×

Анхааруулга

JUser: :_load: Unable to load user with ID: 927

Баяжуулах үйлдвэрийн конвейрийн машинч Б.Уранчимэг яруу найргийн “Хүрэл өвс” номоо хэвлүүлжээ Онцлох

28 11-р сар 2016 12:00
1138 удаа үзсэн

     Баяжуулах үйлдвэрийн конвейрийн машинч Б.Уранчимэгийн  “Хүрэл өвс”  шүлгийн номын баяр боллоо. Номын баярыг Баяжуулах үйлдвэрийн захиргаа, тус цехийн Эмэгтэйчүүдийн холбоо, Үйлдвэрчний эвлэлийн хороо хамтран зохион байгуулжээ. Яруу найрагч Б.Уранчимэгийн “Хүрэл өвс” шүлгийн ном хоёр дахь удаагаа хэвлэгдэж байгаа юм байна. 1995 онд энэ номынхоо анхны хэвлэлтийг өлгийдөж авч байсан бол өдгөө шинэ шүлгээр баяжуулсан “Хүрэл өвс-2” ном нь уншигчдын гар дээр очиж байгаа юм. Тэрээр ихэвчлэн хайрын сэдвээр шүлгээ бичдэг бөгөөд хүүхэд байхаасаа яруу найраг сонирхож эхэлжээ. “Хүрэл өвс” номын баярыг Их зохиолч Д.Нацагдоржийн мэндэлсний 110 жилийн ойд зориулан тэмдэглэж байгааг уг арга хэмжээний зохион байгуулагчид онцоллоо. Номын баярын үйл ажиллагаанд Д.Нацагдоржийн шагналт, МЗЭ-ийн хорооны шагналт, зохиолч Б.Батрэгзэдмаа, МЗЭ-ийн хорооны шагналт, зохиолч Б.Сарантуяа нар урилгаар оролцож, “Бидний сэтгэлээс урсах уран үгс” сэдвээр уран бүтээлийн яриа өрнүүлсэн юм. Шинэ номын баярын үйл ажиллагаанд Орхон аймгийн зохиолч, яруу найрагчид оролцсон бөгөөд энэ үеэр дээрх зохиолчдын шинэ уран бүтээлээр номын  үзэсгэлэн гаргасан байна.

 

 

 

Үнэлэх
(0 Саналууд)

Сэтгэгдэл бичих

Уншигчдын бичсэн сэтгэгдэлд erdenettoday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

 

Эрдэнэт үйлдвэр ХХК-ийн

Олон нийттэй харилцах албаны цахим хуудас

           

 

 

Зургийн цомог