Эрдэнэт мэдээ

   

×

Анхааруулга

JUser: :_load: Unable to load user with ID: 927

Нийгэм

Олон улсын эмэгтэйчүүдийн эрхийг хамгаалах өдрийг угтаж “Эрдэнэт” үйлдвэрт ажилладаг Алдарт эхийн I, II одонтой 40 гаруй ээж Нийслэлийг зорьж UBS телевизийн “Сайн уу? Сайнаа” ток шоу нэвтрүүлэгт оролцлоо. Энэхүү нэвтрүүлгийн онцлох зочноор буюу гол ярилцагчаар “Эрдэнэт” үйлдвэрийн Эмэгтэйчүүдийн холбооны дарга З.Жаргалмаа, Авто тээврийн байгууллагын Хөнгөн тэрэгний тээврийн хэсгийн жижүүр Ц.Цолмонтуяа, Тээвэр ложистекийн албаны Ачиж буулгах хэсгийн краны машинч Я.Оюунтунгалаг, Эрчим хүчний цехийн Цэвэрлэх байгууламжийн насосны машинч С.Бадмаараг нар уригдаж амьдрал ахуй, ажил үйлсээрээ дамжуулан компаниа сурталчлав. Мөн С1 телевизийн “Ээжүүд” нэвтрүүлэгт Чанар хяналтын хэлтсийн чанар шалгагч Д.Урантуяа, Орон сууцны хэсгийн ахлах тогооч Б.Дайриймаа нар оролцож өөрийн амьдралын талаар болон “Эрдэнэт” үйлдвэр ажиллагсдынхаа нийгмийн асуудалд хэрхэн анхаардаг талаар ярилцлага өрнүүлсэн юм.    

Энэ үеэр Алдарт эхчүүд төрийн ордноор зочилж, үйл ажиллагаатай танилцан УИХ-ын гишүүн О.Содбилэгийн хүндэтгэлийг хүлээн авч зоог барив. Энэхүү аялалыг “Эрдэнэт” үйлдвэрийн Эмэгтэйчүүдийн холбоо санаачлан компанийн удирдлагуудын дэмжлэгээр амжилттай зохион байгуулсанд одонтой ээжүүд талархаж байлаа. Эмэгтэйчүүдийн баяраар Алдарт эхчүүдэд хүндэтгэл үзүүлэх үйл ажиллагаа ийнхүү хоёр дахь жилдээ амжилттай хэрэгжиж уламжлал болон тогтож байна.

М.ОДГЭРЭЛ

 

Уул уурхайн салбарыг сүүдэр мэт дагадаг аюул ослыг тэглэх алсын хараа буюу Vision Zero хөдөлгөөнд нэгдэх, хөдөлмөрийн аюулгүй байдал эрүүл ахуйд сайн туршлагыг түгээхээр “Эрдэнэт үйлдвэр” ХХК, “Оюутолгой” ХХК-тай хамтран уул уурхайн томоохон форумыг Эрдэнэт хотноо зохион байгуулах гэж байна. Энэхүү уулзалт нь “Нэн түрүүнд ХАБ-Хамтын оролцоо-2018” нэрийн дор энэ сарын 29, 30-ны өдөр болох юм. Форумын хүрээнд Монгол улсын уул уурхайн томоохон хөрөнгө оруулагч болох “Эрдэнэт” үйлдвэрийн хамт олны өнгөрсөн 40 жилийн хугацааны алдаанаас суралцсан туршлагыг отгон үйлдвэрүүдэд түгээхээс гадна олон улсад сайн туршлага болсон орчин үеийн чиг хандлагын талаар уул уурхайн салбарынхан уулзалдана. Энэ нь Орхон аймагт энэ сард зохион байгуулагдах томоохон үйл явдал болж байгаа бөгөөд яамд, Засгийн газрын хэрэгжүүлэгч агентлагууд, уул уурхайн компаниудын төлөөлөл болох 450 хүн оролцох юм. “Нэн түрүүнд ХАБ-Хамтын оролцоо-2018” форум нь “Эрдэнэт” үйлдвэрийн 40 жилийн ойд зориулсан ач холбогдол бүхий томоохон ажлуудын нэг болж байна.

У.Цэрэнбат

 

Эрдэнэт үйлдвэр ХХК-ийн

Олон нийттэй харилцах албаны цахим хуудас

           

 

 

Зургийн цомог