Цахим хуудас

Цахим хуудас


Notice: Undefined property: JObject::$description in C:\inetpub\wwwroot\erdenettoday\templates\ts_newsline\html\com_k2\templates\default\user.php on line 59
Цахим шуудан: This email address is being protected from spambots. You need JavaScript enabled to view it.

Эрдэнэт үйлдвэрийн эцсийн бүтээгдэхүүн болох зэс, молибдены баяжмалыг гаалийн бүрдүүлэлт хийж гадагш нь үддэг Тээвэр ложистикийн төвийн Ачаа тээврийн хэсгийнхэн Гаалийн газрын мэргэжилтнүүдтэй ажлаа дүгнэлээ. Тус төвийн Ачаа тээврийн хэсгийн ачаа вагон хүлээлцэгч нар төмөр замын үндсэн ажлынхаа зэрэгцээ зэсийн болон молибдены баяжмалыг экспортод гаргах гаалийн мэдүүлэг бүрдүүлэлт хийдэг. Зөрчлийн тухай хууль мөрдөх болсон энэ цаг үед хариуцлага маш өндөр гэдгийг тэд энэ үеэр онцлов. Хэрэв ачаа вагон хүлээлцэгч гаалийн бүрдүүлэлт бичихдээ үсэг, тоо, цэг таслал алдсанаас буцаалт хийсэн тохиолдолд Эрдэнэт үйлдвэрийг торгодог. Тиймээс экспортын ажилд гаалийн мэргэжилтэн зайлшгүй хэрэгтэй гэдэгт хоёр тал санал нэгддэг. Энэ асуудал уулзалтын үеэр дахин хөндөгдөв. Оны эхний хагас жилд тус хэсгийнхэн 811 вагон зэсийн баяжмал ачих төлөвлөгөөтэй ажиллаж байна. Сүүлийн үед технологийн ачаа, импорт өсөх хандлагатайбайгаа аж. 

М.Одгэрэл

Фото: Б.Баттөгс

Энэ оны хөрөнгө оруулалт, техник шинэчлэлийн хүрээнд Авто тээврийн цехийн Технологийн тээврийн авто засварын хэсэгт шинээр ирсэн Белаз-75131 маркийн өөрөө буулгагч таван автомашиныг угсран өнгөрсөн лхагва гарагт ажилд гарган хүч сэлбэлээ. Уг Белазуудыг  Технологийн тээврийн авто засварын хэсгийн хамт олон өөрсдийн хүчээр угсарч, хугацаанаас нь өмнө ашиглалтад хүлээлгэн өгчээ. Шинэ Белазууд ажилд гарснаар парк ашиглалт болон техникийн бэлэн байдлын коэффициент  тодорхой хэмжээгээр өсөх бөгөөд уулын цул тээвэрлэлтийн төлөвлөгөөг бүрэн биелүүлэх таатай нөхцөл бүрдэв. Одоогоор Ил уурхайгаас 130 тонны даацтай 31 тээврийн хэрэгсэл уулын цул тээвэрлэж байна.  

Т. Батчулуун

Фото: Б.Баттөгс

Мэдүүштэй...

1. Өнөөдөр жилийн 166 дахь өдөр. Он дуусахад 199 хоног үлдлээ.

2. Эрдэнэт хотод агаарын хэм өдөртөө +28 градус, шөнөдөө +14 градус дулаан, аянга цахилгаантай бага зэргийн аадар бороотой, салхины хурд 4-6 м/сек байна.  

3. Аргын тооллын 6 дугаар сарын 15. Сумъяа гараг. Билгийн тооллын 25. Шарагчин үхэр өдөр. Өдрийн наран 4 цаг 52 минутад мандан, 20 цаг 53 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн. Эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, байшингийн суурь тавих, угаал үйлдэхэд муу. Өдрийн сайн цаг нь бар (03:40-05:40), туулай (05:40-07:40), могой (09:40-11:40), бич (15:40-17:40), нохой (19:40-21:40), гахай (21:40-23:40) болой. Хол замд явах хүн баруун зүгт мөрөө гаргавал зохистой.Үс шинээр үргээлгэх буюу засуулахад тохиромжгүй.

4. Монгол банкны энэ өдрийн нэрлэсэн ханшаар АНУ-ын доллар 2813, евро 3196, БНХАУ-ын юань 397, ОХУ-ын рубль 40, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn)

5. Дэлхийн зах зээл дээр нэг тонн зэс 5785 ам.долларын ханштай байна. (Эх сурвалж: www.lme.com)

 

Эрдэнэт үйлдвэрийн түүхэнд энэ сард...

1983 оны 06 дугаар сар

  • -Эрдэнэтийн хивсний комбинат Булган аймгийн Бугат сумын нутагт ээлжиндээ 75 хүн хүлээн авах хүчин чадалтай “Бугат” амралтыг барьж, ашиглалтад оруулав.
  • -БНМАУ-ын Сайд нарын Зөвлөл “Эрдэнэт хотын талаар авах зарим арга хэмжээний талаар” тогтоол гаргав.

1984 оны 06 дугаар сар

  • -Эрдэнэт хотын АДХ-ын Гүйцэтгэх захиргааны 54 дүгээр тогтоолоор хотын төвлөрсөн ус хангамжийн эх булагт ашиглагдаж Сэлэнгийн дагуу байрлаж байгаа 10 худаг буюу 1, 2, 3, 4-р ус өргөгч станц, усан сан, өрөмдмөл худгуудыг ариун цэвэр, хамгаалалтын 1-р бүсэд хамруулж, эргэн тойрон 50 метр хашаа хайс, харуул манаатай болгохыг холбогдох байгууллагуудад даалгажээ.
  • -БНМАУ байгуулагдсаны 40 жилийн ойд зориулан БНМАУ-д зохиосон соёлын өдрүүдийн үйл ажиллагаанд оролцсон “Люблин” чуулгын жүжигчид Эрдэнэт хотод зочлон тогложээ.
  • ЗХУ-ын Төлөвлөгөөний комиссын орлогч дарга С.А.Павлов тэргүүтэй төлөөлөгчид Улаанбаатарт хүрэлцэн ирж, Эрдэнэт үйлдвэрийн бүтээгдэхүүний үнэ өртөг, ашгийн асуудлаар хэлэлцэн зарим тохиролцоонд хүрэв.

Төгссөн сургууль:

2002 онд Монгол Улсын Их сургуулийн Математик компьютерын сургууль

 Мэргэжил:

 Хэрэглээний математикч

 Ажилласан туршлага:

2002-2004 онд Хэнтий аймгийн ХААН банкинд тооцооны төвийн ня-бо, теллер, ахлах теллер, 2004 оноос Эрдэнэт үйлдвэрийн Технологийн автоматжуулалт ба тооцоолон бодох техникийн цех буюу одоогийн Холбоо, мэдээллийн технологи, автоматжуулалтын цехэд програм зохиогч инженер, өгөгдлийн сангийн дизайнч, системийн шинжээчээр ажиллаж байна.

Мэргэжил дээшлүүлсэн байдал:

2011 онд Москва хотод “LabWare” программын сургалт, 2012 онд Токио хотод IBM компанид туршлага судлах, 2016 онд Улаанбаатар хотод Мэдээлэл Холбооны сургууль “IOS програмчлал”,  2017 онд “Мэдээллийн системийн аюулгүй байдал, хөгжүүлэлт” ажлын байран дээрх сургалт, 2018 онд “Visial studio, Net component, Java, MVC  вэб технологи” ажлын байран дээрх сургалт

Чин хүсэл:

Цаг үргэлж суралцаж, өөрийгөө дайчилсан тэрбээр мэдлэг боловсролоо Эрдэнэт үйлдвэрийнхээ хэрэгцээтэй салбарт зорилж яваа нэгэн. Тэр ажлаа илүү сайжруулахыг хүсдэг. Тиймдээ ч уул уурхайн салбарт хүний гар ажиллагааг хөнгөвчилсөн олон олон программын шийдлийг нэвтрүүлэхээр эрэлхийлж, судалж яваа. Харин түүний дотоод сэтгэл энэ дэлхийн гэрэлт наран болсон бяцхан үрсийн төлөө цохилдог. Хүүхдүүдэд зөв үлгэр дуурайл үзүүлж, тэдний төлөө бага гэлтгүй зүйлсийг хийж, амьдралд нь чадах чинээгээрээ гэрэл гэгээ нэмж, хайр түгээж амьдрахыг тэр хүсдэг. Эрдэнэтийн гэх тодотголтой брэнд болсон хүүхэлдэйн кино бүтээх нь түүний чин хүсэл билээ.

-Таны амьдралын сэргээш юу вэ, хэнээс, юунаас урам зориг, эрч хүч авдаг вэ?

-Амьдрал минь өөрөө сэргээш. Туулж өнгөрүүлсэн мөч бүхэн, алдаа оноо, баяр гуниг, ирээдүйд намайг хүлээж байгаа тааварлашгүй бүхэн миний сэргээш юм даа.

Зөв амьдрах ухааныг зааж өгсөн өвөө, эмээгээсээ, хатууг зөөллөх хайрын дээд ээж ааваасаа, зүрхний нандин холбоосоор гагнагдсан насны түшиг ханиасаа, хайрын минь үргэлжлэл, удмын хэлхээ үрсээсээ, баяр хөөрийг минь үржүүлж, гуниг зовлонг минь нимгэлдэг анд найзуудаасаа, асар хурдацтай хөгжиж буй мэдээллийн эрин зуунтай хөл нийлүүлэн алхах чадварлаг хамт олноосоо, Монгол гэдгээрээ дэлхийд гайхуулж байгаа хүчирхэг хүмүүс, авьяаслаг хүүхдүүд гээд олон хүнээс эрч хүч урам зориг авна.

Бас шиврээ бороотой өдөр, тунгалаг горхи, гол, нуур гээд амьдралын эх болсон уснаас ихээхэн эрч хүч авдаг даа.

-Хийж байгаа ажлын тань онцлог юу вэ?

-Үйлдвэрийнхээ үнэт баялаг болох мэдээллийн санг бүрдүүлж, боловсруулалт хийж, өнгөрсөн одоог харьцуулан, ирээдүйг төлөвлөх программ хангамжуудыг зохиож, тооцоолоход төвөгтэй, цаг хугацаа шаарддаг ажлуудыг хөнгөвчлөн, ажилтнуудын хөдөлмөрийн бүтээмжийг дээшлүүлэхэд ихээхэн хувь нэмэр оруулдаг. 

Мөн аливаа үйл ажиллагаа, үйлдлийн эхлэл, логик холбоос, дараалал, үр дүнг урьдчилан тооцоолж, биет бус зүйлсийг хийсвэрлэн сэтгэж, төсөөлөх чадварууд, байнга өсөн дэвжиж, өөрийгөө дайчилж тэмүүлж байхыг шаарддаг онцлогтой.

-Та ойрын хугацаанд ямар ажил амжуулахаар төлөвлөж байна вэ?

-Энэ зуныг өрнүүн их ажлаар угтаж байгаа болохоор яаралтай хийж гүйцэтгэх олон захиалгат ажлаа хугацаанд нь дуусгах төлөвлөгөөтэй байна. Мөн зав зайгаараа судалгаа, туршилт хийж өөрийгөө сэргээнэ дээ.

-Ажлаа илүү сайн хийхийн тулд та өөртөө ямар зорилго тавьж, хувь хүнийхээ хөгжилд анхаардаг вэ?

-Ажлаа сайн хийх гол түлхүүр нь сайн төлөвлөлт гэж боддог. Биеэ дайчлан, хамт олноосоо байнга суралцаж, шинэ зүйлсийг туршиж судлан, өөрийгөө байнга идэвхжүүлэхийг эрмэлздэг. Эрүүл биед саруул ухаан оршино гэсэн үгийг мөрдлөг болгож, оюуны ачааллаа зохицуулж, амралтын өдрүүдээ идэвхтэй өнгөрөөхийг хичээдэг.

-Таны хамгийн том мөрөөдөл юу вэ?

-Би багаасаа л их мөрөөдөмтгий байсан. Олон том мөрөөдөлтэй. Эхний ээлжинд компьютер график судалж, хүүхэлдэйн кино бүтээхийг мөрөөдөж байна.

-Таны амьдралдаа авч байсан хамгийн сайн зөвлөгөө юу вэ?

-Ямар ч бүтэлгүйтэл, муу зүйлийг өөдрөг, сайн талаас нь харах боломж байдгийг ойлгож авсан.

-Одоо хийж буй ажил тань таны мөрөөдлийн ажил мөн үү?

-Хүүхэд байхдаа компьютер дээр суугаад, уран бүтээлийнхээ амтанд орж улайран сууж байна гэж өөрийгөө төсөөлдөг байлаа. Төсөөлж байсан уран бүтээлээ биш ч гэлээ өөр нэгэн төрлийн бүтээлүүдийг гарган, улайран сууж байгаагаас харахад мөрөөдлийн ажилдаа орсон бололтой.

-Эрдэнэт үйлдвэр таны харах өнцөг, үзэл бодол, итгэл үнэмшилд хэрхэн нөлөөлж байна вэ?

-Бүтээлч, эрч хүчтэй, чадварлаг, хийж байгаа ажилдаа эзэн нь болсон үйлдвэрийн ажилтнуудаа, тэдний хийж бүтээсэн бүгдийг өдөр тутам харахад Монголын минь ирээдүй гэрэл гэгээтэй төсөөлөгддөг.

 

Мэдүүштэй...

1. Өнөөдөр жилийн 162дахь өдөр. Он дуусахад 203 хоног үлдлээ.

2. Эрдэнэт хотод агаарын хэм өдөртөө +12градус, шөнөдөө +7градус дулаан, ялимгүй хур тунадастай, салхины хурд 5-6м/сек байна.

3. Аргын тооллын 6 дугаар сарын 11.Бархасвадь гараг. Билгийн тооллын шинийн 21.Хөхөгчин тахиа өдөр. Өдрийн наран 4 цаг 53 минутад мандан, 20цаг 51 минутад жаргана. Тухайн өдөр могой жилтнээ аливаа үйлийг хийхэд эерэг сайн ба үхэр, луу жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Энэ өдөр архи уух, тамхи татах, сэтгэл муутайнтай нөхөрлөх зэргийг цээрлэх хэрэгтэй ба лусыг тахих, хагалгаа хийлгэх, гэр бүрэхэд сайн. Мод суулгах, зөвлөгөөн хийх, сэтгэлд сэвтэй газар очиход муу. Өдрийн сайн цагнь хулгана (23:40-01:40), бар (03:40-05:40), туулай (05:40-07:40), морь (11:40-13:40), хонь (13:40-15:40), тахиа (17:40-19:40) болой.Хол газар явагсад баруун хойш зүгт мөрөө гаргавал зохистой.Үс шинээр үргээлгэх буюу засуулахад тохиромжгүй.

4.Монгол банкны энэ өдрийн нэрлэсэн ханшаар АНУ-ын доллар 2810, евро 3167, БНХАУ-ын юань 396, ОХУ-ын рубль 40, Японы иен 26, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn)

5.Дэлхийн зах зээл дээр нэг тонн зэс 5801 ам.долларын ханштай байна. (Эх сурвалж: www.lme.com)

 

Эрдэнэт үйлдвэрийн түүхэнд энэ сард...

1976 оны 06 дугаар сар

  • Монгол-Зөвлөлтийн хамтарсан уул уурхайн баяжуулах Эрдэнэт үйлдвэрийн Зөвлөлийн Vхуралдаан Улаанбаатар хотноо болж, жилд 4.0 сая зэсийн хүдэр боловсруулах үйлдвэрийн эхний ээлжийн цогцолборын зураг төслийг батлав.
  • Зөвлөлтийн мэргэжилтэн жолооч А.В.Струнников, В.П.Горошко, Г.Г.Музыка илгээлтийн эзэн жолооч Б.Гонгоржав, Б.Авирмэд, Р.Баянмөнх нар “Краз256” маркийн хүнд даацын ачааны автомашин хамтран эзэмшиж байхдаа Эрдэнэтийн бүтээн байгуулалтын талбарт манай орны түүхэнд анх удаа өрнөсөн “Найрамдал-Дружба” багийг байгуулжээ.
  • ЗХУКН-ын Төв Хорооны Улс төрийн товчооны гишүүн, Төв хорооны нарийн бичгийн дарга Ф.Д.Кулаков тэргүүтэй ЗХУКН-ын төлөөлөгчид Эрдэнэт хотод зочилжээ.
  • Монгол-Зөвлөлтийн халамжлан хүмүүжүүлэгчдийн “Интернационал” чуулга уулзалт болов. 

Эрдэнэт үйлдвэрийн Цахилгааны цехийн тохируулгын инженер Д.Болд-Энхийн зохион бүтээсэн биеийн эсэргүүцэл хэмжигч төхөөрөмжийг ХАБЭА-н цахилгааны аюулгүй ажиллагааны сургалтад ашиглахад бэлэн болжээ. Тэрбээр уг төхөөрөмжийг нэг жилийн өмнө зохиосон бөгөөд сайжруулалт хийх хугацаандаа Эрдэнэт, Дархан, Багануурын уурхайд ажилладаг 400 гаруй хүнийг туршилтад хамруулсан байна. Тэжээлийн блок, зэс хавтан бүхий энэхүү төхөөрөмж нь мэдрэх гүйдлийг үзүүлэх чадалтай бөгөөд цааш цаашдаа судалгааны ажилд ихээхэн хэрэгтэйг зохион бүтээгч инженер онцоллоо.

Өндөр хөгжилтэй улс орнууд цахилгаан гүйдлийг хэмжих судалгааны лаборатори байгуулан, өөрийн орны иргэдийн биеийн эсэргүүцлийг тодорхойлох, улмаар судалгаанд суурилсан хэм хэмжээг боловсруулан хэрэгцээтэй салбартаа ашигладаг байна. Харин манай улсад энэ төрлийн судалгааны ажил хийгддэггүй бөгөөд Эрдэнэт үйлдвэрийн ажилтан биеийн эсэргүүцэл хэмжигчийг анх удаа зохион бүтээсэн нь энэ юм. Хүн бүр өөрийн биеийн эсэргүүцлийн хэмжээг гаргаснаар хэдэн мА-т тэсвэрлэх чадвартайгаа мэдэх боломжтой бөгөөд энэ нь гэр ахуйн цахилгаан хэрэгсэлтэй ажиллахдаа болгоомжлох эсэхээ тодорхойлох, үйлдвэрийн орчинд аюул эрсдэлээс урьдчилан сэргийлэхэд ихээхэн ач тустай юм. Цахилгааны тухай ойлголтыг сургалтаар өгөх нь учир дутагдалтай тул энэхүү биеийн эсэргүүцэл хэмжигч төхөөрөмжид тулгуурлан илүү ойлгомжтой, бодит хэлбэрээр таниулах боломж бүрдэж байна.  

И.Чинтогтох

            Фото: Б.Баттөгс

 

Эрдэнэт үйлдвэрийн технологийн процесс, цахилгаан эрчим хүчний тоног төхөөрөмжийн мэдээлэл, ус дамжуулах өргөх станцын үйл ажиллагааны нэгдсэн мэдээллийг хянадаг шуурхай удирдлагын төвийн хянах дэлгэцийг шинэчиллээ. Цахилгааны цех, Ус хангамжийн цех, Баяжуулах үйлдвэрийн хариуцан ажиллуулдаг гурван дэлгэцийн нэгийг ийнхүү шинэчилсэн нь үйлдвэрийн тасралтгүй, найдвартай ажиллагааг хангахад томоохон ач холбогдолтойг инженерүүд хэлж байна. 2019 оны хөрөнгө оруулалтын ажилд тусгасан уг дэлгэцийг угсарч, суурилуулах ажлыг тендерт шалгарсан компани болон Эрдэнэт үйлдвэрийн Цахилгааны цехийн инженерүүд 3 өдрийн дотор амжилттай хийж гүйцэтсэн юм. Өмнө ашиглаж байсан дэлгэцийг 2009 оны нэгдүгээр сард суурилуулсан бөгөөд Эрдэнэт үйлдвэрийн найдвартай ажиллагааг 11 жилийн турш ханган ажиллажээ.  

И.Чинтогтох

            Фото: Б.Баттөгс

Мэдүүштэй...

1. Өнөөдөр жилийн 161 дэх өдөр. Он дуусахад 204 хоног үлдлээ.

2. Эрдэнэт хотод агаарын хэм өдөртөө +20 градус, шөнөдөө +6 градус дулаан, үүлшинэ, салхины хурд 6-7 м/сек байна.

3. Аргын тооллын 6 дугаар сарын 10. Буд гараг. Билгийн тооллын шинийн 20. Хөх бич өдөр. Өдрийн наран 4 цаг 53 минутад мандан, 20 цаг 50 минутад жаргана. Энэ өдөр эе, эвээ ололцох, хамтын хөдөлмөр эрхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана (23:40-01:40), үхэр (01:40-03:40), луу (07:40-09:40), могой (09:40-11:40), хонь (13:40-15:40), нохой (19:40-21:40) болой. Хол замд явах хүн баруун урд зүгт мөрөө гаргавал зохистой.Үс шинээр үргээлгэх буюу засуулахад тохиромжгүй.

4.Монгол банкны энэ өдрийн нэрлэсэн ханшаар АНУ-ын доллар 2808, евро 3173, БНХАУ-ын юань 396, ОХУ-ын рубль 41, Японы иен 25, БНСУ-ын вон 2.3 төгрөгтэй тэнцэж байна. (Эх сурвалж: www.gogo.mn)

5.Дэлхийн зах зээл дээр нэг тонн зэс 5680 ам.долларын ханштай байна. (Эх сурвалж: www.lme.com)

 

Эрдэнэт үйлдвэрийн түүхэнд энэ сард...

1973 оны 06 дугаар сар

  • Эрдэнэт үйлдвэрийн техникийн иж бүрэн зураг төсөл боловсруулах ажлыг гүйцэтгэх тухай гэрээнд талууд гарын үсэг зурав.

1975 оны 06 дугаар сар

  • МХЗЭ-ийн МҮЭ-ээс “Халамжлан хүмүүжүүлэгчдийн хөдөлгөөн” өрнүүлэх шийдвэр гаргажээ.

Эрдэнэт үйлдвэрийн удирдлагын баг сүүлийн жилүүдэд геологи хайгуулын ажилд зарцуулах хөрөнгө оруулалтыг нэмэгдүүлэн, Эрдэнэтийн Овоо ордын нөөцийг нэмэгдүүлэх шат дараатай ажлуудыг тасралтгүй хийж байна. Геологи хайгуулын ажлын хүрээнд Геологи хайгуулын экспедицийн хамт олон өнгөрсөн тавдугаар сард нийт 1800 тууш метр өрөмдлөгийн ажил хийж, геологийн боловсруулалт, бичлэг хийх, дээж авалт, дээж боловсруулалт зэрэг төлөвлөгөөт ажлуудаа давуулан биелүүлжээ. Ажлын гүйцэтгэлээ 200 орчим хувьд хүргэсэн геологичид тавдугаар сарыг өндөр бүтээлийн сар хэмээн нэрлээд байна.

Тус экспедици энэ сард 3650 тууш метр өрөмдлөгийн ажил хийхээс дийлэнхи хувийг Баяжуулах үйлдвэрийн Хаягдлын аж ахуйд тэсэлгээний өрөмдлөг хийж гүйцэтгэхээр төлөвлөжээ. Тэсэлгээний өрөмдлөгийг энэ сарын 4-нөөс эхлүүлнэ. Мөн 2020 оны төлөвлөгөөнд Шандын ордод 7000 тууш метр өрөмдлөг хийхээс одоогоор 2000 гаруй тууш метр өрөмдлөг хийж, Үйлдвэр технологийн паркийн талбайд үйлдвэр байгуулах төслийн суурь судалгааны ажлыг хийж гүйцэтгээд байгаа юм.

И.Чинтогтох

Фото: Б.Баттөгс

“Эрдэнэт үйлдвэр” ТӨҮГ-ын Гэрээт гал унтраах 58-р ангийн хамт олон өнгөрсөн5дугаар сардонцгой байдлын албаныхны дагаж мөрдөх дүрэм,журам,хуулийн зүйл заалтыг нэгтгэн,ухаалаг утасныаппликейшн зохион бүтээжээ. Коронавирусын халдвараас урьдчилан сэргийлэх ажлын хүрээнд олон нийтийг хамарсан үйл ажиллагааг аль болох хязгаарлаж, алба хаагчид ажил дээрээ болон гэрээсээ мэргэжлийн мэдээ мэдээллийг цаг алдалгүй хүлээн авах, ур чадварын шалгалт өгөх, шаардлагатай хууль тогтоомжийг харах олон талын зориулалт бүхий “Нема ГОК58” аппликейшн хэрэглээнд нэвтрээд байна. Энэхүү апп-ыг ашиглан алба хаагчдаас дүрмийн шалгалт авах, тэдний мэдлэгийн өсөлт бууралтыгдүгнэх, анализ хийх зэрэг олон талын ач холбогдолтойг Гэрээт гал унтраах 58-р ангийнАнгиллын сургалт сурталчилгаа, урьдчилан сэргийлэх асуудал хариуцсан мэргэжилтэн, ахлах дэслэгчХ.Ганбат тайлбарлалаа.  

“Nema ГОК 58” аппликейшн нь бүтцийн хувьд 20-80 асуулт бүхийанхны тусламж, багаж хэрэгслийн бүтэц, гал сөнөөгчийн үүрэг, гал унтраах дүрэм, тэмдэг тэмдэглэгээний зураг, амьсгалын бие даасан төхөөрөмж ашиглах хөдөлмөр хамгаалал аюулгүй ажиллагааны дүрэм, хөдөлмөрийн аюулгүй байдал, эрүүл ахуйн дүрэм, хуулийн нэр томьёозэрэг 10 гаруй дэд цэстэй юм. Мөн мэргэжлийн гэлтгүй дээрх сэдвийн хүрээнд мэдээлэл авах сонирхолтой иргэд, онцгой байдлын чиглэлээр мэргэшин суралцах хүсэлтэй элсэгчид тус аппликейшныг татан авч хэрэглэх боломжтой.

И.Чинтогтох

Мэдээний төрөл

Календарь

« 7-р сар 2020 »
Да Мя Лх Пү Ба Бя Ня
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Зургийн цомог