирэх болов уу, гэж хүсэж хүлээсэн ч сайн саналын хэлбэрийн танилцуулга дийлэнх нь байсан учир дараагийн шатны шалгаруулалт хийхээр шийджээ. Бүтээл нь шалгарсан багийнхан дараагийн шатанд нарийн мэргэжлийн түвшинд ярилцлага өрнүүлж өрсөлдөнө. Ингээд ШУТИС-ийн багш, дэд профессор П.Ариунболортой цөөн хором ярилцлаа.      П.АРИУНБОЛОР: Эрдэнэт үйлдвэрт хиймэл оюун ухааны сүлжээ үүсэх боломжтой   -“Эрчим хүч-математик загварчлал” уралдаанд ирсэн бүтээлүүдийн чанар чансааны талаар та юу хэлэх вэ? -Юуны өмнө намайг чухал ач холбогдолтой энэ уралдааны шүүгчээр урьсанд баярлалаа. Уралдаанд ирсэн 18 бүтээл шинжлэх ухааны түвшинд хийгдсэн сайн ажлууд ч байна, зарим нь хөдөлмөр хөнгөвчилсөн, сайн санал санаачилга хэлбэрийнх ч байна. Бид шинжлэх ухааны үндэстэй, математик загвараар эрчим хүч хэмнэх, үйлдвэрлэлд эдийн засгийн ямар үр ашиг авчрах вэ, гэдэгт илүү төвлөрч авч үзлээ. Сайн бүтээл олон ирсэн болохоор шууд байр эзлүүлэхэд хэцүү байна. Тиймээс нэгдүгээр шатанд шалгарсан ажлуудыг дахин хэлэлцэж, мөн чанарыг нь илүү нарийн тодотгох хоёр дахь хэлэлцүүлэг хийхээр шийдвэрлэсэн. Би Эрдэнэт үйлдвэрийн инженерүүдээр маш их бахархаж байна. Эндээс Монгол Улсын хэмжээнд мөрдөх стандартууд гарах төлөвтэй. Мөн маш сайн докторууд төрж мэдэхээр байна. Залуус үйлдвэрлэлийнхээ горимыг, асуудлыг маш сайн мэдэж байгаа нь бахархал төрүүлсэн. Эрдэнэт үйлдвэрийг аж үйлдвэрийн дөрөвдүгээр хувьсгалд бэлтгэхэд математик аргачлал, тооцоолол сайн эзэмшсэн эдгээр залуусын хүч хөдөлмөр маш их гэдгийг өнөөдөр олж харлаа. Шинэ үеийн залуус сайн бэлтгэгдэж байгаа юм байна. Үйлдвэрлэлийн туршлага сайтай, ихэнх нь магистрын зэрэгтэй, судалгааны арга барил хэдийнээ эзэмшсэн залуус уралдаанд оролцлоо. Шүүгчийн хувьд Эрдэнэт үйлдвэрийн хэтийн зорилго- Үйлдвэрлэл, шинжлэх ухааны парк байгуулахад залуусын хувь нэмэр их, тэдэнд итгэж болно гэж хэлмээр байна.     -Эрдэнэт үйлдвэрийн Эрчим хүчний чиглэлийг авч яваа мэргэжилтнүүдийн ур чадвар, залгамж халааг та хэрхэн үнэлэв?  -Ер нь Эрдэнэт үйлдвэр залгамж чанар сайтай. Үйлдвэрлэлийн гол бодлогыг барьж яваа тулхтай мэргэжилтнүүдийнхээ удирдлага дор залуу үе нь хүмүүждэг, арга барилыг авдаг, уламжлал шинэчлэлийг хослуулсан залгамж холбоо үүссэн газар. Нэгэнт бий болсон уламжлалт холбоонд үндэслэн үйлдвэрийг цаашид улам автоматжуулаад, технологийг нь оновчтой горим руу шилжүүлээд ухаалаг болгох, яваандаа хиймэл оюун ухаан ажиллахад бололцоотой. Учир нь 40 гаруй жил ажилласан энэ үйлдвэрт өөрийн “бодит дата”-нууд бэлэн байгаа. Бүх өгөгдлүүдээ   ашиглаад, залгамж холбоогоо үргэлжлүүлээд, залуучуудаа боловсруулаад явахад дараагийн 10 жилд хиймэл оюун ухааны сүлжээ үүснэ гэдэгт итгэлтэй байна.  -Манай үйлдвэрийн газар эрчим хүчний асуудлаа хэр оновчтой шийдвэрлэсэн гэж үзэж байна?  -Эрдэнэт үйлдвэр дэлхийн хэмжээний уурхайн хувьд эрчим хүчний бодлого барьж байгаа хүмүүс нь монголд төдийгүй дэлхийд өндөр үнэлэгдэх мэргэжилтнүүд гэдэгт би огтхон ч эргэлзэхгүй. Сүүлийн үед цахилгаан эрчим хүч хэрэглэгчээс үйлдвэрлэгч болох том алхам хийсэн нь маш зөв шийдвэр байсан. Дээрээс нь янз бүрийн сэргээгдэх эрчим хүч яригдаж байна. Маш олон мэргэжилтэн доктор хамгаалчихсан судалгааны ажил хийж байна. Өөрөөр хэлбэл эрдмийн бүхэл бүтэн бүтээн байгуулалт өрнөж байгаа газар шинжлэх ухаан, технологийн тал дээр асуудал гарахгүй, Монгол улсын хэмжээнд тэргүүлэх байр сууриа алдахгүй болов уу.   -Сүүлийн үед Монголын эрчим хүчний салбарт ямар өөрчлөлт шинэчлэлт хийгдэж байгааг та ажиглаж байна?  -Бид Улаанбаатар, цаашлаад Монгол улсын эрчим хүчний өнөөгийн байдал, хэтийн төлөвийг байнга сонирхож байдаг. Жил ирэх тусам эрчим хүчний хэрэглээ асар их өсөж байна. Энэ нөхцөлд хэмнэлт маш чухал. Эрчим хүчний оновчтой төлөвлөлтүүд хийх ёстой. Хувьсах гүйдлээр эрчим хүч дамжуулж байсан бол одоо тогтмол гүйдлийн шугам сүлжээ, өндөр хүчдэл, смарт, кредит гээд ухаалаг сүлжээ бий болж байна. Үүнээс гадна энэ их үйлдвэрлэл, хорт хийн ялгарал дэлхийг туйлдуулж байгаа энэ үед бид эко орчин, сэргээгдэх эрчим хүчийг илүү түлхүү ашиглах ёстой. Монгол орны сэргээгдэх эрчим хүчний нөөц бололцоог харахад нар, салхины эрчим хүчний асар их нөөцтэй. Харин усны эрчим хүчний нөөц хомс. Яагаад гэхээр Монгол улс Азийн усны яг хагалбар дээр оршдог. Тэгэхээр бид цэнгэг усаа гамнах ёстой. Би бол мэргэжлийн хүн биш. Сонирхогчийн хувьд усан цахилгаан станц барих шийдвэрийг зөв гэж боддоггүй. Хамгийн ээлтэй хөгжих нь нар болон салхины эрчим хүч. Яваандаа био химийн эрчим хүчийг гаргах хэрэгцээ бий. Энэ их хог хаягдал байнга дулаан ялгаруулж байдаг шүү дээ. Хүмүүсийн хоолны үлдэгдэл, хаягдал энэ бүхнээр био химийн сэргээгдэх эрчим хүч гаргах боломжтой. Гэхдээ дулааны цахилгаан станц тэргүүлэх байр суурийг эзэлсээр байх болно. Түүнийг сэргээгдэх эрчим хүчээр тэжээж оновчлох асуудал нэн чухал.   -Манай уншигчдад, уралдаанд оролцсон залууст хандаж юу хэлэх вэ? -Өнөөдөр бол сурах эрин үе. Дээхэн үед бидэнд сурах бичиг олддоггүй байсан бол интернет хөгжсөн энэ цаг үед бүх хүмүүст шинжлэх ухааны хаалга нээлттэй. Хүн өөрөө хичээвэл ямар ч амжилтад хүрэх боломж нөхцөл бүрдсэн. Янз бүрийн программ хангамж бий болчихлоо. Залуу хүмүүс амжилтад хүрэх хоёр л зам бий. Англи хэлтэй байх, үндсэн мэргэжлээ маш сайн мэдэж, өөрийн болгох. Цаашид эрдмийн ажилтан болох гэж байгаа бол математик суурьтай байх ёстой. Түүнээс гадна дэлхий нийтэд эмэгтэй инженерүүдийг илүү дэмжих болсон. Учир нь эмэгтэй хүмүүс шинжлэх ухаан, технологийн салбарт орж ирснээр дэлхий ертөнц өөрөөр хөгжиж эхэлсэн. Дан эрчүүд байсан бол дэлхий хогондоо дарагдаж, дайн тулаан түлхүү болох байсан байх. Гэтэл эмэгтэйчүүд шинжлэх ухаан, технологийн салбарт хүч түрэн орж ирснээр илүү их инновацийг бий болгосон. Хүн нэг хэрэглэсэн бол тэр ая тухтай, ашигтай шинж чанарыг мэдээд буцаад тэр хэрэглээнээсээ гарч чадахгүй мөнгө төлдөг бүтээгдэхүүнийг инноваци гээд байгаа шүү дээ. Тэгвэл  инновацийг ихэвчлэн эмэгтэйчүүд гаргаж байна. Яагаад гэхээр эмэгтэйчүүд хүүхдээ асарч байна, эмнэлэгт өвчтөн асарч байна. Өөрсдийн мэдэрч байгаа зовлонг техникээр дамжуулан хүнд хүртээж байгаа учраас инноваци бий болоод байгаа юм. Сүүлийн үед эрүүл мэндийн салбарт маш ихээр инноваци бий болсон. Тэгэхээр охидыг инженерчлэлийн чиглэлээр суралцаасай гэж хүсдэг. Тэгвэл монгол сайхан хөгжих боломж бий. Дэлхийн технологи ороод ирлээ, интернет нээлттэй байна, хөгжихөд хязгаар үгүй боллоо. Хүн хэдий чинээ зүтгэнэ төдий чинээ сайхан амьдрах боломж нээгдсэн. Тийм учраас бүү залхуур, суралц гэж хэлмээр байна. -Баярлалаа.     М.Одгэрэл Фото: Б.Баттөгс   Дэлгэрэнгүй...
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305

Warning: file_exists() expects parameter 1 to be a valid path, string given in C:\inetpub\wwwroot\erdenettoday\libraries\joomla\filesystem\path.php on line 305
Мэдээ

    “Эрдэнэт үйлдвэр” ТӨҮГ-ын Тээвэр ложистикийн төвд 200 гаруй сая төгрөгийн өртөг бүхий удирдлагын самбар суурилуулж, тоног төхөөрөмжийг шинэчиллээ. Тэртээ 40 жилийн өмнөөс ашиглаж ирсэн удирдлагын самбараа шинэчилснээр сэлгээний ажил хурдасч, илүү найдвартай ажиллагааг хангах боломж бүрдсэнийг холбогдох мэргэжлийн хүмүүс онцолсон. Тээвэр, ложистикийн төв нь эдүгээ ачаа хүлээн авах, явуулах дөрвөн гол зам, ачаа буулгах, сэлгэх 30 салбар замтай. Эдгээр зам дээр хийгддэг галт тэрэгний болон сэлгээний хөдөлгөөнийг жижүүрийн удирдлагын самбараас хянаж, удирдлага тохируулга хийсээр иржээ. Тус төв нь экспортын эцсийн бүтээгдэхүүн болох зэс, молибдены баяжмалыг илгээх, компанийн зогсолтгүй үйл ажиллагааг хангахад шаардлагатай импортын ачаа болон үйлдвэрт нийлүүлэгдэж буй бүх төрлийн материал, сэлбэг хэрэгсэл, тоног төхөөрөмжийг хүлээн авах, зориулалтын агуулах талбайд нөөцлөх, хүлээлгэн өгөх, сэлгээ хийх, төмөр замын тээвэрлэлт, агуулахын үйл ажиллагааг хангах зэрэг үйл ажиллагаа явуулдаг.

И.Чинтогтох
Фото: Б.Баттөгс


 

   “Эрдэнэт үйлдвэр” ТӨҮГ-ын Залуучуудын холбооны санаачилгаар, тус холбооны 20 жилийн ойн хүрээнд УБТЗ, ИНЕГ, “ДЦС-4” ТӨХК гэсэн дөрвөн байгууллагын залуучууд оролцсон “Залуусын манлайлал-хөгжлийн гарц” уулзалт энэ сарын 7, 8-ны өдөр Эрдэнэт хот, Орхон аймагт зохион байгуулагдлаа. Тус уулзалтад 80 гаруй төлөөлөгч оролцож, хамтдаа хөгжлийн тухай ярилцаж, суралцан, хамтран ажиллах дөрвөн талд санамж бичиг байгуулсан байна. Тэд Эрдэнэт үйлдвэрийн үйлдвэрлэлийн үйл ажиллагаатай мөн танилцав.
   "Эрдэнэт үйлдвэр" ТӨҮГ-ын Залуучуудын Холбоо, УБТЗ-ын Залуучуудын байгууллага, ИНЕГ-ын Залуучуудын Холбоо, “ДЦС-4” ТӨХК-ийн Залуучуудын холбоо оролцсон уулзалтын үеэр "Өөрийгөө шинэчлэх хүч" сэдэвт илтгэлийг “JCI Mongolia academy”-ийн багш, илтгэгч Ч.Анхбаяр тавьж залуусын дунд нээлттэй хэлэлцүүлэг зохион байгууллаа.

У.Цэрэнбат

   Төрийн байгууллагуудын ажлын зохион байгуулалт, архив, албан хэрэг хөтлөлтийн талаарх хууль тогтоомжийн хэрэгжилтийг хянан шалгах улсын комисс энэ сарын 10-наас Эрдэнэт үйлдвэрт ажиллаж байна. Улсын үзлэг шалгалтын дүнд архив, албан хэрэг хөтлөлт, төрийн байгууллагын ажлын зохион байгуулалтад гарч байгаа ажлын ололт, дутагдлыг үнэлэхээс гадна илэрсэн зөрчил, алдааг засч арилгуулах, мэргэжил аргазүйн зөвлөгөөгөөр хангах юм.
   Сүүлийн жилүүдэд архивын баримт мэдээллийн үүрэг эрс нэмэгдсэнтэй холбогдуулан бичиг баримтын бүрдүүлэлт, бүрэн бүтэн байдал, хадгалалт хамгаалалтад улсын үзлэг явуулах шаардлагтай хэмээн үзэж, 1995 оноос хойш дөрвөн жил тутамд тус шалгалтыг зохион байгуулж иржээ. “Эрдэнэт үйлдвэр” ТӨҮГ-ын Ерөнхий захирлын тушаалаар үзлэг шалгалттай холбогдуулан Захиргаа, хүний нөөцийн бодлогын газар, Хуулийн хэлтэс, Эдийн засгийн бодлогын хэлтэс, Холбоо, мэдээллийн технологи, автоматжуулалтын цех, Худалдаа, хангамжийн хэлтэс, Архивын албанаас төлөөлөл оролцсон ажлын хэсэг байгуулагдан ажиллаж байна.

И.Чинтогтох
Фото: Б.Баттөгс

 

   “Эрдэнэт үйлдвэр” ТӨҮГ-ын Хөдөлмөрийн аюулгүй байдал, эрүүл ахуйн хэлтсийн Эрүүл ахуйн алба энэ онд “Эргономик”, “Үйлдвэрлэлийн орчны гоо зүй”, “Сонсгол хамгаалах хөтөлбөр”, “Витаминжуулалт буюу ажилчдыг эрдэсжүүлэх” гэсэн дөрвөн аян хэрэгжүүлэхээр болсон. Энэ хүрээнд ажлын байрны орчин нөхцөл, эмх цэгцийг сайжруулж, барилга байгууламжийн өнгө үзэмжийг сэргээн, ногоон байгууламж нэмэгдүүлэх зорилготой “Үйлдвэрлэлийн орчны гоо зүй” аян дөрөвдүгээр сарын нэгнээс амжилттай хэрэгжиж байна. Шилдэг бүтээн байгуулалт хийж, орчноо тохижуулсан оролцогчдыг дөрвөн үзүүлэлтээр дүгнэж, аяны шилдгүүд Хөдөлмөр нийгмийн хамгааллын яамнаас зарласан “ХАБЭА-2019” үйл ажиллагаанд оролцох юм.

И.Чинтогтох
Фото: Б.Баттөгс


 

   Тасралтгүй үйл ажиллагаатай Эрдэнэт үйлдвэр жилд нэг удаа “Их зогсолт” хийж,  техник, тоног төхөөрөмжөө засварлан бүрэн бүтэн, аюулгүй байдлыг хангадаг.  Энэ жилийн “Их зогсолт”-ыг 6 дугаар сарын 29-ний өдрийн 20 цагаас 7 дугаар сарын нэгний 20 цаг хүртэл 48 цагийн хугацаанд зохион байгуулна. “Их зогсолт”-ын бэлтгэл ажил Ерөнхий захирлын тушаалын дагуу оны эхнээс эхэлсэн. Бэлтгэл ажлын явцыг сайжруулж, эрчимжүүлэх зорилгоор Ерөнхий захирлын нэгдүгээр орлогчийн удирдлага дор ажлын хэсэг долоо хоног тутам ажлаа дүгнэж, нарийвчилсан төлөвлөгөө гаргасан. Өнөөдрийн байдлаар, их зогсолтод шаардлагатай бүх ажлын жагсаалт гарч, хүн хүчний хуваарилалт хийгджээ. Мөн энэ үеэр шаардагдах сэлбэг хэрэгсэл, бараа материалыг Худалдан авалт, хангамжийн хэлтсээс энэ сарын 15-20-ны дотор багтаан бүрэн нийлүүлэхээр ажиллаж байна.
   “Их зогсолт” нь богино хугацаанд их ажил гүйцэтгэдэгээрээ  онцлогтой. Бүтэн жилд  зогсолтгүй, нөөцгүй ажилладаг тоног төхөөрөмж, барилга байгууламжид бүрэн засвар, үйлчилгээ хийнэ. Тиймээс ажлын хүрээ өргөн, ачаалалтай байдаг тул гадны байгууллагуудаас ажиллах хүч нэмж авах шаардлагатай болдог. Энэ чиглэлээр байгууллагуудтай гэрээ хийж, “Их зогсолт”-ын ажиллах хүчин бэлэн болжээ.

М.Балжинням
Фото: Б.Баттөгс

   Дулааны улирал эхэлсэнтэй холбоотойгоор Баяжуулах үйлдвэрийн Шүүн хатаах хэсэгт техникийн шинэчлэл, барилга засвар, шинэ тоног төхөөрөмжийн угсралт, суурилуулалтын ажил явагдаж байна. Энэ талаар тус хэсгийн дарга А.Машбаяр: “5-р сарын 17-27-нд ачилтын хэсгийн 189-р кранд их засвар хийлээ. Кран одоо хэвийн ажиллаж байна. Мөн Ачилтын хэсэг дээр  барилгын металл хийцийн хүчитгэлийн ажил хийж буй бөгөөд одоо 70 гаруй хувийн гүйцэтгэлтэй явна. Долоо хоног бүрийн пүрэв гарагт хийдэг энэ ажлыг “Их зогсолт”-ын өмнө дуусгахаар ажиллаж байна. Краны их засвар, барилгын металл хийцийн хүчитгэлийн ажлуудыг үйлдвэрлэлийн төлөвлөгөөнд тасалдал гаргалгүйгээр хийхэд анхаарч зохион байгуулалт хийсэн. Молибдены даралтат шинэ шүүлтүүр суурилуулах техникийн шийдлүүдээ хийж дууслаа. Зураг төслийн ажлыг Инженерийн зураг төслийн төв хийж байна. Их зогсолт 6-р сарын 29-ний 20 цагаас 7-р сарын 1-ний 20 цаг хүртэл үргэлжилнэ. Энэ үеэр, зогсолтгүй ажиллагаатай тоног төхөөрөмжүүдийн засвар үйлчилгээг чанартай хийхээр бэлтгэлээ базааж байна” гэв.

Я.ТУЯА
Фото: Б.БАТТӨГС

   Баяжуулах үйлдвэрт хэрэгжиж буй “Супер 5 сайн үйлс”  хөтөлбөрийн хүрээнд инженер техникийн 23 ажилтан Дархан-Уул аймаг, Улаанбаатар хотын компаниудаас туршлага судлаад иржээ. Энэ талаар тус цехийн бүтээмжийн менежер Л.Уранцэцэгтэй ярилцлаа.

   - “Супер 5 сайн үйлс”  хөтөлбөрийн зорилго, энэ хүрээнд ямар ажил хийхээр төлөвлөж байгаа  тухай та эхлээд ярина уу?
   - Энэ нь Баяжуулах үйлдвэрийн бүтээмжийн үйл ажиллагааны үр дүнг ахиулах, инженер техникийн ажилтнуудын оролцоонд тулгуурлан 5 сайн үйлсийг хэвшүүлэхэд чиглэсэн хөтөлбөр юм. Тавдугаар сард эхэлсэн энэ хөтөлбөр зургаан сар үргэлжлэх юм. Хөтөлбөрийн хүрээнд ИТА-дад 5С-ийн анхан, ахисан түвшний сургалт явуулна. Мөн бусад байгууллага, цех хэсгээс туршлага судлуулна, зөвлөгөө өгч чиглүүлнэ. Түүнчлэн хэсэг бүр дээр 3-5 инженер техникийн ажилтан оролцуулан баг бүрдүүлж, ажлын байранд үнэлгээ хийж, сайжруулах ажлын төлөвлөгөө гарган хэрэгжүүлнэ.

   - Баяжуулах үйлдвэрт ажлын байрны сайжруулалт хамгийн сайн түвшинд хүрсэн гэж ойлгодог?
  
- Тодорхой түвшинд хүрээд зогсонги байдалтай болсон. 5С гэдэг бол ажлын байрны сайжруулалтын дээд түвшин. Тэгвэл манайд 2С, 3С түвшний ажлын байрууд ч бий. Үүнийг бид 5С түвшинд хүргэх зорилготой.

   - Хөтөлбөрийн хүрээн дэх ажлаа юунаас эхлэв?
  
- Хамгийн эхэнд бүх инженер техникийн ажилтныг 5С-ийн анхан шатны сургалтад хамруулж байна. Хичээлийг ЗМЗ-ын бүтээмжийн менежер  зааж байгаа. Саяхан манай хэсгүүдийн удирдлагууд болох 23 хүн Дархан, Улаанбаатар хотын компаниудад туршлага судлаад ирлээ.

   - Тухайлбал...?
 
- Дарханы ДЦС, Улаанбаатар хотын ДЦС-4, Хасу мегаватт, Мөнхийн үсэг компанид туршлага судалж, Монголын бүтээмжийн төвд сургалтад хамрагдсан. Туршлага судалсан компаниуд нь Эрдэнэт үйлдвэрээс туршлага судлан нэвтрүүлж байсан бол одоо бүгд олон улсын чанарын удирдлагын тогтолцоо ISO стандартуудыг бүрэн нэвтрүүлж, Монголдоо төдийгүй Ази Номхон далайн бүс нутагт “Загвар” байгууллага болсон байна.

   - Компаниудын  ажлын байрнаас  ямар зүйлийг онцолж харав?
 
- Дарханы ДЦС-д ажлын байр, тоноглол, өрөө тасалгааны хаягжилтыг стандарт шаардлагын дагуу бүрэн хийжээ. Ажилчдаа ил тод үнэлж урамшуулах юм. Сар бүр ХАБ, бүтээмжийн шилдэг ажилчдын зургийг коридорын самбарт байршуулж, зураг нь хамгийн олон тавигдсан ажилтан гадаадад туршлага судлах эрхээр шагнуулдаг юм байна. Бүх ажлын байр /233/-ны жагсаалт гарган 5С-ийн хэрэгжилтийг оноогоор дүгнэж, өнгөөр ялган үүдэнд байрлуулсан нь содон санагдсан. Мөн коридор галерейг үзэмжтэй цэцэгжүүлсэн, алдрын булан байгуулсан нь тав тухыг мэдрүүлж байлаа. Түүнчлэн ээлжийн дарга, оператор, ажил хүлээлцэх өрөө  шилэн   хаалга,  ханатай  байгаа нь гаднаас хянах боломж бүрдүүлжээ. Бидэнд үйл ажиллагаагаа танилцуулсан инженерийн ярианаас эднийхэн бүтээмжийн үр өгөөж, ач холбогдол, мөн чанарын тухай маш сайн ойлголттой болох нь ажиглагдсан. Тэрээр ХАБ, бүтээмж  нь нэгдмэл үйл ажиллагаа гэдгийг онцолсон. ISO стандарт нэвтрүүлснээр байгууллагын бүхий л үйл ажиллагаа стандартын шаардлагад нийцсэн байх хэрэгцээг хангаж, журмуудыг нэгтгэсэн нь ихээхэн үр дүнтэй талаар ярьсан.
   Улаанбаатар хотын ДЦС-4-д ISO стандарт нэвтрүүлснээр байгууллагын дотоод журмыг хялбар болгосон тухай станцын мэргэжилтэн тайлбарласан. Үүнтэй холбоотой удирдах ажилтнуудын сургалт ихээхэн үр дүнтэй болохыг онцлон ярьсан. Цайны цагаар ажилладаг аялгуут усан оргилуур нь ажилчдын алжаал ядаргааг тайлахад чухал нөлөөтэй санагдсан. Бүх дүрэм журам, зааврыг нэгдсэн сантай болгон цэгцэлсэн нь нэвтрүүлэхүйц туршлага байсан. “Хасу мегаватт” компани цахилгаан эрчим хүчний тоног төхөөрөмж угсарч, суурилуулдаг, Оюу толгой төслийн төмөр хийц бэлтгэдэг юм байна. Эдний  харьяа Герман, Монголын хамтарсан сургалт үйлдвэрлэлийн төвд суралцаж буй  гагнуурчид  ган төмрөөр  маш сайхан урлаж  байна. Тэнд суралцсан хүмүүсээс дэлхийн ур чадварын тэмцээнд  томоохон амжилтуудыг үзүүлсэн бөгөөд гадныхан ч ажиллаач гэж урьдаг  гэсэн.

   - Бүтээмжийн үйл ажиллагаатай  ISO стандарт яагаад холбогдож байгаа вэ?
  
- Чанарын удирдлагын тогтолцоо ISO стандарт 10 үндсэн бүлэгтэй  бөгөөд түүний нэг нь  “Сайжруулалт” юм. Энэ бүлэг нь тэр чигтээ бүтээмжийн үйл ажиллагааг харуулна.  Манай үйлдвэр дээр ХАБ, Хүний нөөц, Бүтээмжийн журам  тусдаа явдаг. Энэ олон журмыг нэгтгээд уг стандартын шаардлагад нийцүүлэх боломжтой. Тэгэхлээр манай Баяжуулах үйлдвэр тогтолцоондоо энэ стандартыг нэвтрүүлэх  хэрэгцээ шаардлага байна.

   - Та бүхэн “ганзага дүүрэн”  ирсэн байх. Хэрэгжүүлж болохуйц санаанаасаа хуваалцана уу?
 
- Бүтээмжийн үйл ажиллагааг тасралтгүй сайжруулан, олон улсын ISO стандартуудыг нэвтрүүлэх, сургалт зохион байгуулах хэрэгтэй байна. Байгууллагын үүх түүх, түүхэн үзмэр, алдартнуудын булан, музей, цахим сантай танилцах, дурсгалын зураг татуулах танхимтай болох хэрэгтэй байна. Үүнийг Мэдээлэл хөгжлийн танхимын 2-р давхрыг өргөтгөх эсвэл галерейн зай талбайг ашиглан тохижуулж болох юм. “Хасу мегаватт”-ын сургалтын төвд гагнуурчдыг Германы дэвшилтэт технологитой танилцуулж  дадлагажуулах сургалтад хамруулах хэрэгтэй байна. Бид эдгээр компанид, өмнө нь “Оюутолгой”-д топ менежерийн хувцастай очсон. Бидний ихэнх нь ийм хувцасгүй  болохоор хүний хувцас өмсөж явсан. Биднийг хаана ч маш хүндэтгэлтэй хүлээж авсан. Тийм болохоор ИТА-ыг  Эрдэнэт үйлдвэрийнх гэдгийг илтгэх топ менежерийн цамцтай болговол зүгээр санагдсан.

Я.ЭНХТУЯА
Фото: Б.БАТТӨГС

   Баяжуулах үйлдвэрийн техникийн шинэчлэлийн хүрээнд Дулаан агааржуулалтын хэсэгт хийн үлээгүүрийн машин, агаар шахах компрессорыг шинэчлэх ажил явагдаж байгаа. Энэхүү шинэчлэлийн  явцын талаар тус хэсгийн дарга Ш.Болдоос тодрууллаа.

   - Хийн үлээгүүрийн машиныг яагаад шинэчлэх болов?
  - Хуучин машин маань хосолмол секцийн үед тавигдсан, 17 жил ажиллаж үндсэн үүргээ биелүүлсэн. Хүчин чадлыг нэмэгдүүлэх шаардлагын үүднээс  шинэчлэл хийж байна. Ингэхдээ  хийн үлээгүүрийн 171, 172-р машины хүчин чадлыг хоёр дахин өсгөж, Францын Continental industrie фирмийн Blower type-700.05 маркийн агаар үлээх машинаар сольж байна. Энэ нь Францын Лион хотод үйлдвэрлэсэн дэлхийн шилдэг тоног төхөөрөмж  юм.

   - Уг машины угсралт одоо ямар түвшинд явна?
   - Үйлдвэрийн Ерөнхий инженерийн баталсан төлөвлөгөөний дагуу угсралтын ажил энэ оны 3-р сарын сүүлчээр эхэлсэн. Бид 6-р сарын 12-нд угсарч дуусгахаар шамдаж байна. Угсралтын ажил 90 хувьтай явна. Бид энэ амралтын өдрүүдэд уртасгасан цагаар ажиллана. 6-р сарын 12-ноос Continental Industrie фирмийн шиф инженер Испани, Италиас мэргэжилтнүүд ирж, механик болон цахилгааны тохируулгын ажил хийж, манай ажилчдад зориулсан сургалт хийнэ.

   - Хийн үлээгүүрийн машиныг суурилуулснаар ямар ач холбогдолтой вэ?
  - Нэгд, технологийн процессын удирдлага боловсронгуй болж хүчин чадал нэмэгдэнэ. Энэхүү бүрэн автомат хийн үлээгүүрийн машиныг суурилуулснаар агаарын хүлээн авалт, хуваарилалт жигд болж, хөвүүлэн баяжуулах машины хэвийн ажиллагааг найдвартай хангана. Агаарын даралтыг тооцсон хэмжээнд барьж, баяжуулах машины хөөсөн бөмбөлөг жигд барьснаар технологийн процессын давуу талыг өсгөнө. Хоёрт, цахилгаан эрчим хүчний хэмнэлттэй. Нөгөөтэйгүүр энэ хийн машины нэг давуу тал нь их бие болон татах, шахах хоолойдоо дуу намсгагчтай, шуугианы хамгаалалттай, хөргөлтийн системтэй. Иймээс ажлын байрны чимээ, шуугиан зөвшөөрөгдөх хэмжээнд хүртэл буурна. Үүгээрээ ажилчдын эрүүл мэндэд таатай нөхцөл бүрдэнэ.

   - Эдийн засгийн хувьд хэмнэлт гарах уу?
   - Зэс, молибдены баяжуулалтад чухал нөлөөтэй технологийн процесс жигд явах боломжтой, мөн цахилгаан эрчим хүчний зарцуулалт бага зэргээс хөрөнгө мөнгө хэмнэх боломжтой.

   - Мөн танай хэсэгт  Atlas Copco фирмийн компрессор суурилуулж байна. Энэ тоног төхөөрөмж өмнөхөөсөө юугаараа давуу талтай вэ?
   - ОХУ-д үйлдвэрлэсэн ВЦ-32 маркийн компрессорыг Atlas Copco фирмийн ZH-800 компрессороор сольж байна. Технологийн процессыг хийн автоматаар удирдах системд чухал үүрэгтэй бөгөөд хүчин чадал нь өмнөхөөсөө 30 хувиар өснө. Ингэснээр үйлдвэрлэлийн хэвийн ажиллагааг хангах боломж бүрдэж байгаа юм. Бүрэн автомат удирдлагатай, эрчим хүчний хэмнэлттэй энэ төхөөрөмж суурилуулснаар технологийн процессын найдвартай ажиллагаа сайжирна, зардал хэмнэгдэнэ.

   - Шинэ компрессор хэзээ ашиглалтад орох вэ?
  - Угсралт, тохируулгын ажил дууссан. Нийлүүлэгч компаниас хөргөлтийн систем, сэлбэгийн нийлүүлэлтийн ажил хүлээгдэж байна. Үүнийг нийлүүлбэл ирэх 7 хоногт дуусна. Ингээд “Atlas Copco”-ийн  мэргэжилтэн ирж туршилт тохируулга хийж, ажлын горимд шилжүүлнэ. Бид энэ сарын 15-нд ашиглалтад өгөхөөр төлөвлөж байна. 2008 онд ZH 7000-6-8 маркийн 127м3/мин, 2010 онд ZH-10000-4-8 маркийн 150м3/мин компрессор суурилуулсан. Одоо энэ фирмийн гурван  компрессортой болж, Баяжуулах үйлдвэрийн технологийн процессыг хийн автомат удирдлагаар найдвартай хангах боломж бүрдэж байна.

   - Шинэ тоног төхөөрөмжүүдийн угсралт, суурилуулалтыг хаанахын ажилчид гүйцэтгэв?
  - Угсралт тохируулгын томоохон энэ ажлыг Инженерийн зураг төслийн төв, Засвар угсралтын, Барилга засварын, Цахилгааны цехүүд, Баяжуулах үйлдвэрийн Эрчим зүйн алба, Дулаан агааржуулалтын хэсэг, Цахилгаан хөтлүүр автоматикийн хэсгийн ажиллагчид оролцож, төлөвлөсөн хугацаанд мэргэжлийн өндөр түвшинд,  чанартай гүйцэтгэж байгаа чадварлаг үндэсний мэргэжилтнүүдээрээ бахархаж байна.

Я.ЭНХТУЯА
Фото: Б.БАТТӨГС

   "Эрдэнэт үйлдвэр” ТӨҮГ-ын урт хугацааны тогтвортой, өрсөлдөх чадварыг хангах үүднээс үйл ажиллагааны шинэчлэлийн хөтөлбөрийг боловсруулж, амжилттай хэрэгжүүлж байна. Энэ нь бүтцийн нэгжүүдийн үйл ажиллагааны реинженеринг, чанарын удирдлагын тогтолцооны шаардлага, үйлдвэрийн ашигт ажиллагааны түвшинг ханган ажиллах гэсэн гурван үндсэн чиглэлтэй хөтөлбөр юм. Хөтөлбөрийн үр дүнд бүтцийн нэгжүүдийн бие даах чадвар сайжирч, хөрөнгө оруулалтын өгөөж нэмэгдэн, ажлын бүтээмж оновчтой болохын зэрэгцээ ажилчдын бүтээлч сэтгэлгээ дээшилж, Эрдэнэт үйлдвэрийн үр ашиг нэмэгдэнэ. Өнгөрсөн онд Эрдэнэт үйлдвэр улсын төсөвт 655 тэрбум төгрөг төвлөрүүлсэн бөгөөд уурхайчид оны эхний 5 сарын үзүүлэлтээр төлөвлөгөөгөө 100-112 хувиар давуулан биелүүлээд байна.

И.Чинтогтох
Фото: Б.Баттөгс

   УБТЗ-ын Эрдэнэт зангилааны хамт олон 163 дугаар гармыг жишиг болгон засварлажээ. Ингэснээр тус гармаар зорчих иргэд болон ердийн хөсөг, тээврийн хэрэгсэл, галт тэрэгний аюулгүй ажиллагааг бүрэн хангаж байна. Эрдэнэт зангилаа 2016 онд 164 дүгээр гарам, 2017 онд Орхонтуул, 2018 онд Бэлэндалайн зөрлөг дээр жишиг гарам байгуулж байсан бол өнөөдөр шинээр жишиг гарам ашиглалтад орууллаа.
   Олон улсын төмөр замуудын холбоо 2009 оноос Гармын мэдлэг дээшлүүлэх олон улсын өдрийг тэмдэглэж эхэлсэн бөгөөд Монгол улс 2013 оноос энэ ажилд нэгдэн орсон юм. Энэхүү гармаар Эрдэнэт үйлдвэрийн бүтээгдэхүүн дэлхийн зах зээлд хүрч, бусад ачаа эргэлт, зорчигч тээвэр тасардаггүй тул өндөр ач холбогдолтой ажил болсныг нээлтэд оролцогчид онцоллоо. Гармын нээлтэд төмөр замчдаас гадна Орхон аймгийн 25 дугаар цэцэрлэгийн авъяаслаг багачууд оролцож, ая дуугаа өргөсөн.

И.Чинтогтох
Фото: Б.Баттөгс

 

Мэдээний төрөл

Календарь

« 6-р сар 2019 »
Да Мя Лх Пү Ба Бя Ня
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Зургийн цомог