Уурхайчдын эрүүл мэндийн боловсролыг дээшлүүлнэ Онцлох

04 10-р сар 2019 12:00
179 удаа үзсэн
   Эрдэнэт үйлдвэр, Медипас эмнэлгийн хамтын ажиллагааны хүрээнд уурхайчдын эрүүл мэндийн урьдчилан сэргийлэх үзлэгийн үр дүнг дээшлүүлэх зорилгоор “Эрүүл мэндийн боловсрол” хөтөлбөр хэрэгжүүлж эхэллээ. Нийт ажиллагсдыг хамруулах уг шаталсан сургалт, хөтөлбөр сүүлийн жилүүдэд урьдчилан сэргийлэх үзлэгийн дүнгээр хамгийн их илэрч буй эрэгтэйчүүдийн түрүү булчирхайн үрэвсэл, эмэгтэйчүүдийн шээс задгайрах өвчлөлийн сэдвээр эхэлж, Улаанбаатар хотоос ирсэн нарийн мэргэжлийн эмч нар хичээл заасан байна. Дээрх өвчлөл нь Дэлхийн эрүүл мэндийн байгууллагуудын гаргасан статистик судалгаанд ч өндөр үзүүлэлтэй гарч байгаа дунд насны эрэгтэй, эмэгтэй хүмүүсийн тулгамдсан асуудал гэдгийг сургагч багш Ч.Оюунтогос онцлов. 
   Уурхайчдын эрүүл мэндийн мэдлэгт том хөрөнгө оруулалт болох эл хөтөлбөр 2019 оны 4 дүгээр улирал дуустал тогтмол үргэлжлэх бөгөөд сургалт бүрийн сэдэв, агуулга судалгааны дүнгээс хамаарч өөрчлөгдөх ажээ. Эхний сургалтыг үйлдвэрийн Ус хангамжийн цех,  Оёдлын цехийн ажилтнуудын дунд хийсэн байна. Тус цехийн ажилтнууд үндсэн сэдвээс гадна  эрүүл чанартай амьдралын тухай, зөв дадал хэвшил, архи тамхины хор хөнөөл, түүнээс хэрхэн урьдчилан сэргийлэх, аливаа өвчний шинж тэмдэг илэрсэн тохиолдолд  ямар арга хэмжээ авах зэрэг олон талын өргөн мэдлэг өгснөөрөө сургалт өгөөжтэй боллоо гэж ярьсан юм. 
 

 



М.Балжинням
Фото Ш.Лхамсүрэн
Сүүлд өөрчлөгдсөн Баасан, 04 10-р сар 2019 08:34
Үнэлэх
(0 Саналууд)

Мэдээний төрөл

Календарь

« 11-р сар 2019 »
Да Мя Лх Пү Ба Бя Ня
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Зургийн цомог