×

Анхааруулга

JUser: :_load: Unable to load user with ID: 927

Мэдээ

 

УИХ, Засгийн газрын гишүүн, БСШУС-ын сайд Ц.Цогзолмаа өнөөдөр Эрдэнэт үйлдвэрийн дэргэдэх Технологийн сургуульд ажлын уулзалт хийж, тус сургуулийн үйл ажиллагаатай танилцлаа. Уулзалтын үеэр сургуулийн захирал С.Давааням Технологийн сургуульд тулгамдаж буй асуудлууд, ойрын хугацаанд хийхээр төлөвлөж буй ажлаа танилцуулав. 
Уулзалтын дараа БСШУС-ын сайд Ц.Цогзолмаа Технологийн сургуулийн хичээлийн байр, судалгааны лаборатори болон номын сангийн үйл ажиллагаатай танилцав.
   БСШУС-ын сайд Ц.Цогзолмаа хэлэхдээ,”Монгол улсын ирээдүйн хөгжлийн чиг хандлага нь олон тулгуурт эдийн засгийн бодлого юм. Түүний дотор уул уурхайн салбарт чиглэгдсэн эдийн засгийн үр ашигтай бодлогыг явуулах нь тодорхой. Тийм ч учраас Зууны манлай бүтээн байгуулалт болсон “Эрдэнэт үйлдвэр”- ийн дэргэдэх 40 гаруй жилийн түүхтэй, үйл ажиллагаа нь тогтворжсон Технологийн сургуулийн статусыг тодорхой болгох асуудал хамгийн чухал юм” гэв.

  Д.Пүрэвжаргал

“Эрдэнэт” үйлдвэрийн 17 бүтцийн нэгжийн 1040 ажилтныг хамруулсан байгууллагын соёлын судалгаа 2017 онд хийгдсэн. Үүгээр удирдах ажилтнууд ажилчидтайгаа харилцан ойлголцож, тэдний бүтээлч санаачилгыг дэмжин, ажлын гүйцэтгэл, цаашдын өсөлт, хөгжлийн талаар ярилцаж, итгэл төрүүлж, үлгэр дуурайлал үзүүлэн, хамтран нэг баг болж, үр дүнтэй ажиллах тал дээр илүү чадваржих шаардлагатай гэж уурхайчид дүгнэсэн. Тиймээс үйлдвэрийн анхан шатны удирдах ажилтан болох мастеруудын манлайлах ур чадварыг дээшлүүлэх зорилгоор “Мастерын манлайлал” хөтөлбөр компанид хэрэгжиж байна. Тус хөтөлбөрт оролцогчдын сонгон шалгаруулалт энэ сард эхэллээ. Компанийн хэмжээнд 40 мастерыг хоёр үе шаттайгаар сонгон шалгаруулна. “Мастерын манлайлал” хөтөлбөрт оролцогчдын өргөдлийг компанийн дотоод сүлжээний http://172.16.1.2/dcrt/  хаягаар нэвтэрч “Инновации” цэснээс цахим хэлбэрээр татан авах боломжтой. Цаасан хэлбэрээр өргөдөл гаргах бол энэ сарын 6-ны өдрийг хүртэл цехийн хүний нөөцийн мэргэжилтэнд хүлээлгэн өгөх юм. Эхний шат болох өргөдлийн сонгон шалгаруулалтанд тэнцсэн мастерууд энэ сарын 11-13-ны өдрүүдэд хоёр дахь шат болох ярилцлаганд оролцоно.

 

У.Цэрэнбат

            Компанийн хэмжээнд өрнөдөг бүтээмжийн хөдөлгөөний хүрээнд бий болсон сайжруулсан загвар, бүтээлийн үзлэг тооллого үндсэн дөрвөн цех болон, Геологи хайгуулын анги, Чанар хяналтын хэлтэст явагдаж байна. Түүх сөхвөл, “Эрдэнэт” үйлдвэр 1978 онд ашиглалтанд орсноос хойш ажилчдын гаргасан шинэ бүтээл оновчтой саналыг үйлдвэрлэлд нэвтрүүлж, үр ашгийг нь тооцон, урамшуулж ирсэн. Дараа нь 1979 оноос Шинэ бүтээл, оновчтой саналын бүртгэлийн системийг нэвтрүүлж, өнөөдрийн байдлаар шинжлэх ухааны үндэслэлтэйгээр бүтээмж, инновацийн хөдөлгөөн болтлоо өргөжин хөгжиж байна. “Эрдэнэт” үйлдвэрийн ажилчдын гаргасан санал нь хуучин тоног төхөөрөмжүүдийг шинэчлэх, эрчим хүч хэмнэх, импорт орлох бараа бүтээгдэхүүн, сэлбэг хэрэгсэл хийх, хөдөлмөрийн аюулгүй ажиллагаа, нөхцөл сайжруулах, шинэ технологи нэвтрүүлэх зэрэг байдаг. Өнөөдрийн байдлаар нийт 4733 санал бүртгэгдсэнээс 85.5% хувийг ашигтай загвараар баталгаажуулан үйлдвэрлэлд нэвтрүүлжээ.  

У.Цэрэнбат

 

Эрдэнэт үйлдвэр ХХК-ийн

Олон нийттэй харилцах албаны цахим хуудас

           

 

 

Зургийн цомог